Се работи за политика и дипломатија, а наједноставно кажано тоа значи - да се извлече најдоброто во дадениот момент.

Веќе на сите им е јасно дека ниту една меѓународна институција не ја подржува оваа опозицијска афера.

Е сега, штом од неа не излезе ништо, се преоѓа на план Б, а тоа значи - повлекување со најмалку жртви. Cе праќаат мисионери (Мониторинг комисија) од Европа кои ја понудуваат нагодбата за разрешување на нештата со минимален губиток на опозицијата, оптимален добиток за позицијата и потполно изоставување на замешаните странски агенции со гаранција дека тоа ќе обезбеди стопирање на нивното натамошно делување. Секако дека и американците прават пресинг со праќање на заменикот државен секретар Хојт Ји.

Значи, се работи за нешто како "и волкот сит и овците на број". Опозицијата го подаде вратот, ама бидејќи не успеа планот, сега треба да се спаси од сечење глава. Позицијата сака гњаваживе да престанат и пратениците да се вратат во Собранието. Замешаниве држави, гледајќи дека од целава работа го нема очекуваниот резултат, не сакаат да бидат јавно бламирани како неуспешни манипулатори и губитници, па од страна на ПР почнуваат и тие да ја менуваат песната.

Ако мислиш дека позицијата губи со ваквиот евентуален договор, мислам дека се лажеш. Работата е што на крајот таа завршува со сите карти на својата страна. Во суштина таа не губи ништо особено ако Заев биде осуден некоја година помалу. Поентата е дека ќе биде најден крив и ќе биде осуден, како што ќе бидат осудени сите други вмешани ликови. А евентуалното премолчување на останатото е само кредит (залог) во нејзините раце кој може секогаш да го актуелизира и наплати доколку смета оти има потреба од тоа.