Познатата индиска актерка и Боливудска ѕвезда, Аарти Агарвал, починала на 32 години поради компликациите кои настанале по липосукцијата, пренесуваат индиските медиуми.

Аарти козметичката постапка за отстранување на масните наслаги ја направила пред шест седмици, по што имала големи проблеми со дишењето, а починала од срцев удар.

Актерката првиот свој филм "Paagalpan" го снимила на 16 години, а нејзиниот последен филм "Ranam 2" премиерно бил прикажан ден пред да почине.


"Аарти се бореше со дебелината и имаше проблеми со белите дробови. Направи липосукција и по одредени компликации, доживеа срцев удар и почина", рекол нејзиниот менаџер.

Актерката се омажила со Тасвал Кумар во 2007-та година, а парот се развел две години подоцна.

Нејзината сестра Адити е исто така актерка.