МУЗИЧКИ ВЕСТИ

 

Maкедонската радио телевизија со цел да ги одбегне стандардните пред и пост евровизиски препукувања и скандали, реши да сврти нова страница кога е во прашање изборот на домашен претставник за овој музички натпревар. 

За таа цел, в сабота, со почеток во 20.15 часот, МРТ ќе емитува Отворена програма пред Евросонг, преку која за прв пат ќе се отвори пред домашната јавност со цел да стекне нови искуства, сугестии, забелешки и предлози од новинари, композитори, аранжери на музика и учесници на Евросонг.
Идејата е низ сериозна дебата да се обезбеди вистински, правилен и успешен модел за избор на евровизискиот претставник од Македонија на престижната музичка манифестација која следната година ќе се одржи во Москва.
Дел од отворената програма ќе бидат Григор Копров, Кире Костов, Јован Јованов, Огнен Неделковски, Владимир Дојчиновски, познати пејачи на забавна музика, како и новинари и претставници на македонскиот ОГАЕ клуб.
Емисија со ист концепт ќе се емитува и следната сабота.

 

Влијателниот економски магазин Форбс, најпознат по објавување на листи на најбогати луѓе на светот, овојпат се позанимава со жените во музичката индустрија и притоа се покажа дека тие нималку не заостануваат зад мажите по заработката. Форбс се ограничи на оставерени приходи во периодот помеѓу јуни 2006 и 2007 година и магазинот изнесе податок дека 20 финансиски најбогатите на листата насловена „Музички карилици на кешот„ се побогати за 420 милиони долари. На првото место се најде поп-кралицата Мадона која на својата сметка кешираше 72 милиони долари. Структурата на нејзиниот приход се темели на профитот од последниот студиски албум и промотивната Конфесионс турнеја, од разните спонзорски договори, како и продажбата на права за директни ТВ преноси на нејзините концерти и модната линија, плод на нејзината соработка со куќата НМ. Дека годините не се проблем покажа и 60-годишната Барбра Стрејсенд која инкасираше 60 милиони долари од распродадената турнеја. Цената на влезници за нејзиниот настап изнесуваше 300 долари. На третото место се најде Селин Дион со 45 милиони долари по серијата концерти во Лас Вегас каде постојано настапува од 2003 година. Со успешна турнеја може да се пофали и четвртопалсираната Шакира која е побогата за 38 милиони долари. Иако во овој период Бритни Спирс не издаде албум ниту настапуваше, таа сепак успеа да заработи цели 8 милиони, од продажбата на старите хитови, додека за посебна финансиска инјекција заслужна е одличната продажба на нејзиниот парфем. Од спонзорски договори солидно заработија и некои други пејачки. Меѓу нив води Бијонси која соработува со фирми како ЛОреал, Американ Експрес и Самсунг. Таа е сега побогата за 27 милиони долари, а ја следи, со еден милион помалку, Гвен Стефани, благодарејќи на присуството на пазарот на облека и парфеми, што е добитна формула и за латино пејачката и глумица Џенифер Лопез која на листата се најде на дното, со заработени шест милиони. А за толку долари се побогати и Ферги и Шерил Кроу, а последна на листата е Нора Џонс со „само„ пет милиони долари.