Има ли вонземјани?

Барни и Бети Хил тврделе дека биле киднапирани од вонземјани и никој не сакал да поверува во тоа. Меѓутоа, после толку години, статистичарот Давид Саундерс вели дека скиците кои ги направила Бети, потсетуваат на ѕвездениот систем во јужното соѕвездие Ретикулум.

Имено, во 1961 година, Бети и Барни наводно прв пат биле киднапирани до страна на вонземјани. Овој пар од Њу Хемпшир во Америка се обидувал да ги докаже своите тврдења, така што нацртале мапа од местото од кое дошле вонземјаните.


Меѓутоа, биле исмеани откако експертите рекле дека не постои ниедно соѕвездие кое дури потсетува на она кое го нацртала Бети.

Сепак, 54 години подоцна, еден експерт тврди дека можеби има вистина во нивните тврдења. Давид Саундерс вели дека постои можност Бети да ја зборувала вистината, со оглед на тоа што нејзиниот цртеж потсетувал на ѕвездениот систем зета Ретикули, во јужното соѕвездие Ретикулум, пишува Express.co.uk.

Како што вели тој, нема шанси Бети сосема случајно да ја нацртала мапата од нешто за кое претходно не се знаело дека постои.


Бети Хил починала во 2004 година, но претходно ова го раскажала за нејзиното киднапирање: „Јас бев одведена на палуба. Барни го одведоа во една соба, а мене во друга. Оној кој го правеше тестирањето го нарековме Испитувач. Прво ме ставија на столче и ми ги прегледаа очите, ушите, носот и вратот, а потоа ме ставија на маса и рекоа дека сакаат да го испитаат мојот нервен систем. Тогаш се обидоа да стават инструмент сличен на игла во мојот папок, но ми предизвика огромна болка, па се откажаа од тоа. Барни го испитувале на сличен начин, со тоа што кај него особено ги интересирал коскениот систем“.

Исто така, таа рекла дека имала и средба со водичот на вонземјаните.


„Го прашав: ’Знам дека не доаѓате од нашата планета, но тогаш, од каде сте?’, а тој ми покажа ѕвездена мапа, која го означуваше местото од кое доаѓаа.“

После средбата со вонземјаните, парот имал ужасни ноќни мори и пател од голем стрес. Барни толку се разболел, што побарале совет од доктор. Ги прегледал и хипнотизирал др. Бенџамин Сајмон, кој го открил сево ова. Имено, тие само се сеќавале дека вонземјаните ги киднапирале и ги вратиле дома. Останатите сеќавања биле добиени под хипноза.


Кога Бети и Барни се вратиле во сеќавањето на изгубеното време и ги навеле моментите од киднапирањето, можеле јасно да се присетат на сите детали, кои биле понатамошен доказ за нивната приказна. Додека била под хипноза, Бети ја нацртала мапата од соѕвездието, за кое денес Саундерс тврди дека потсетува на соѕвездието Ретикулум.