Најпознатите дворци биле инспирација за многу бајки, легенди, и митови. Некои од нив се Камелот на кралот Артур и замоците на Пепелашка и на Заспаната убавица, чии мотиви може да се најдат во парковите низ светот.

Уживајте во преубавите фотографии од некои од најубавите дворци во светот.

Казр Карана 

Казр Карана е еден од најпознатите пустински дворци, сместен во денешен југоисточен Јордан.

Изграден на крајот од 7-от век, овој замок претставува еден од најраните примери на исламската архитектура во регионот. Поради ограничувањето со снабдување со вода, дворецот Казр Карана се користел повремено, а се смета дека бил место за состанок на Бедуините.

Конви

Дворецот Конви е изграден меѓу 1283 и 1289 година, за време на воените походи на кралот Едвард I во северен Велс.

Шест години подоцна дворецот го опседнал последниот принц од Велс. Опсадата траела неколку месеци кога снемале залихи од храна, така што дворецот и градот не биле освоени. Проценето е дека на изградба да дворецот и на одбраната на градот се потрошени околу 15.000 фунти (што денес би изнесувало 162 милиони).

Бран

Сместен во Романија, дворецот Бран обично се нарекува „дворецот на Дракула“, иако Влад Цепеш никогаш не го сметал за свој дом.

Дворецот првпат е користен во 1378 година во борба против Отоманското царство, а подоцна станал царинарница меѓу Трансилванија и Валахија.

Влад Цепеш, историска личност искористена во романот на Брам Стокер, всушност никогаш не живеел во Бран, но поминал два дена заклучен во темница во кулата кога Трансилванија била под Турците.

Хајделберг

Дворецот се наоѓа во ридовите северно од Хајделберг, на висина од 80 метри, од каде има поглед кон стариот дел на германскиот град.

Рушевините од замокот се вбројуваат меѓу најважните ренесансни градби северно од Алпите, а нивната историја била бурна откако е изграден првиот замок во 13-от век.

За време на Триесетгодишната војна во 17-от век Французите сосема го уништиле, а во 1764 година во дворецот удрил гром, па неговиот камен е користен за градење нови куќи во Хајделберг.

Благодарение на многубројните градби и на реновирањето, денес дворецот се одликува со различни архитектонски стилови што му дава посебен шарм.

Високиот Кенигсберг 

Дворецот Високиот Кенигсберг е сместен на стратешка положба на високото брдо од каде се гледа рамнината Алсатиан во планините Вогези во Франција.

Користен е од средниот век, па до Триесетгодишната војна, кога шведските војници го запалиле и го ограбиле дворецот по опсадата од 52 дена. Потоа неколку стотина години бил запуштен.

Во 1899 година германскиот цар Вилхелм II го вратил во првобитната состојба, а Франција го запленила дворецот по Првата светска војна.

Шијон

Сместен на преубаво место меѓу брегот на Женевското езеро и Алпите, дворецот Шијон е најпосетен историски споменик.

Замокот се состои од 100 посебни градби кои постепено се поврзувани и сега прават целина.

Во средината на 12-от век во дворецот живеел грофот од Савоја, а за време на 13-век замокот значително бил проширен.

Дворецот никогаш не бил под опсада, но сменил многу сопственици.