Големото јаболко, made in China

Планетарно познатиот поим Големото јаболко наскоро нема да го симболизира само Њујорк туку и петкатницата со необична архитектура која неодамна започна да се гради во Кина.

One Hawort Center

Холанд, Мичиген; Дизајн: Перкинс & Вил; Архитект: Ралф Џонсон

Хаворт произведува канцелариска опрема – столови, маси, дури и подови за канцеларија. Според тоа главните канцеларии на компанијата би требало да бидат пример за она што тие го произведуваат. Откако извршија темелно реновирање на просторот и проширување, се реализираше и оваа идеја. Новиот објект има сертификат Златен LEED (Водач за дизајни во кои се посветува особено внимание на рационалното користење на енергија и за односот кон природата, заб. на прев.) Има трикатна стаклена аула и подвижен зелен покрив. Иако објектот е околу 20% поголем од претходниот, тој нема да троши повеќе енергија.

Maliby Lumber Yard, Калифорнија

Малибу, Калифорнија; Автори: дизајнерска група Valleycrest

Овој дизајн претставува комбинација на концептите „Калифорнија сонувајќи“ и „купувај-додека-не-цркнеш“. Станува збор за продажен центар со супериорен квалитет. Објектот целосно се вклопува во локалните обележја и пејзаж. Во објектот е имплементирана технологија за зачувување на водата и прочистување на искористената вода. Исто така во објектот е поставен дрвен под кој може да се обновува.

Кулата во Шангај

Шангај; Shanghai; Дизајн: Генслер

Кога ќе биде завршена во 2014 година, Кулата во Шангај ќе биде највисоката зграда во Кина. Ќе се состои од две ротирачки фасадни слоја, меѓу кои ќе се бидат поставени бројни апарати за подобрување на квалитетот на воздухот и атриуми со градини. Ротирачкиот дизајн ја намалува силата на ветерот, а оградата ја собира дождовницата, која се користи во системите за греење и за ладење.

Меѓународен конгресен центар во Мадрид

Мадрид; Дизајн: Mansilla + tuñón + Peralta Arquitectos

Замислен како сонце што изгрева над Мадрид, конгресниот центар, кој треба да биде завршен во 2012 година, создава прекрасна силуета на градскиот хоризонт. Покриен со 21000 шестоаголни сончеви панели поставени во форма на кошница, објектот вклучува систем за искористување на водата од дождот.

Линдал домови

Дизајн: Turkel

Создавајќи домови по нарачка во текот на повеќе од 60 години, Линдал има огромно искуство во градење куќи кои се ефикасни од гледна точка на природата. Од девет куќи направени со Turkel дизајн, избрани се неколку – од 630 до 810 квадратни метри. При изградбата е вложен огромен труд да се намали употребата на материјалите.

Вертикална фарма за преработка на морска вода

Дубаи; Дизајн: Studiomobile

Произлезена од грижите поврзани со зголемувањето на бројот на жители, а намалувањето на залихите од свежа вода, оваа футуристичка – сè уште само концептуална – кула е дизајниран како одржливо средство кое морската вода ќе ја претвора во вода за пиење. Фармата која вклучува 5 зелени куќи што личат на кокосов орев, треба да ја претвора солената вода користејќи прилично едноставни процеси базирани врз кондензација на жешкиот, влажен воздух.

Еколошки градови

Еколошкиот град Тианџин

Сместен во Кина и развиен во соработка со Сингапур, овој град ќе ја употребува непотребната топлина од електричната централа во близина. Во градот се потенцира еколошкиот начин на употреба на средствата за транспорт и рециклирањето на водата.

Островот Зира Зеро

Станува збор за острови од брегот на Азербејџан. Стратешки поставените соларни плочи овозможуваат еколошка енергија, која ја надополнуваат поставените ветерници.

Гванџио

За разлика од типичните градови сместени во долини на Јужна Кореа, каде што намалениот проток на воздух создава смог, во овој град основната идеја е зелениот простор да се гради угоре, при што се имитираат моделите на ридови и долини. Секоја кула би требало да има балкони раскошно исполнети со растенија.

Изменето од Sunny - 08.Јули.2010 во 17:57

Тема на која ќе можеме да дискутираме за еко - новитетите во архитектурата.
(ако не и е место тука...слободно нека оди во архива )


Зелена архитектура


Живееме во нова ера трета светска енергетска криза. Земја сме која најнерационално ја користи енергијата во Европа, поточно трошиме повеќе енргија по единица на друштвен производ од европскиот просек, а пет пати повеќе од земјите кои сме опкружени.


Скапите увозни енергенти (течни горива и гас) и потребата за енергетска независност, не насочуваат на поголема стратегиска употреба на обновени извори на енергија. Енергетската самостојност на една земја се вчитува во проценти на користење на обновени извори на енергија (геотермални води, ветар, вода во хидроцентралите, биомаса и соларна енергија), во однос на количината на енергенатот кој ја увезува (течни горива и гас). Во развиените европски држави, обновените извори на енергија чинат од 10-12 отсто вкупен енергетски биланс, а кај нас само 1 процент.


Еколошката свест не обврзува да размислуваме за животот во склад со природата, и употребата на технологијата која не ја загрозува планетата. Ако сакаме спас за Земјата, мора да се промени и начинот на животот како и начинот на градењето. Неадекватниот пристап кон градењето, еден е од најбитните допринеси за глобалното загревање на планетата.

Прачовекот интуитивно градеше во склад со природата. Техничкиот и технолошкиот напредок донесе на цивилизацијата проектирање и градење која ги исцрпува фосилните енергенти, нагомилувајки нерециклажни материјали, доспевање на штетни гасови кои го отуѓуваат човекот од природата. На проектантите и инвеститорите е да осмислат, да проектираат и градат зелено.


ШТО Е ЗЕЛЕНА АРХИТЕКТУРА

Зелена архитектура е име за архитектурата која се прави и живее во склад со природната средина. Таа ги почитува еколошките законитости, не ги нарушува црпи обновена енергија и се вклопува со природните текови како живиот организам. Тоа е проектирање и градење со висока свест за природата и окружувањето, и користењето на природни еко системи како макро модели на урбанистичкото планирање.


Зелената архитектура планира во склад со здравиот начин на живеење( правилна ориентација на објектот, осончан простор во кој се живее и работи, хумана густина на живеење во блоковите и населбите, во изобилство зеленило и рекреативни водени површини) .Таа подразбира максимална употреба на обновени и еколошки чисти извори на енергија, конзервација и рециркулација на вода и енергија, употреба на природни рециклирани материјали при градењето, употреба на штедливиматеријали( изолација, системи на греење) користење на одржливи технологии( економски и еколошки) проектирање во однос со природата и отворање ентериер кон амбиентот, воспоставување дијалог меѓу објектот и архитектонското опкружување со природата.


Како резултат на зеленото проектирање се појави паметна куќа. Од аспект на енергетската одржаност таа користи најдостапни и обновени извори на енергија. Кај нас тоа би било геометрална вода, енергетски ветер, соларна енергија, акумулирање и штедење на енергијата интегрирање и комбинирање на енергетските системи, програмирани и управувани со рационализирање на штедењето, штедењето вода, акумулира дожд, рециклира вода, го контролира квалитетот на воздухот во домот и нивото на штетните гасови од куќата.

ИСТОРИЈА НА РАЗВОЈОТ НА ЕКО СВЕСТА ВО АРХИТЕКТУРАТА


Свеста за запирање на глобално загревање на планетата со штетно градење, се појави во втората половина на дваесетиот век, каде беше донесена декларација( на конференцијата на Светската комисија на Обединетите нации за животна средина во 1986, во Рио де Жанеиро 1992, Светска изложба Експо 92 во Севиља).

Денес архитектите проектираат по мерка на човекот, но со свест за заштита на планетата од понатамошно загадување. UNESCO, и разни светски еколошки движења и архитектонски здруженија доделуваат награда за “најзелен” проект. Најбогатите земји градат најштедливи згради и населби.

Светскиот трговски центар во Бахраин е најголем до денес реализиран објект, со самостојни обновени извори на енергија. Три ветрогенератори го карактеризираат поставени на пасарелата меѓу двете кули. Облата форма на зградата го забрзува струењето на воздухот, асоларните коректори ја прекриваат пола фасада на обете кули. Објектот е интересен и по архитектонските вредности, и по употребата на современите штедливи материјали.

Ова е доказ дека може да се проектира зелено дури и објектот кога е по намена, најмалку еколошки. Јавна гаража во центарот на Штутгарт, цела со стакло со централен атриум кој обезбедува природно проветрување. Внатрешниот парк е богат со зеленило кој се протега низ сите катови, водоскоци, поточиња и базените прават зелена и здрава микро клима во гаражата. На врвот од зградата е канцелариски простор со поглед на околината- концепт кој ја докажува грижата за “малиот” службеник на паркингот за наплата.

Моментално во Сингапур се гради идниот најголем зелен работен комплекс на станбените згради. Објектот ќе користи геометрални води за движење на топлотните пумпи, ке ја акумулира и ќе ја рециклира атмосферската вода, а фасадите ќе ги покрива со соларни колектори. Положбата и формата на зградата се подредени на максимално собирање на сончеви зраци. Во исто време брановите на кровните покривачи достигнуваат природно проветрување и собирање на атмосферската вода. Концептот на застаклениот богато озеленет јавен простор, нуди можност на енергетска контрола на зградата и намалување на вкупните трошоци во експлоатирањето.