Србија и Русија против демаркација на гра

Србија и Русија се спротивставиле на договорот меѓу Македонија и Косово за демаркација на границата.

Српскиот претседател Борис Тадиќ и рускиот амбасадор во Обединетите нации, Виталиј Чуркин, тоа го изнеле на седницата на Советот за безбедност за Косово, пишува денеска приштинскиот весник „Зери“.

Весникот се повикува на анонимни извори, кои присуствувале на седницата што зад затворени врати се одржа во понеделникот.

Според истите извори, Тадиќ и Чуркин истакнале дека демаркацијата на границата во делот кон Косово е државно прашање на Србија.

Српската и руската страна категорично се изјасниле против започнување на процесот за демаркација на границата, што Македонија и Косово го почнаа овој месец, согласно планот на Марти Ахтисари.