Кафе

Кафето веќе подолго време се обвинува за повеќе работи, од кои некои се и смешни: "Немој да пиеш кафе за да не останеш мал"! Но, тврдењата дека кафето предизвикува болести на срцето и карцином не се баш забавни. Новите истражувања покажуваат дека кафето и не е толку лошо.

Значи, која е вистината? Дали кафето е добро или лошо за здравјето? Одговорот е дека кафето не штети, а дури може и да помогне. Една голема студија со дури 128.000 учесници кои биле опфатени во неа, објавена во магазинот Circulation, покажува дека конзумирањето кафе од филтер апаратите не го зголемува ризикот од болестите на срцето (количината на испиено кафе не е важна). Но, една друга студија објавена во Journal of the American Medical Association со околу 4.000 уживатели на кафе, покажува дека 2 или повеќе шољи кафе дневно го зголемуваат ризикот од болести на срцето доколку кај лицата постои специфична генетска мутација поради која се успорува разградувањето на кофеинот во телото.

Важно е да се нагласи и дека различните резултати на овие две истражувања се последица на различноста во нивниот дизајн, а со обзир на големиот број испитаници во првата студија, би било разумно да се заклучи дека кафето не е закана по здравјето. Постојат истражувања кои покажуваат дека кафето дури и го смалува ризикот од дијабетес тип 2.

Нормално, многу посилни се доказите за заштитните влијанија на овошјето, зеленчукот и зрнестите производи.

Уживајте во кафето умерено и во состав на правилната исхрана.