Тетово

 

На подрачјето што го покрива тетовската Полициска станица за безбедност на патниот сообраќај минатата година се случиле вкупно 1452 сообраќајни несреќи, што е за 49 помалку во споредба со претходната, 2008-ма година (1501) информираат од СВР Тетово.

Најголемиот број од несреќите, односно 1156 биле само со материјална штета, пет несреќи завршиле со трагични последици, а во 48 регистрирани се тешки телесни повреди.

Најчести причини за ланските несреќи се неправилно вршење дејствие 33 проценти, неприлагодена бзина според условите на патот 14,88 проценти, непочитување првенство 12,60 проценти и друго.

- Најголем број од несреќите во овој период се случиле на градските улици „Илинденска’’ и „Маршал Тито’’, кои и натаму се сообраќајно најризични за возачите, но и за велосипедистите и пешаците. Покрај градските улици, безбедносно проблематичен лани беше и регионалниот патен правец Тетово-Јажинце. Најмногу „сообраќајки’’ минатата година, инаку се случиле во петоците, во периодот помеѓу 14 и 16 часот, рече портпаролот на СВР Тетово, Марјан Јосифоски.

Како една од мерките за превенција и зголемување на сообраќајната култура во саботите во Тетово се организира и таканаречена сообраќајна поука со која се опфатени сите оние учесници во сообраќајот кај кои се утврдени определени пропусти и недостатоци, односно кои ги прекршиле сообраќајните правила и прописи.