ГРАФОЛОГИЈА

Неинформираните графологијата ја ставаат во групата на учења како астрологијата, хиромантијата и слични кои што даваат резултати врз база на информации кои не се во никаква корелација со карактерот на личноста.

Овие учења дават резултати кои се фиксни, а тоа значи дека карактерот на личноста не може да се промени и е однапред предодреден.

Графологијата нема никакви допирни точки со нив бидејќи се работи за сосема поинаква работа.

Графологијата се занимава со проучување на ракописот и тој дава психолошки портрет на личноста. Ракописот всушност не е дело на раката, таа само ги следи упатствата кои ги дава мозокот. Поради тоа секој процес кој се одвива во вашиот мозок влијае на начинот на кој ги пишувате буквите. Така ракописот ја рефлектира вашата психологија, вашата сегашна ментална состојба, вашето расположение, чувства и начин на размислување.

Со пишувањето, на хартијата не остануваат само буквите туку се издава и дел од она што се случува во внатрешноста на луѓето.

Графологијата дава информации за сегашната состојбата на авторот како и одредени влијанија од минатото кои влијаат на него, но воопшто не дава одговор за што ќе се случува во иднината бидејќи тоа е невозможно да се предвиди. Единствено ако знаете каква е личноста сега, ќе можете да знаете што можете да очекувате од неа во иднина.

Денес графологијата најчесто ја користат луѓето со цел да се запознаат подобро себеси и луѓето кои ги чувствуваат блиски. Многумина се обраќаат кај графолог за да дознаат дали личноста која ја одбрале за животен партнер е вистинската. Резултатите се вчудоневидувачки и често луѓето и не веруваат во тоа како е можно да се добие толку точна слика за нив и тоа само од неколку напишани реченици од нивна рака.

Графологија се применува и во процесот на вработување при оценување на квалитетите на потенцијалните нововработени. многу фирми во Франција, Холандија, Шпанија и Израел го применуваат овој метод за добивање на додатни информации за личностите кои конк*рираат за нивните работни места.

Многумина се разочаруваат кога неуспешно ќе ја проценат личноста во која толку многу верувале и вложиле многу љубов или кога ќе вработат личност поради која подоцна нивниот бизнис трпи загуби.

Затоа тука е графологијата која може да ви помогне за кратко да дознаете дали одредена личност има тенденција да лаже, да биде агресивна, да има страв од интимата, дури и да откриете дали станува збор за двојна личност................