МУЗИЧКИ ВЕСТИ

Грузија на Евросонг со песна која го исмејува Путин

Откако сепак одлучија да земат учество на годинешниот Евросонг кој ќе се одржи во Москва, Грузијците за најдобра ја избраа песната „Wе Don’T Wanna PUT IN”.

Откако минатогодишната песна под наслов „Мирот ќе дојде“ не вроди со плод, Грузија годинава одлучи поинаку да им пристапи на проблемите кои ги има со Русија и посебно со премиерот Владимир Путин.

Преку песната, Грузија го исмејува Путин и ја пренесува пораката дека не го прифаќаат неговиот режим.

Нема да ме зачуди и да победи песнава...

Британците го украдоа шоуто на „Греми“

Поранешниот фронтмен на „Лед цепелин“, Роберт Плант, триумфира во пет категории, раперот Лил Вејн доби четири, а „Колдплеј“ три златни грамофони

„У2“ промовира сингл од новиот албум, Соработката на Роберт Плант со Алисон Купер беше наградена со пет статуетки

Рок-легендата Роберт Плант, кој никогаш не освоил голема награда со својот поранешен бенд „Лед цепелин“, триумфира во пет категории на музичките награди „Греми“, кои завчера беа доделени во Лос Анџелес. Шеесетгодишниот музичар меѓу другото доби „златен грамофон“ за најдобар албум и за соработката со блуграс-кралицата Алисон Краус. Раперот Лил Вејн, кој имаше осум номинации, освои четири награди, вклучувајќи ја и таа за најдобар рап-албум за изданието Tha Carter III, кое во минатата година беше најпродавано во САД.Британскиот бенд „Колдплеј“ освои три статуетки: за песна на годината, најдобар рок-албум (за Viva La Vida) и за најдобра поп-изведба на дует и група со вокали.


„Џонас брадерс“ настапија со легендата Стиви Вондер

Поради обвинувањата за плагијат, тапанарот на овој состав, Вил Чемпион, во саркастичен дух, му се извини на Пол Макартни за сличностите на нивната облека со таа на „Битлси“. Со својот настап Макартни го збогати ова издание на „Греми“, кое помина во знакот на британските музичари Плант, Адел, „Колдплеј“ и „Редиохед“ - кои настапија со бендот за паради на Универзитетот од Јужна Калифорнија, кој повеќе од една декада не настапил на американска телевизиска станица. Адел ги освои наградите за најдобар нов изведувач и за најдобра женска вокална поп-изведба за песната Chasing Pavements.


М.И.А. подвижна и во поодмината бременост, Спектакуларен настап на Кети Пери

Најважната награда на вечерта - најдобар албум - им припадна на Плант и Краус, која следуваше по освојувањето на песна на годината (за песната Please Read This Letter), најдобар современ фолк-американа албум, најдобра кантри-соработка и најдобра поп-соработка со вокали. Тие имаа пет номинации и освоија исто толку награди. Плант и Краус, кои на албумот Raising Sand обработуваат стари фолк-балади и аренби-хитови, а изданието веднаш доби пофалби од критиката и стана комерцијален хит. Со ова поранешниот фронтмен на „Цепелин“ ги закопа сите шпекулации за нивното повторно обединување откако закажа турнеја со Краус. Американската пејачка со 26 освоени награди „Греми“, се изедначи со Пјер Боуле на третата позиција на најнаградувани изведувачи во 51-годишната историја на манифестацијата. Пред неа се починатиот сер Џорџ Солти со 31 награда и Квинси Џонс со 27 награди.

На сцената се појавија и „Џонас брадерс“, Стиви Вондер, „У2“ и Кети Пери. Поренашната натпреварувачка на „Американски идол“, Џенифер Хадсон, чиј брат, мајка и внук беа убиени во минатата година, ја изведе песната You Pulled Me Through. Таа ја доби и наградата за најдобар аренби-албум, а и' ја додели Витни Хјустон, која покрај сите проблеми што ја мачеа во последниот период, изгледаше како во своите најдобри денови.

Скандали на церемонијата

Годинава на церемонијата имаше неколку скандали. Еден час пред почетокот на шоуто, полицијата им соопшти на организаторите дека номинираниот Крис Браун е приведен зашто претходната вечер нападнал жена. Малку подоцна, неговата девојка Ријана го откажа своето учество и настап, а шпекулациите велат дека таа е нападнатата жена. Нејзиниот настап беше заменет со изведбата на Ал Грин, Џастин Тимберлејк, Кит Урбан и „Бојс ту мен“, кои ја изведоа песната Let’s Stay Together. Успехот на британската група „Колдплеј“ беше засенет поради обвинувањето од Џо Сатријани дека нивниот хит Viva La Vida има рифови од негова песна. Мнозинството од коментарите на интернет-страницата „Јутјуб“, на која е пуштена компилација од двете песни велат дека песната на „Колдплеј“ навистина многу потсетува на инструменталката на Сатријани. Во телевизискиот магазин „60 минути“, кој се емитува на Си-би-ес, Крис Мартин, фронтменот на „Колдплеј“ ги отфрли обвинувањата за плагијат.

ЕТНОСОСТАВОТ ПРОМОВИРА ФИЛМ И СПОТ

Баклавата е форма што поврзува

Етноквартетот „Баклава“ завчера во Кинотеката на Македонија ги промовира документарниот филм „Баклава - форма што поврзува“ и спотот за песната „Твоите очи Лено“ од својот втор албум „Калемар“. Документарецот раскажува зошто ја одбрале токму баклавата да биде нивни заштитен знак. Дејан Сибовски-Сибо, член на групата, открива дека овој настан е само најава за промотивниот концерт што ќе се одржи на почетокот на март.Композицијата „Твоите очи Лено“ го отвора последниот албум „Калемар“, кој го објавија пред неколку месеци, затоа тие решиле таа да го добие првиот видеозапис.

Сибовски вели дека оваа нумера го опишува тоа што следува, нивните авторски песни. “Оваа нумера ни е многу драга и е изведена одлично. Таа е преработка на стара егејска песна што секогаш ни се допаѓала и сосема случајно ја преработивме во ваква форма, поинаква од оригиналот. „Твоите очи Лено“ со најминималистичкиот пристап ја опишува нашата музика.“
Идејата за филмот, што по четири години ја доживеа својата промоција, била да се објасни дека „Баклава“ не е асоцијација на слатките што може да се купат во слаткарница.

- Баклавата е форма што поврзува. Ја има секаде, во културата, математиката, архитектурата, во слаткарниците, на улиците, на македонските носии..., а ние сме четирите крајни точки на оваа форма. Значи, иако асоцираме на благото колаче - баклава, тоа не беше нашата идеја - објаснува Сибо, кој го режира филмот.

Во документарецот, јавни личности од Македонија ги кажаа своите мислење за оваа форма и какво било нејзиното значење низ историјата. Филмот, што е во реализација на Советот за радиодифузија, ќе се емитува и на домашните телевизии, а постои можност да биде пријавен и на некои светски филмски фестивали.

Оваа промоција на видеозапис и документарец беше и најава за нивниот промотивен концерт што ќе се одржи во Универзална сала во Скопје. Тоа ќе биде јавна промоција на нивниот последен албум „Калемар“, кој го објавија во средината на октомври.

На албумот, кој содржи 14 песни, само три композиции се препеани, на другите се потпишани членовите на групата. Покрај постојаната постава - Елена Христова (вокал), Никола Николов (тамбура), Владимир Мартиновски (бас тамбура) и Дејан Сибовски (деф и перкусии), нивната музика на овој носач на звук ја збогатија и виолината на Ерхан Шукри, како и виолончелото на Дејан Теодосиевски, кои исто така ќе бидат дел од нивниот концерт.

„Прл џем“ со подновена верзија на деби-албумот

Популарните рокери „Прл џем“ ќе објават четири нови специјални верзии на својот деби-албум Ten, кој од 1991 година до денес се продаде во над девет милиони примероци. Различните изданија ќе бидат достапни од 24 март. Тие од следната среда ќе може да се нарачаат на официјалната интернет-страница на групата. Секое „пакување“ ќе содржи дигитална ремастерирана верзија на оригиналниот албум и нови ремикси од нивниот долгогодишен продуцент, Брендан О’Брајан. Тој не работеше на првиот диск на бендот, но ги продуцира следните изданија. Басистот Џеф Амент и дизајнерот Енди Фишер се задолжени за уметничкиот изглед на новото издание. Дискот ќе содржи шест необјавени песни, како првични верзии на уште три нумери. Целиот проект е остварување на желбата на сите членови на бендот да добијат ремикс на лентите од Ten.

- Оригиналниот звук на албумот го обожаваа милиони луѓе и во прво време се двоумев дали сакам да го менувам. Тој албум се продаде во 9.6 милиони примероци во САД, а со него „Прл џем“ беше на музичкото ѕвездено небо. На крајот се согласив да направам компилација со ремикси, кој ќе биде придружен дел на оригиналното издание - вели О“Брајен. На материјалот, кој ќе биде издаден под името Legacy, ќе има и дивиди-снимка од изведбата на „Прл џем“ на Ем-ти-ви во 1992 година. За најпосветените обожаватели ќе има специјално делукс-издание со два диска, дивиди и четри винил-плочи спакувани во кутија со ленени корици. Реиздавањето на материјалот е дел од двегодишната кампања, која ќе кулминира со прославата на 20-годишнината од постоењето на бендот во 2011 година. „Прл џем“ работи на деветтиот студиски албум, кој ќе биде пуштен во продажба в година.