Тестирања на крајот на учебната година

ма сите се да ги фатиш и да ги тепаш 

па поготово кога ќе ги слушнам коментарите на комунистички олдтајмери кои се навикнати да тепаат со прачка и да си тераат диктаторство.

стварно е за нигде - нив им текна за платите, оп!-главна вест, штрајкови, преговарања.

ние за тестирањата - неоправдани

лошо е брат што баш заради лингурите сите не гледаат како “банда копиљаци што гледаат само да изгубат некој час“.

не дека нема такви...мразам генерализирање

Овие лингуриве со дома седење ќе си издејствуваат нешто што не го ни заслужуваат а ние...
Замислете 60.000средношколци на улиците низ Македонија-можеме да бараме цели предмети да укинат а не пак тестови...

Абе време нема изи-време нема та за писма до непознато другарче лесно е-само што такви писма владата не отвара!Директно в канта ги фрла...

па зошто мене ликовно  ми става 4ка покрај сите 5ки ?? морало некој и по неговиот предмет 4ка да има.... стварно му го собирам на човеков... нека ја има таа среќа и за полугодие... па, како јас што знам, иритирачки и културно,... за да не може да се побуни дека сум некултурна во однос спрема професор... ќе го спуштам малце.... 

Време, број 1526, 22.11.2008   

УЧИЛИШТАТА ЖИВЕАТ СО СТРАВ ОД ОЦЕНУВАЊЕ
Петките страшни како баба Рога
Кети Мицковска

Тања, осмоодделенка од едно училиште во скопската населба Кисела Вода, минатата година помина одлична, додека годинава во првото тримесечје во дневникот нема ниту една петка. Четворките и едната тројка ги доживеала како шок, па на родителите не им ја пријавила родителската средба надевајќи се дека ќе ги поправи оценките. Вели, не знаела како да им објасни зошто има послаб успех, кога повеќе учи и знае од лани. - Наставниците како да се плашат да ставаат петки и се многу строги - вели Тања. Тања е една од многуте ученици кои оваа учебна година се соочија со новиот начин на оценување на знаењето што воедно е оценување на работата на нивните наставници. Поради тоа таа и нејзините родители сметаат дека наставниците ставаат пониски оцени од реалните. Нејзините родители, пак, не знаат што се случува и велат дека дома биле сите во паника од однесувањето на нивната ќерка. - Детето постојано е над учебниците, нема нешто што не знае, а оценките и се послаби и поради тоа е нервозна и плаче. Постојано е под притисок случајно да не пропушти нешто - вели загрижено Милена, нејзината мајката. Многу ученици, меѓу кои и седмоодделенецот Дарко од тетовското село Јегуновце, по часовите, на родителите им се жалат од главоболки и од умор. - Од пет предмети во еден училиштен ден децата имаат дури по три теста и плус испрашување по останатите, секоја втора недела. Ова е голем напор за нив, а и не можат да се снајдат - вели мајката Рада.
Како дете на просветен работник таа не се согласува децата да се оценуваат само писмено, бидејќи ќе заборават да се изразуваат. - Од тестови и предавања нема време и за усно испрашување, па нема ниту можност за поправање на оценките. Во дневникот успехот се изведува според некој просек од знаењето добиено на тестови - вели таа. Според Законот за основно образование, објективноста на наставникот се проверува според резултатите од екстерниот испит. За оние наставниците кои ќе имаат најголеми отстапувања меѓу резултатите од тестирањето и завршната оценка на ученикот се предвидени казни со намалување на платата за десет проценти во текот на една година. Наставниците со најмали отстапувања во оценките ќе добиваат зголемена плата од 15 проценти во текот на една година. Законот предвидува и отказ за наставникот. Мерката треба да ја зголеми објективноста на оценувањето на учениците во целост, и кога се пишуваат високи оценки и кога наставникот оценува престрого. Родителите алармираат за видниот стрес кај наставниците подари оценката што ќе ја добијат, и тврдат дека се одлучуваат на пониски оценки. Родителите се жалат на наставниците кои сопствената нервоза ја пренесуваат на децата, а тие на родителите. Зоран Михајловски, професор по психологија на Педагошкиот факултет во Скопје, е убеден во исправноста на мерката за оценување на наставниците и професорите, кои токму поради отсуство на механизми на контрола половина век биле комотни и неприкосновени во ставањето оценки. Но, тој е скептичен за изборот, времето, начинот и темпото на спроведување на новината. - Ќе беше подобро да не се одеше на ура, ами да се оставеше време да се види како ќе функционира проектот за побезболно да се отстранат евентуалните пропусти - вели Михајловски. Професорот смета дека најмалку се мислело на емотивните ефекти кај учениците врз чиј грб се прекршува секоја образовна реформа.
Извор