Поуки на Светите Мајки

 Messenger напиша:

Inaku prashanjeto e:  Ako samo Gospod odreduva  koja majka e sveta, kako toa NIE reshavame koja od niv kje na narecheme sveta, a koja ne? 

Месинџер, многупати повторено, ама ајде, нека биде и уште еднаш. Се надевам дека овој пат ќе го запомниш ова што ќе го кажам.

Господ е главата, а телото е Црквата. Телото функционира заедно со главата. Значи, Господ ПРЕКУ Црквата одредува кој ќе биде светител (а тоа, се разбира, треба да биде заслужено со дела на љубовта).

Ако не сфаќаш што ти зборувам, еве ќе ти објаснам со прост пример од Светото Писмо.Читај внимателно:

Дела 15:5-29

Тогаш станаа некои од приврзаниците на фарисеите, што беа поверувале, и зборуваа дека тие треба да се обрезуваат, и да им се заповеда да го пазат Законот Мојсеев.  Апостолите и старешините се собраа да го разгледаат тоа прашање. По долго расправање, стана Петар и им рече: „Луѓе браќа, вие знаете дека Бог од првите дни ме избра меѓу вас, незнабошците од мојата уста да го слушнат словото на Евангелието и да поверуваат; и Бог, Кој ги познава срцата, им посведочи, и им даде Дух Свети како и нам. Тој не направи никаква разлика меѓу нас и нив, зашто со верата ги очисти нивните срца. Сега, пак, зошто Го искушувате Бога, ставајќи им на вратот на учениците јарем, што не можеа да го поднесат ни нашите татковци, ниту ние. Но ние веруваме дека ќе се спасиме со благодатта на Исус Христос, исто како и тие.” Тогаш замолкна сето мноштво и го слушаа Варнава и Павле, кои прикажуваа какви знаци и чудеса направил Бог преку нив меѓу незнабошците. А кога тие престанаа, тогаш прозборе Јаков и рече: „Мажи браќа, слушнете ме! Симон изложи како Бог најнапред ги посети незнабошците, за да избере од нив народ за Неговото име; и со тоа се согласуваат и зборовите на Пророците како што е напишано: ,И потоа ќе се вратам и пак ќе го подигнам паднатиот дом на Давид, и неговите урнатини ќе ги поправам и ќе го издигнам, за да Го побараат Господ и другите луѓе и сите народи, кои се наречени со Моето име.‘ Така вели Господ, Кој го прави сето ова. Познати Му се на Бога сите Негови дела од создавањето на светов. Затоа јас мислам дека не треба да им прават мачнотии на незнабошците, кои се обраќаат кон Бога, туку да им се заповеда да се воздржуваат од идолски жртви, од блудство, од удавено и од крв, (и да не му прават на друг ништо, што ним не им е угодно). Зашто Мојсеј уште од старо време во секој град има луѓе, кои го проповедаат, бидејќи го читаат по синагогите секоја сабота.” Тогаш апостолите и старешините заедно со целата Црква одлучија да ги изберат меѓу себе Јуда, наречен Варнава, и Сила, истакнати мажи меѓу браќата, и заедно со Павле и Варнава да ги пратат во Антиохија. И со своите раце им го напишаа следново писмо:  Апостолите, свештениците и браќата ги поздравуваат браќата од нееврејските народи што се во Антиохија и Сирија и Киликија. Сме слушнале дека некои од нас, на кои ништо не сме им заповедале со зборови, ве вознемириле, и ги потресле душите ваши, велејќи ви да се обрезувате и да го пазите Законот. Затоа, откако се собравме, еднодушно одлучивме да избереме луѓе и да ги пратиме кај вас заедно со нашите омилени Варнава и Павле, луѓе, кои ги предадоа душите свои за името на нашиот Господ Исус Христос. И така, ние ви ги пративме Јуда и Сила, кои ќе ви го кажат тоа и усмено. Зашто Светиот Дух и ние одлучивме да не ви ставаме на вас никаков друг товар, освен она што е потребно: да се воздржувате од месо принесено како жртва на идоли, од крв, од удавено, и од блудство. Ако внимавате на ова, добро ќе направите. Бидете здрави!” 

Гледаш ли каква е соборноста на Црквата? Значи, заедно се собираат, разгледуваат некое прашање, даваат мислења, се испитува дали тоа што се решава е во духот на Бога или не, па донесуваат одлука ЗАЕДНО со Светиот Дух. Тоа е Црквата. 

За разлика од Православните Христијани и Римо-католиците, протестантите никнати со реформацијата во 16-ти век практично сметаат дека со вознесението Христово, замира верата и опитниот живот на Црквата, та секоја одлука после тоа е спротивна на Божјата волја и дека Вистината може да се најде ЕДИНСТВЕНО во Светото Писмо. Но, нивната грешна теологија се гледа во Библиските примери каде и откако Господ веќе не бил со апостолите на земјава, тие и понатаму продолжуваат да постојат како Црква и да донесеуваат одлуки, бидејќи Тој им Го испратил Светиот Дух да ги раководи. Тој Свети Дух нема да се одземе од Црквата се’ до крајот на вековите, затоа и Црквата како такава ќе се собира соборно да донесува одлуки во зависност од потребата, а во конткретниов случај, и за разгледување на прашањето на светоста на одреден човек. 