За сите љубители на слаткиот спој од костени и чоколадо, имаме едно вкусно изненадување. За да го подготвите потребен ви е најмногу 1 час, а ќе можете да уживате во него во студените зимски денови.

Потребно ви е:

• 250g сенаменско брашно
• 120g квалитетно какао во прав
• 50g чоколадо за готвење
• 1 лажица прашак за печиво
• 2 лажици сода-бикарбона
• 230g шеќер
• 2 лажици екстракт од ванила
• 260g пире од костени
• 2 јајца
• 230 ml млеко
• 230ml кафе, по можност еспресо
  
  

Подготовка:

1. Со малку масло премачкате го калапот за торта во кој ќе ја печете смесата и загрејте ја рерната на 180 степени.

2. Посипете го брашното, какаото во прав, прашакот за печиво и содата во голем сад. Додајте го и шеќерот, екстрактот од ванила, пирето од костен, јајцата и растопеното чоколадо. Прелијте со млеко и мешајте додека смесата не се соедини. На крај додадете го кафето.

3. Мешавината истурете ја во калапот и печете на средна температура околу 40-50 минути. За да проверите дали тортата е готова, боцнете ја со метално стапче во средината. Доколку стапчето е чисто откако ќе го повлечете, тогаш тортата е подготвена за сервирање.

4. Оладете ја тортата околу 5-10 минути, а потоа превртете ја на голема чинија. Посипете со какао или цимет, додајте уште малку екстракт од ванила и декорирајте по желба.

Јаболка, рум, цимет, тиква...некои од аромите на есента кои ако ги искористите по наша препорака, ќе може да уживате во прекрасни и сочни залчиња.

Чоко мафин со лeшник

Потребно е:

100g маргарин, 200g шеќер, кесичка ванилин шеќер, 2 јајца, 50g топено црно чоколадо, 200ml млеко, 100g брашно, 100g какао, 50g пудинг од чоколадо, половина прашок за печиво, лажичка сода бикарбона, 2 лажици цимет, 70g сечкани лешници

Подготовка:

Изматете го маргаринот со шеќерот и ванилиниот шеќер. Додадете едно јајце, па откако смесата ќе се соедини додадете го и другото. Истурете ја истопената чоколада, а потоа додавајте ги и какаото, млекото, пудингот во прав, со постојано мешање. На крај додадете ги прашокот за печиво, сода бикарбона и цимет. Во калап за мафини ставете хартиени корпици и наполнете ги до половина. Останатата половина наполнете ја со кршени лешници и печете на 180 степени околу 20 минути.

Колач со вишни и бадеми

Потребно е:

За тесто: 200g путер, 200g шеќер, ванилин шеќер, јајце, прстофат сол, 500g брашно, прашок за пециво, цимет по желба

За фил: 150g вишни, 100g сечкани бадеми, 2-3 лажици џем од сливи

Подготовка:

Во длабок сад ставете го брашното со прашокот за печиво, обичниот и ванилиниот шеќер, солта, циметот и полека додавајте го растопениот путер. Со миксер направете ронливо тесто. Во длабок плех, премачкан со масло, истурете го тестото. Премачкајте го со џем, наредете ги вишните без семки и сечканите бадеми. Можете да го печете како колач или пак да го замотате во вид на ролат. Печете околу 25 минути на 200 степени.

Коцки со рум

Потребно е:

За бисквит: 200g шеќер во прав, јајце, 50g маргарин, 40g мед, 300g брашно, прашок за печиво, 2dl млеко

За прелив: 250g шеќер, 200g маргарин, 50g какао, 5 лажици вода, ½ dl рум, 200g кокос

Подготовка:

Растопете го маргаринот, па додајте го медот. Изматете го јајцето, додадете ја течноста од мед и маргарин, млеко, брашно и прашок за печиво. Во намачкан плех истурете ја смесата и печете на 180 степени околу 25 минути. Потоа растопете ги сите состојки за прелив, па измачкајте ги испечените коцки со него. На крај извалкајте ги во кокос.

Чоколадни срца со лешници

Состојки

• 250 гр маргарин
• 450 гр брашно
• 100 грама шеќер
• 1 ванилин шеќер
• 2 јајца
• 1/3 прашак за пециво
• 100 гр чоколадо
• 3 лажици масло
• 40-50 грама сецкани печени лешници

Подготовка

1.Со миксер измешајте ги маргаринот,шеќер,ванилин шеќер,две жолчки и една белка.Потоа додадете брашно, прашак за пециво и исмесете го тестото со раце.
2.Така измесеното тесто ставете го во ќеса или растеглива фолија и ставете го во фрижидер околу 30-40 минути.
3.Одкако ке одстои во фрижидер исукајте го тестото некаде околу 1/2 см па од таквата кора вадете форми во форма на срце, па на едната половина од срцето намачкајте со останата една белка па одозгора наросете од сецканите лешници и ставете ги во плех на кој е претходно ставена хартија за печење.
4. Печете ги на некаде околу 10-на минути на 200 степени
5. Одкако ке се испечат макајте ги срцињата на едната половина со претходно стопеното чоколадо.

Банана коцки со крем од кикирики путер

Состојки

• За тесто
• 1/2 шоља (115 гр) путер на собна температура
• 1 1/2 шоља (300 гр) шеќер
• 1 кесичка ванилин шеќер
• 2 јајца
• 3 поголеми, сосема зрели банани
• 2 шољи (260 гр) сенаменско брашно
• 2 лажички прашок за пециво
• 1 лажичка сода бикарбона
• 1/2 шоља (120 мл) млеко
• За крем
• 1 шоља (235 гр) кикирики путер на собна температура
• 1 шоља (115 гр) шеќер во прав
• 90 гр путер на собна температура
• 1 кесичка ванилин шеќер
• прстофат сол
• 200 гр слатка павлака со најмалку 30% м.м.
• За украсување
• малку чоколадни лушпи

Подготовка

Загрејте ја рерната на 175 Ц.
На дното на правоаголен калап за печење со големина 30 на 20 цм ставете хартија за печење.
Во еден мал сад измешајте ги брашното со содата и прашокот за пециво.
Во еден мал сад испасирајте ги бананите.
Во еден поголем сад пенесто изматете го путерот со двата вида шеќер. Додајте ги едно по едно јајцата, добро матејки мегу секое додавање. Додајте ги бананите и добро изматете. Наизменично додавајте ги брашното и млекото, брашното во три, а млекото во два наврати, добро матејки. Истурете ја смесата во калапот за печење.
Печете 40 - 50 мин или проверете со чепкалка. Оставете да се олади на жица.

За кремот во еден поголем сад изматете ги со средна брзина кикирики путерот, путерот, двата вида шеќер и солта додека не стани кремасто. Матејки додавајте постепено од слатката павлака додека не добиете сосема мазен, пенлив крем.
Одвојте ги страниците на колачот од калапот и превртете го на работната површина. Исечете на 15 коцки. На секоја украсно нашприцајте од кремот. Одозгора наросете чоколадни лушпи.
Чувајте ги во затворена кутија во фрижидер, но пред послужување донесете ги на собна температура.