Црнците стануваат мнозинство во САД

Причина за тоа е се поголемата имиграција, како и високата стапка на наталитетот на црнците, но и се поголемата старост на белото население

Според најновите проценки на растот на популацијата, која го објавила американската влада, по 2042 година белците повеќе нема да го чинат мнозинството жители во САД. Според поранешните проценки во 2004 година тоа би требало да се случи дури по 2050 година.

Причина за тоа е се поголемата имиграција, како и високата стапка на наталитетот на црнците, но и се поголемата старост на белото население.

Во САД моментално живеат околу 305 милиони жители а се проценува дека до 2039 година тој број ќе се зголеми на 400 милиони додека во 2050 година би требало да има околу 439 милиони. Моментално уделот на белото население е две третини а само од нив 55 отсто се помлади од пет години. Според предвидувањето до 2050 година белците ќе бидат 46 отсто од вкупното американско население.

Црното население до 2050 година би требало да чини 15 отсто од вкупното население додека бројот на хиспаноамериканите треба да се удвои - од моменталните 15 отсто треба да биде 30 отсто. Азијатите кои моментално се околу пет отсто до 2050 година би требало да бидат девет отсто од американското население.

http://www.kirilica.com.mk/vest.asp?id=14581