МУЗИЧКИ ВЕСТИ

 

Групата Баклава го заврши снимањето на првиот спот за песна од новиот албум "Калемар". Се работи за темата "Твојте очи, Лено", за која снимањето претежно е реализирано во студиото на Културниот центар за драмски уметности "ЦК". Има и неколку екстериерни кадри во внатрешноста на Македонија. "Директорот на фотографија во овој проект беше познатото име во нашата филмска индустрија, Бранд Ферро, кој го забележа спотот во ХД резолуција. За шминката се погрижи Мими Буразер, додека за стајлингот нашиот вокал Елена, која поседува ексклузивна колекција на гардероба и стар накит", откриваат членовите на Баклава, додавајќи дека во моментов се прави пост-продукција на записот, за кој режијата ја направи Сибо.

На Деновите на македонската култура во САД настапувате на концертот со Борис Трајанов, Александар Стефановски, со пијано придружба на Дарко Маринковски. Ваш приоритет е македонскиот фолклор, па оттука дали сметате дека тој "поминува" кај публиката во странство?
- Поминаа оние времиња кога фрустрациите и комплексите на малите држави во однос на "поразвиениот и поцивилизиран свет" беа изразени можеби најмногу во сферата на културното живеење на заедницата. Кога во колективот, во еден миг, ќе се провее некаква трендовска помисла дека таму некаде во белиот свет не само што поубаво се живее, ами и музиката е поубава од оваа нашата, веќе е на повидок сериозна катаклизма по нацијата, а тоа се рефлектира врз нејзиното битисување во сите опшествени сегменти.
Со еден збор, сигурно дека македонскиот фоклор многу повеќе ќе помине кај публиката во САД отколку таму да настапите со дела од Гершвин. Барем моето долгогодишно искуство говори во таа насока.

Имајќи предвид дека го имате свирено Моцарт на тамбура, што друго "невообичаено" ќе се чуе сега во САД?
- Навистина не е никакво чудо денес на било кој инструмент да отсвирите дело од било кој композитор, но, ако на широкиот аудиториум во САД му претставите еден, уште поточно два извонредно раритетни наоди, во случајот два праисториски инструменти, тоа е веќе "невообичаено" и кое се граничи со сензација, според нивните културни критериуми се разбира. Но, за жал, тоа не важи и кај нас, барем не до блиското минато. Но, работите полека се менуваат и по тој основ.
Дали публиката во Вашингтон ќе го чуе и звукот на неолитската топчеста флејта стара 6000 години?
- Да, публиката во Вашингтон ќе го чуе звукот и на двата неолитски инструмента: топчестата флејта и неолитското свирче. И двата инструмента се постари од 6000 години.
Секако, во Вашингтон ќе музицирам уште на два инструмента, гајдата и еден нов жичан инструмент од семејството на тамбури.

Што мислите, како публиката ќе го прими тој мистичен звук од древната окарина?
- На ист начин како и публиката во Скопје, Париз или Загреб, како нешто што носи своја порака и има големо културолошко значење.

Сметате ли дека треба да се направи некаква поинаква стратегија со која македонскиот звук полесно ќе се "продава" во странство како македонски, а не, како што имаше случаи како бугарски, српски и сл.?
- Највистинската стратегија на институциите на државата и нивните системи треба да биде отворената, безрезервна и неселективна политика на поддржување на вистинските вредности.
Ништо не треба посебно да се пакува за полесно да се продава. Континуитетот во презентирањето, оргиналноста и силината на музичкиот јазик, самите ќе си го направат своето и на музичкиот пазар и во одбраната на националниот идентитет.

da premine vo islam,

i seto toa javno da go reklamira