Најубавите стихови во Библијата

Римјаните 3

21 А сега, независно од Законот, се јави Божјата правда, за која сведочат Законот и пророците,
22 и тоа Божјата правда, преку верата во Исуса Христа, за сите кои веруваат, бидејќи нема разлика;
23 зашто сите згрешија и им недостасува Божјата слава,
24 но се оправдуваат од Неговата благодат, преку откупот во Христа Исуса,
25 Кого Бог Го постави за жртва на помирувањето преку вера, во Неговата крв, за да се покаже Неговата правда во пропуштањето на поранешните гревови, во

   
„Ме побараа, кои не прашуваа за Мене, Ме најдоа, кои не Ме бараа;
му реков: ‘Еве Ме! Еве Ме!’ на народ, кој не го повикуваше Моето Име.


Св.Пр. Исаија 65:1

Откровение 22:14-16

Блажени се оние, кои ги перат своите облеки, за да имаат право на дрвото на животот и за да можат да влезат во градот низ портите!

Надвор се кучињата и вражалците, и блудниците и убијците, и идолопоклониците и секој, кој ја сака лагата и лаже.

"Јас, Исус, го испратив Својот ангел, да ви го посведочи ова на црквите. Јас Сум корен и род Давидов; сјајната ѕвезда Деница!"

Псалм 91

2
речи му на Господа: „Прибежиште мое! Тврдино моја! Боже мој, на Кого се надевам!”

Псалми 107:1

Славете Го Господа, зашто е благ,зашто Неговата милост е вечна!
Фалете Го Господа,сите народи,Славете Го,сите племиња!
Славете Го небесниот Бог,зашто Неговата милост е довека!

   
Во првиот ден на седмицата, многу рано, тие дојдоа на гробот, носејќи ги приготвените мириси.

Но ја најдоа плочата иставена на гробот.

И кога влегоа, не го најдоа телото на Господ Исус.

И додека се чудеа на тоа, одеднаш пред нив застанаа двајца мажи во светли облеки; тие се уплашија од страв и ги наведнаа лицата кон земјата, а овие им рекоа: „Зошто Го барате Живиот меѓу мртвите?
Тој не е овде, а воскресна; сетете се како ви рече, додека беше уште во Галилеја, говорејќи дека Синот Човечки треба да биде предаден на луѓе грешници и да биде распнат, и на третиот ден да воскресне.”
   

Ев.Лука 24:1-7

Исус е Воскреснат!

А по саботата, на осамнување на првиот седмичен ден, дојдоа Марија Магдалена и другата Марија да го видат гробот. И ете, стана голем земјотрес, зашто Господов ангел слезе од небото, пристапи и го одмести каменот и седна на него. А лицето му светеше како молња, а неговата облека - бела како снег. Од страв пред него, стражарите трепереа и станаа како мртви. Тогаш ангелот проговори и им рече на жените: „Вие не бојте се! Зашто знам дека Го барате распнатиот Исус. Го нема тука, зашто воскресна, како што рече! Дојдете и видете го местото каде што лежеше, и отидете бргу и кажете им на Неговите ученици дека воскресна од мртвите и - ете - Тој оди пред вас во Галилеја. Таму ќе Го видите! Ете, ви кажав!”
И тие излегоа веднаш од гробот, со страв и со голема радост, и отрчаа да им соопштат на Неговите ученици. И ете, Исус ги пресретна и рече: „Здраво!” А тие се приближија при Него, Му се фатија за Неговите нозе и Му се поклонија.
Тогаш Исус им рече: „Не бојте се! Одете и соопштете им на Моите браќа, да отидат во Галилеја; и таму ќе Ме видат.” А кога одеа, ете, некои од стражарите дојдоа во градот и им соопштија на првосвештениците за сè што беше станало.
И се состанаа со старешините, и се советуваа, и им дадоа на војниците многу сребреници и им рекоа: „Кажете дека Неговите ученици дојдоа ноќе и Го украдоа, додека ние спиевме. И ако за ова чуе управителот, ние ќе го убедиме и ќе ве направиме да немате грижа.” А тие ги зедоа сребрениците и постапија, како што ги подучија. И тоа слово се разгласи меѓу Јудејците до денес. А Единаесетте ученици отидоа во Галилеја, на гората, каде што им беше определил Исус. И штом Го видоа, Му се поклонија, а некои се сомневаа. Тогаш Исус им се приближи и им рече: „Дадена Ми е сета власт на небото и на земјата. Така одејќи, направете ги сите народи Мои ученици, крштавајќи ги во името на Таткото и Синот и Светиот Дух! Учејќи ги да пазат сè што Сум ви заповедал! И еве, Јас Сум со вас во сите дни до свршетокот на светот. Амин!”

Матеј 28:2-20 (од Библијата)