Потона брод во Охридско езеро

Македонската Влада изрази жалење за бродската несреќа во Охрид

Македонската Влада изрази жалење за бродската несреќа во Охридското езеро во која, според првичните сознанија, повеќе од десет лица го загубија животот.

Кон Охрид попладнево се упатија министерката за внатрешни работи Гордана Јанкуловска, министерот за транспорт и врски Миле Јанакиески и министерот за здравство Бујар Османи.

На местото на несреќата се очекува да пристигне и министерот за одбрана Зоран Коњановски, јави МИА.

Десетина лица настрадаа денеска кога туристичкиот брод „Илинден“ се преврте на околу 200 до 300 метри од брегот во водите на Охридското езеро, во близина на автокампот „Елешец“.

Се стравува дека бројот на жртвите може да биде поголем. Бродот, според неофицијални информации превезувал група од педесетина туристи од Бугарија.

Потона патнички брод во Охридско езеро, бројот на загинатите постојано се зголемува.

Несреќата се случила 15-тина минути пред 11 часот. Станува збор за туристичкиот брод „Илинден“ кој се преврте на околу 200 до 300 метри од брегот во водите на Охридското езеро, во близина на автокампот „Елешец“.

Според податоците од Катепатинијата во Охрид бродот „Илинден“ поседувал сертификат за пловидба од 29 Мај 2009. година во важност од една година. Бродот е регистриран за 43 патници, а според податоците од Капетанија, бродот превезувал 74 патници.

Министерот за транспорт Миле Јанакиевски си поднесе оставка од морални причини.

Првичната изјава дадена од капетанот на бродот е дека одеданаш бродот му се превртел на десно и потонал.

Пукање на сајла со која се одржува балансот на бродот е најверојатно причина за трагедијата што се случи претпаднето на Охридското езеро.