Демаркација на границата со Косово

Спротивставени ставови околу демаркацијата

Лирим Дулови

Радмила Шеќеринска

Демаркација или признавање на независноста. Ова е дилемата на партиите во Македонија кога се работи за односите со Косово. Македонската опозиција инсистира, претходно да се обележи границата кон Косово.

„Не смееме да дозволиме регионот се уште да се занимава со прашањето на граници. Затоа ние уште во текот на вчерашниот ден кажавме дека сметаме дека Република Македонија мора да инсистира на демаркација веднаш“, изјави Радмила Шеќеринска, претседател на СДСМ.

За Владата на Македонија се неприфатливи рецептите на опозицијата за решавање на оваа прашање. Тие веќе имаат испратено барање до косовските власти за да започне процесот на демаркација на границата. Очекуваат одговор.

„Ќе ги имаме в предвид, се разбира, исклучиво интересите на нашите граѓани, а се разбира нема да ја водиме надворешната политика според рецептите коишто ни ги нуди македонската опозиција, односно да мериме со палецот во моментот од каде дува ветерот на популизмот во Република Македонија и да се трудиме да го презентираме тоа како наш став“, рече Ивица Боцевски, портпарол на Владата.

Ивица Боцевски

Според планот на Ахтисари, предвидено е границите на Косово да бидат тие од 1988 година, кога Косово беше покраина во рамките на Југославија. Исклучок е само границата кон Македонија, се вели во планот.

Се предвидува во рок од 120 денови, откако ќе се реши статусот на Косово, Скопје и Приштина да формираат комисија, која со помош на меѓународната заедница ќе пристапи на обележување на границата врз основа на договорот од 2001 година меѓу Скопје и Белград. Комисијата својата задача треба да ја заврши за една година.

Затоа косовските власти како приоритет го истакнуваат признавањето на независноста. Ова, според нив, не е условување.

Не била таква ни неодамнешната изјава на косовскиот вицепремиер Хајредин Кучи, кога тој побара Македонија што поскоро да ја признае независноста на Косово. Демаркацијата на границата ја сфаќаат како обврска.

„Јас не сум го сфатил тоа како услов, туку како приоритет. Значи, треба да имаме разбирање за приоритетите на Косово и косовската Влада“, вели Сади Ферати, министер во Владата на Косово.

„Но, апсолутно, ни во таа изјава, ни во сите други изјави не се исклучува нашата подготвеност ова прашање да се реши на најдобар можен начин“, додаде Ферати.

И за албанските партии во Македонија, приоритет претставува признавањето на независноста на Косово пред демаркацијата.

Samo jas tuka NEZNAM kade ovoj Duluvi...ja gleda sprotivstavenosta na stavovite???? 

Zatoa shto SHEKERINSKA TOA GO KAZUVA KAKO DA JA OTKRILA TAA AMERIKA - iako vladata TOA veke go pravi ushe od PRVIOT DEN na proglasuvanjeto na nezavisnost???