Комбинација од стакло, дрво и бела боја го отсликуваат ова прекрасно поткровје во Стокхолм, Шведска. Овие прекрасни 120 квадратни метри на две нивоа ќе ве воодушеват со стаклените подови, кои се традиционални за скандинавскиот стил на уредување.

Минијатурен станбен простор, со преубави решенија и детали во ентериерот.

Ентериер од само 20 метри квадратни содржи се’ што е потребно за удобен живот, прилагоден на современите потреби на денешницата. Можеби звучи неверојатно, но овојпат ве видиме токму во еден таков мини дом. Минијатурното поткровје е сместено во срцето на Барселона и е вистински пример за убава и креативна организација на просторот. Неговиот одличен дизајн е заслуга на архитектот Anthony Chevallier, задолжен за комплетната трансформација на станот, и тоа за само месец и половина. Станот е со специфична правоаголна форма која финишира со купола, па целта била да се задржи автентичноста на градбата со внатрешниот дизајн. Замислата на архитектот била да го преуреди налик на луксузна хотелска соба, без притоа да ја загуби топлината на домот. Резултатот е шик и елегантен станбен простор, во кој секое катче е естетски привлечно, но има и практична намена. Внимателно е искористен секој центиметар, а детално е испланирана позицијата дури и на најосновните нешта. Така, креиран е отворен план во кој комуницираат дневниот престој со работната зона, кујната и трпезаријата, додека во просторот под куполата сместена е спалната соба, за што подобро да се искористи поволната положба и убавите глетки од прозорците. Целиот стан е темелно реновиран, и оспособен со сите технички предуслови за комфор и модерниот животен стил на станарите. Деталите се избрани со вкус, и во целост ја следат префинетата нота во ентериерот. Пронајдете ја омилената инспирација и за вашиот дом!

Уредете го поткровјето: Погледот на небото е најубав со правилен распоред

Поткровјата се синоним за шармантен и романтичен животен простор исполнет со необични коси ѕидови, греди и прозорци со поглед кон небото. Становите на поткровје се исти како и оние на приземје, се продаваат поевтино, бидејќи ѕидовите се пониски и просторот ќе ви биде уникатен.

Искористете го косиот ѕид за уредување на кујна по мерка. Со оглед на тоа дека многу кујни во малите станови немаат прозорци, овде можете да си вметнете прозорец на кровот, кој целосно ќе ви пренесува светлина, а и секогаш кога ќе готвите ќе може да го отворате.

Поглед

При изборот на стан на поткровје, избегнувајте ги становите кои имаат прозорци само на кровот. Ќе ви се ограничи погледот само на небото и за брзо време тоа ќе ви стане монотоно. 

Идеален простор за детска игра и креативна работа

Многу куќи кријат неискористени тавани на кои се наоѓаат неискористени работи, а токму тој простор можете да го искористите за дополнителна соба за гости, детска соба, простор за учење или играње. Таванскиот простор е оддалечен од останатите соби, па таму е целосна тишина за одмор и релаксација. Преуредете го целиот таван, но проверете ја неговата сигурност. Доколку е потребно поставете неколку столбови.

Спалната соба може да биде добро изолирана

Многу е важна топлинската изолација на поткровјата. Летото е потопло отколку на пониските катови, а зиме потешко може да се затопли, па важно е да обезбедите што помало губење на топлинската енергија. Клима уредот е морален за време на летниот период, особено ако на поткровјето се наоѓа и вашата спална соба. Стручњаците препорачуваат клима уредот да се постави што повисоко во просторијата, а прозорците на југ ќе го заштедат греењето за време на зимниот период.

За сè останато искористете ја вашата имагинација. Играјте си со бои и контрасти и уживајте во вашето ново катче!