Акција “ПУЧ“ и бомбите на Заев

ПО ВАШИНГТОН, И БЕРЛИН СО ИСТА ПОРАКА ЗА КРИЗАТА ВО МАКЕДОНИЈА

И ГЕРМАНИЈА ОЧЕКУВА ОСТАВКИ

Германската амбасадорка Кристине Алтхаузер смета дека, според западноевропските стандарди, за разврска на политич ката криза неопходни се политич ки последици.

"Владата уште соодветно ги нема разгледано сериозните обвинувања кои произлегоа од неодамнешниот развој на настаните и објавени снимки, што еднакво ме иритира мене и другите западни набљудувачи на политичката сцена во Скопје", рече таа на предавањето на Правниот факултет "Јустинијан Први", организирано со поддрш ка на фондацијата "Конрад Аденауер".

"Според западноевропските стандарди, неизбежни се политич ки последици, имајќи ги предвид размерите и природата на овие обвинувања. Ќе бидам јасна, како што беше мојот колега од САД минатата недела: политичките последици значат оставки, како предуслов за да почнат транспарентни и непристрасни истраги", рече германската амбасадорка.

Таа смета дека само преку веродостоен истражен процес, во кој повторно ќе се воспостават политичката и судската одговорност на функционерите и политичарите, ќе може да се зачува евроатлантската перспектива на Македонија.

"Нашите западњачки убедувања дека во еден политички дијалог интересите на земјата треба да надвладеат над партиските политики, се чинат наивни во поглед на тукаш ната политичка култура, благо кажано, рече германската амбасадорка. Превработеноста во државните институции кои честопати се полни со лојални партиски симпатизери, наместо со компетентен административен персонал, нееднаквиот однос кон поединците и одредени институции пред судовите кои се основни градбени елементи на една функционална демократија, како и политичкото мешање во медиумите, особено во јавниот сервис, не само што доведоа до актуелната криза туку уште пове- ќе направија од секој граѓанин и даночен обврзник на Македонија жртва на клиентелистичкото и партиското однесување на државните институции".

"Реформите не се состојат само од донесување закони, тие мора да имаат поголем досег и навистина да имаат влијание врз начинот на кој функционираат државните институции, без разлика дали станува збор за Парламентот, судството или за администрацијата, врз политичката и институционалната култура и општеството како целина. Демократските вредности, владеењето на правото и принципите на доброто владеење мора да се промовираат на одржлив начин. Тие мора да станат вредности во кои општеството навистина верува и по кои веродостојно се води", кажа Алтхаузер на предавањето. Алтхаузер кажа дека поддрш ката на Германија за Западен Балкан е искрена, веродостојна и долготрајна и порача дека може да сметаат на германска поддршка партнерите "кои ја споделуваат нашата посветеност на европските вредности и кои се одржуваат на патот на реформите". (С. К. Д.)

Бејли: Потребни се оставки за да се обезбеди кредибилитет во истрагата

Американскиот амбасадор Џес Бејли, коментирајќи ја политичката криза во Македонија, рече дека, според американски стандарди, за да се олесни излезот од кризата, понекогаш се потребни дури и оставки.
Во интервју за телевизијата Телма, тој рече: "Како Американец, можам да кажам дека ние во вакви и слични кризи сме имале потреба да обезбедиме кредибилитет во истрагата. Сме имале ситуации во кои биле потребни смени, прераспределување на инволвираните лица каде што има конфликт на интереси, суспендирања, па дури и оставки. Не со цел да се утврди вина туку за да се уверат граѓаните дека истрагата ќе се одвива на кредибилен начин". 
Тој во интервјуто зборуваше дека постојат мерки кои Владата може уште веднаш да ги преземе, а со кои би се подобриле институциите, кои Македонија ги градела 25 години. Смета дека за ваквите мерки не се потребни никакви политички преговарања.