IDIVIDI forum Веб сајт
почетна страница почетна страница > Здравје > Исхрана и кулинарство
  Активни теми Активни теми RSS - Рецепти за торти и други благи работи
  најчести прашања најчести прашања  Пребарувај форум   Настани   Регистрирајте се Регистрирајте се  Влез Влез

Рецепти за торти и други благи работи
 Внеси реплика Внеси реплика страница  <1 2627282930 56>
Автор
Порака Обратен редослед
  Тема Пребарувај Тема Пребарувај  Опции за темата Опции за темата
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 23.Септември.2013 во 11:31
Кафе колачиња
Потребни состојки:
  • 110 грама кафеав шеќер
  • 100 грама шеќер
  • 1 јајце
  • 10 милилитри екстракт од ванила ( не е задолжително)
  • 20 милилитри млеко
  • 250 грама брашно
  • 5 грама сол
  • 1 грам сода
  • 1 грам печиво
  • 10 грама инстант кафе
Начин на подготовка: Загрејте ја рерната на температура од 200 Целзиусови степени и обложете ја тавата со пергаментна хартија. Во голем сад ставете ги кафеавиот и белиот шеќер, јајцето, екстрактот од ванила и млекото и мешајте додека смесата не стане пенеста. Во друг сад ставете ги брашното, солта, печивото и инстант кафето и на крај додадете ја смесата што претходно ја измешавте. Со миксер мешајте додека не добиете темелна хомогена смеса.
Откако ќе го направите ова, направете идентични кружни форми или доколку имате калапи можете да направите различни видови креативни колачиња. Направените форми наредете ги во тавата и печете 10 минути на температура од 200 Целзиусови степени, додека колачињата не ја добијат потребната светло кафеава боја.
[IMG]
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 23.Септември.2013 во 11:25
Куглов

Состојки:
3 јајца
3 филџани шеќер
1 филџан зејтин
1 филџан млеко
4 филџани брашно
2 лажици какао
1 пециво
1 ванилин шеќер
2 лажици прав шеќер

Јајцата и шеќерот се матат, откако ќе се изматат се додават другите состојки зејтинот, млекото, брашното, пецивото и ванилниот шеќер. Се бркаат со лажица додека смесата не се изедначи. Потоа еден дел од смесата оделуваме (помалку од половина од смесата) и во тој дел ставаме две лажици какао така добиваме две смеси едната жолта другата кафеава.. Кугловиот калап го премачкуваме со зејтин и ставаме половина од смесата од жолтата, потоа ја додаваме другата смеса што е со какао а врз таа ја ставаме останата жолта смеса. Потоа се става да се пече во загреана рерна на 150 степени околу 30 минути. Откако ќе се испече се наросува со прав шеќер.

007.jpg015.jpg
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (1) Благодарам(1)   Цитирај Valerija Цитирај  Внеси репликаОдговор Директен линк до овој коментар Испратена: 23.Септември.2013 во 11:21
Tорта со мармалад

Состојки:
300гр шеќер
350мл вода
3 лажици мармалад (било каков по вкус се избира)
1 пециво
1 ванили шеќер
1 лажичка сода бикрабона
6 лажици зејтин
400 гр брашно

Фил:
мармалад, 100 гр чоколадо за готвење и мелени ореви.

Подготовка:
Сите овие состојки по редослед се ставаат во длабок сад и се меша додека не се добие хомогена смеса. Потоа смесата се става во правоаголен плех претходно премачкан со масло и се пече на температура од 200 степени 30 минути.
Кога ќе се испече и излади, кората се премачкува со мармалад, а врз мармаладот се истура растопеното чоколадо и се остава да се олади. Потоа се посипува со мелени ореви.

ff 003.jpg
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 23.Септември.2013 во 11:16

Белата долина


Потребни состојки за кората:

-      6 белки

-      200 гр шеќер

-      лажица оцет

За првиот фил:

-      12 жолчки

-      200 гр шеќер

-      4 лажици пудинг од ванила

-      1 л млеко

-      250 гр маргарин

За вториот фил

-      300 гр чоколада

-      250 гр маргарин

За декорација:

-      2 кесички желатин

-      1 л млеко

-      250 гр шеќер

-      350 гр шлаг крема од ванила

Подготовка:

Изматете цврст снег од белките, па додавајте лажица по лажица ид шеќерот и на крајот оцет. Смесата поделете ја на два дела. Испчете две кори.

За првиот фил: изматете ги жолчките со шеќерот, пудингот и 100 мл млеко. Постепено додавајте ги во останатото млеко кое врие. Мешајте постојано. Откако ќе добиете густ крем, тргнете го садот од оган. На страна изматете го пенесто маргаринот, па додадете го во изладениот крем.

Растопете ја чоколадата на тивок оган. Маргаринот изматете го пенесто и во него додадете ја изладената растопена чоколада.

За декорацијата: изматете го желатинот во ладна вода со шеќерот и варете го петнаесетина минути на тивок оган. Изматете ја шлаг кремата и соединете ја со изладениот желатин. Филувајте по овој редослед: кора, прв фил, кора, втор фил, па декорација.



Изменето од Valerija - 23.Септември.2013 во 11:17
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 22.Септември.2013 во 08:32

Летен овошен колач со праски


Овошниот колач со праски е совршен спој на меко тесто, богат крем и свежо овошје. Летото е сезона на праските, а ова е еден од најдобрите начини да ги искористите во неодолив и лесен десерт.

Состојки

2готови теста за колач или торта (пандишпан)
2 кесичкипудинг со вкус по избор
1lмлеко
4 големи лажицишеќер
200gшеќер во прав
2 големи лажицинишесте (густин)
½ коцкамаргарин
1 пакетчежелатин
3-4поголеми праски

Начин на подготовка

  1. Измешајте ја содржината од кесичките пудинг со 8 лажици ладно млеко, 4-6 лажици шеќер и 2 големи лажици нишесте. Промешајте за да добиете изедначена смеса без грутчиња. Остатокот од млекото сварете го и кога ќе зоврие, тргнете го од огнот. Во зовриеното млеко постепено додавајте ја смесата со прашокот за пудинг, а притоа постојано мешајте. Вратете ја добиената смеса на оган и со непрекинато мешање оставете ја уште еднаш кратко да зоврие. Оставете го пудингот добро да се олади.
  2. Во подлабок сад добро изматете половина коцка маргарин со 200g шеќер во прав. Откако ќе добиете изедначена смеса, додајте го пудингот и повторно матете за целата смеса добро да се соедини.
  3. Поставете ја првата кора пандишпан во соодветна чинија за послужување. Готовите теста за торти најчесто се суви, па затоа внимателно натопете го пандишпанот со неколку лажици млеко, кое претходно малку сте го затоплиле и засладиле по вкус.
  4. Премачкајте ја првата кора пандишпан со половина од кремот од пудинг. Поставете ја втората кора пандишпан и натопете ја со малку млеко, а потоа премачкајте ја со остатокот од кремот.
  5. Врз последниот слој крем наредете праски свежо исечени на резанки. Може да употребите и друго сезонско овошје како малини, капини или јагоди.
  6. Подгответе го желатинот според упатството на кесичката. Потоа со него внимателно посипете го колачот, започнувајќи од средниот дел и движејќи се кон краевите.
  7. Добро изладете го колачот пред да го послужите. За уште побогат вкус, сервирајте со топка сладолед.


Изменето од Valerija - 22.Септември.2013 во 08:32
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 20.Септември.2013 во 20:21

Чоколадна маркиза

Чоколадна маркиза

ПОТРЕБНИ СОСТОЈКИ:

  • 170 грама Шеќер во прав
  • 120 грама Чоколадо
  • 300 грама Путер
  • 180 грама Какао
  • 6   Жолчка/ки
  • 500 грама Блага павлака


  • Време за подготовка: 15 мин.
  • Време за готвење: 30 мин.

КРАТОК ТЕКСТ:

Чоколадото се смета за одговорно за стимулирање на доброто расположение, односно го поттикнува создавањето на серотонинот (хормонот "за добро расположение") во нашиот организам. Тој е тој кога по некој оброк кај нас предизвикува чувство на пријатност.

По кунсумирањето чоколадо во нашиот организам се ослободуваат ендорфини, кои се нарекуваат и ендогеним или опијати, затоа што имаат природно смирувачко и антидепресивно влијание.

Чоколадото содржи тонизирачки материи како танин, теобрамин и кофеин.

ПОДГОТОВКА:

 Намачкајте со путер тркалезен калап за печење со обем од 16 см.

Во помал сад, во кој предходно сте ставиле една лажица вода, растопете го чоколадото искршено на коцки, а во друг сад растопете 50 гр. шеќер во 50 мл. вода и варете две минути.

На тивок оган измешајте го омекнатиот путер и какао, додајте го остатокот од шеќерот и растопете чоколадо и сè додека не добиете светло-жолт пенест крем.

Тргнете од огнот и оставете да се излади, а потоа со брзо мешање додајте ја смесата од растопеното чоколадо, какао и путер.

Кога кремот ќе стане хомоген и сосема ќе се олади, вмешајте ја слатката павлака.

Сипете го кремот во калапот намачкан со путер и ставете во фрижидер да отстои најмалку 3 часа.

Исечете на тенки парчиња.


Изменето од Valerija - 20.Септември.2013 во 20:21
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 20.Септември.2013 во 20:07

Нутела колач

Нутела колач

ПОТРЕБНИ СОСТОЈКИ:

  • малку   Сол
  • 100 грама Путер
  • 400 грама Нутела крем
  • 30 милилитри Млеко
  • 200 грама Лешник
  • 125 грама Блага павлака
  • 6   Јајца/це
  • 250 грама Чоколадо


  • Време за подготовка: 30 мин.
  • Време за готвење: 50 мин.

КРАТОК ТЕКСТ:

Нутела колач

ПОДГОТОВКА:

Рерната вклучете ја на 175 степени. Тава намачкајте со путер и покријте ја со хартија за печење.

Одвојте ги белките од жолчките. Во голем сад изматете ги белките со малку сол. Во друг сад матете го путерот, додајте ја нутелата и матете заедно додека не добиете пенаста смеса. Додајте ги млекото, жолчките една по една, постојано матете и на крај додадете ги мелените лешници. Потоа убаво измешајте со лажица, полека додавајте го снегот од белките.

Убаво изедначете ги состојките и истурете во подготвената тава. Печете 40 минути, или додека страните на колачот не почнат да се одвојуваат од тавата.

Извадете од рерната, оставете неколку минути во тавата па префрлете на кујнска решетка да се олади.

Лешниците испржете ги и исечкајте.

Во соодветен сад ставете ја слатката павлака со млекото да зоврие. Тргнете го садот на страна и додајте го искршеното чоколадо па убаво изматете. Полијте го колачот, нафрлете ги лешници и оставете да се излади.
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 20.Септември.2013 во 20:07

Сникерс

Сникерс

ПОТРЕБНИ СОСТОЈКИ:

  • 700 грама Шеќер
  • 2 кесичка/ки Прашак за печиво
  • 250 грама Ореви
  • 320 милилитри Млеко
  • 2 лажица/ци Мед
  • 300 грама Маргарин
  • 1   Кафе филџан/и
  • 2 лажица/ци Какао
  • 5   Жолчка/ки
  • 1 кесичка/ки Ванилин Шеќер
  • 350 грама Брашно
  • 5   Белка/ки
  • 8   Јајца/це


  • Време за подготовка: 30 мин.
  • Време за готвење: 50 мин.

КРАТОК ТЕКСТ:

Сникерс

ПОДГОТОВКА:

Темно тесто: изматете ги жолчките со шеќерот во густа пена. Додајте ги брашното, печивото и какаото. На крај внимателно и со лажица вмешајте го снегот од белките. Испечете го тестото во плех од шпоред, обложен со хартија за печење, на температура од 180 степени.

Тесто од ореви: изматете ги белките со шеќерот. Кога ќе добиете густа пена, додајте ги останатите состојки и испечете во истиот плех, на ист принцип, но на температура од 150 степени.

Крем: изматете ги жолчките со шеќерот, брашното, ванилниот шеќер и малку млеко. Преостанатото млеко ставете го да зоврие, потоа истурете ја смесата од жолчки и сварете крем. Посебно изматете го маргаринот и поврзете го, матејќи, со изладениот крем. Поделете го кремот на два деа, а во еден додајте го кафето.

Редење: темно тесто - жолт крем (полијте со карамел од истопениот шеќер) - тесто од ореви - темен фил. Целиот колач полијте го со чоколадна глазура.
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 20.Септември.2013 во 20:03

Кафе торта

Кафе торта

ПОТРЕБНИ СОСТОЈКИ:

  • 7   Шекер лажичка/ки
  • 250 грама Шеќер во прав
  • 80 грама Ореви
  • 400 милилитри Млеко
  • 4   Кафе филџан/и
  • 100 грама Карамел
  • 3   Жолчка/ки
  • 1   Ванила пудинг/а
  • 50 грама Брашно
  • 7   Јајца/це


  • Време за подготовка: 15 мин.
  • Време за готвење: 45 мин.

КРАТОК ТЕКСТ:

Кафе торта

ПОДГОТОВКА:

Седумте јајца и 7 лажици шеќер долго се матат да се добие кремаста маса. Се додаваат мелените ореви и внимателно брашното, при што се меша со лажица. Тестото се пече на два пати во голем плех од шпоретот.

Печените теста се делат на два дела, да се добијат 4 правоаголни кори. За филот, во 4 филџани варено кафе (без талогот) се додава 1 чаша млеко и 6 лажици шеќер. Се става на оган да се загрева.

Пудингот се растопува во филџан мелко да нема грутчиња и постепено се додава кај кафето и мешајќи се вари крем додека да се згусне. Се остава кремот сосема да се олади. Во меѓувреме, путерот пенасто се мати со шеќерот во прав, на што подоцна се додаваат и три жолчки една по една, при што се продолжува со матењето смесата да биде пувкава.

Четирите кори од тестото се премачкуваат со фил, а се премачкува и одозгора. Потоа се посипува со толчена карамел маса и толчени ореви, а по рабовите на тортата се прават купчиња од филот. Тортата се става во фрижидер добро да се олади.
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 20.Септември.2013 во 19:55

Естерхази торта

Естерхази торта

ПОТРЕБНИ СОСТОЈКИ:

  • 150 грама Шеќер во прав
  • 170 грама Шеќер
  • 150 грама Путер
  • 1   Нишесте
  • 250 милилитри Млеко
  • 8   Жолчка/ки
  • 1 кесичка/ки Ванилин Шеќер
  • 8   Белка/ки
  • 200 грама Бадеми


  • Време за подготовка: 30 мин.
  • Време за готвење: 60 мин.

КРАТОК ТЕКСТ:

Екстерхази торта

ПОДГОТОВКА:

 Тесто: белките изматете ги во цврст снег па постепено додавајте ги бадемите и шеќерот. Изедначете ги состојките  и од смесата испечете 6-7 кори во тавче покриено со хартија.

Крем: нишестето измешајте го со малку ладно млеко па додајте го во преостанатото млеко заедно со жолчките, шеќерот и ванилниот шеќер. Смесата убаво изматете ја па варете на пареа постоја матејќи. Изматениот крем оставете го на страна да се олади.

Путерот изматете го во пена и додајте му, не прекунувајќи го матењето од изладениот крем. Филувајте ја тортата а горната кора полијте ја со шеќерна глазура.

Со чоколадната глазура наполнете слаткарски шприц па почнувајќи од средината цртајте кругови, а потоа лакови кои ќе ги направите така што со врвот на нож, ќе повлекувате од средината до крајот. За да имате убава шара употребете топла глазура.
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 20.Септември.2013 во 19:54

Ананас торта

Ананас торта

ПОТРЕБНИ СОСТОЈКИ:

  • 500 грама Шлаг
  • 250 грама Шеќер
  • 250 грама Путер
  • 500 милилитри Млеко
  • 100 грама Лешник
  • 100 грама Кекси
  • 1   Жолчка/ки
  • 1   Ванила пудинг/а
  • 30 грама Брашно
  • 500 грама Ананас


  • Време за подготовка: 30 мин.
  • Време за готвење: 60 мин.

КРАТОК ТЕКСТ:

Ананасот е род на билките од родот бромелија (Bromeliaceae). Најпозната врста е Ананасот Comosus. Успева во суптропските краеви на Америка, Африка и Азика.

ПОДГОТОВКА:

1. Слој: 125 путер заедно со 125 гр. шеќер во прав пенасто изматете. Додадете ги мелените и пржени лешници, па додадете ги и мелените кекси. Сето тоа добро промешајте го, залијте го со сок од ананас (од конзервата). Па добиената смеса ставете ја во калап.


2. Слој: Помешајте ги жолчките, 125 гр. шеќер во прав, брашното, ванила пудингот, млекото, па сето тоа убаво изматете го. Таа смеса ставете ја на оган и мешајте неколку минути. Тргнете од огнот, оставете да се олади, па додајте 125 гр. путер, пенасто изматен и убаво измешајте. Добиената смеса ставете ја на првиот слој. Одозгора ставете го исецканиот ананас, па сето тоа прекријте го со шлаг пена. Ставете го во фрижидер добро да се олади. Сечете на парчиња, па по желба прелевајте со течно чоколадо.
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 20.Септември.2013 во 19:52

Снежна торта

Снежна торта

ПОТРЕБНИ СОСТОЈКИ:

  • 100 грама Шеќер
  • 150 грама Чоколадо
  • 50 грама Путер
  • 1   Пакување готови пусли
  • малку   Кора од лимон
  • 1   Жолчка/ки
  • 1 кесичка/ки Ванилин Шеќер
  • 75 грама Брашно
  • 600 грама Блага павлака


  • Време за подготовка: 30 мин.
  • Време за готвење: 50 мин.

КРАТОК ТЕКСТ:

Снежна торта

ПОДГОТОВКА:

Тесто: од наведените состојки (без чоколадото) замесете меко и мазно тесто. Расукајте го и ставете да се пече во висок калап за торта, предходно намачкан со путер, Печете 10 минути во рерна на 200 степени. Извадете и оладете па испрскајте со истопено чоколадо.

Изматете ја слатката павлака со шеќерот, но не многу цврсто. Додајте ги оладените (предходно истопените), чоколадото и 8-10 пусли искршени на половина. Потоа лесно се измешува и кремот се нанесува над кората. Подготвената торта префрлете ја на 5 часа во фрижидер (или замрзнувач). Украсете.

Пред сервирањето тортата оставете ја 10 минути на собна температура.
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 20.Септември.2013 во 19:51

Шарлота со портокали

Шарлота со портокали

ПОТРЕБНИ СОСТОЈКИ:

  • 220 грама Шеќер
  • 300 милилитри Цеден Портокал
  • 2   Жолчка/ки
  • малку   Желатин
  • 100 грама Брашно
  • 250 грама Блага павлака
  • 250 грама Џем од портокал
  • 7   Јајца/це


  • Време за подготовка: 30 мин.
  • Време за готвење: 60 мин.

КРАТОК ТЕКСТ:

Шарлота со портокали

ПОДГОТОВКА:

Тесто: изматете цврст крем од јајцата и шеќерот. Додајте го брашното и измешајте ги состојките. Смесата истурете ја во помал павоаголен плех, намачкан со масло и покриен со хартија. Тестото испечете го на 180 степени. Уште топлото тесто намачкајте го со џемот од портокали и завиткајте го и оставете да се олади.

Јајцата и жолчките пенасто изматете ги со шеќерот и една по една лажица додајте го сокот од портокал. Смесата матејќи варете ја на пареа околу 5-8 минути. Тргнете го садот од водената купка и додајте го желатинот. Продолжете да мешате додека желатинот не се истопи. Потоа садот префрлете го во сад со ледена вода и продолжете да мешате додека кремот не почне да се стврднува. На оладениот крем додајте ја изматената слатка павлака.

Ролатот исечете го на парчиња и со него обложете длабок сад, кој претходно сте го исплакнале со вода. Наполнете го со кремот, израмнете ја површината. Садот префрлете го во фрижидер и оставете неколку часови, но најдобро преку ноќ.

Наредниот ден колачот превртете го на чинија за служење и украсете со кришки портокал и матена слатка павлака. Исечете како торта и послужете.
Јакиот човек има само една слаба страна-жената што ја сака!
Кон врв
Valerija Кликни и види ги опциите
Модератор
Модератор
Лик (аватар)

Регистриран: 07.Ноември.2005
Статус: Офлајн
Поени: 105588 		Опции за коментарот Опции за коментарот   Благодарам (0) Благодарам(0)   Цитирај Valerija Цитирај  Внеси репликаОдговор Директен линк до овој коментар Испратена: 20.Септември.2013 во 19:50

Сахер торта

Сахер торта

ПОТРЕБНИ СОСТОЈКИ:

  • 150 грама Шеќер
  • 150 грама Чоколадо
  • 280 грама Путер
  • 1 кесичка/ки Прашак за печиво
  • 100 грама Мармалад
  • 150 грама Брашно
  • 10   Јајца/це
  • 30 грама Шеќер во прав


  • Време за подготовка: 20 мин.
  • Време за готвење: 40 мин.

КРАТОК ТЕКСТ:

Сахер тортата (германиски: Sachertorte) е чоколадна торта, која за прв пат била подготвена од австрискиот слаткар Франц Сахер. Тортата се јавува како типичен десерт од виенската кујна и е една од најпопуларните торти во светот.

ПОДГОТОВКА:

Чоколадото за готвење го кршиме на коцки и го топиме.

Ги одделуваме белките од жолчките.

Белките ги ставаме во поголем сад, а жолчките во друг сад и го тргаме на страна.

Путерот и шеќерот ги матиме со миксер додеа не се стопи, па ги додаваме жолчките.

И белките ги матиме со миксер, потоа додаваме шеќер во плехот.

Во садот со жолчките ја додаваме растопената и оладена чоколада. Мешаме.

Потоа во садот ги додаваме изматените белки и мешаме додека смесата не се соедини.

Прашакот за пециво го мешаме со брашно и го сипуваме во садот.

Калапот за печење го премачкуваме со путер.

Во него го сипуваме тестото и ја рамниме површината.

Печеме во рерна 45 минути на 180 степени.

Преостанатите 135 гр. чоколадо за отвење ги топиме на пареа.

Испечениот пандишпан го ладиме и целиот го премачкуваме со мармалад.

Преку мармеладот премачкуваме со растопената чоколада.
Јакиот човек има само една слаба страна-жената што ја сака!
Кон врв
 Внеси реплика Внеси реплика страница  <1 2627282930 56>
  Сподели тема   

Скок до Овластувања Кликни и види ги опциите

Forum Software by Web Wiz Forums® version 10.03
Copyright ©2001-2011 Web Wiz Ltd.

Страницата е генерирана за 0,469 секунди.