Најубава македонка

Ива Михајловска (19) од Скопје, ланската мис на Македонија за Кралица на светот ќе учествува на Мис Медитеран што во сабота ќе се одржи во Никозија, Кипар. На изборот Кралица на светот го освои четвртото место.
Ива која е манекенка во модното студио "Црнокрак" веќе се наоѓа на Кипар заедно со екипата на Црнокрак кој ја поседува лиценцата за овој избор. Во финалето ќе носи модели на "Елена Лука", а се подготвуваше во студиото за убавина "Елит".

Ана е најманекенка на Модната недела

Со својот поглед зад кој се кријат азурно сини очи, напрчените усни, облини, висина од 182 см и километарските долги нозе ја остави без здив публиката која ја следеше Модната недела низ неколку локации во центарот на Скопје. Со својот сигурен од и самоувереност на пистата, Ана Коцева (18) од Скопје ги има предиспозициите да биде врвна манекенка и модел и надвор од границите на Македонија. Заштитното лице на агенцијата "МакМоделс" ги носеше речиси сите ревии на дизајнерите и модните куќи- учесници, а беше професионалец кога требаше да разоткрие и дел од облините. Зад себе има двегодишна манекенска кариера во матичната агенција и учествувала во многу рекламни кампањи во земјава. Следната дестинација и е Фиренца, Италија на годишната ревија на "Академија Италијана" каде учествуваше и лани.