Вести

Со утринската литургија по повод Цветници чиноначалствувал отец Зоран, кој пред камерата на Канал 5 го опиша чудото.

Само уште во една црква во Русија, вели отец Зоран била евидентирана ваква појава. Во православната вера, вели тој, се случуваат чуда. Бог ни праќа порака дека треба повеќе да се вртиме кон духовното, а не кон материјалното.

За настанот бил информиран и поглаварот на Македонската православна црква- Охридска архиепископија господин господин Стефан. Засега се воздржа од коментар, но не го криеше изненадувањето од појавата.

И екипата на Канал 5 беше сведок на, ако може да се нарече така, појава на самочистење на фреските, кои за само неколку минути добиваа живи и прозрачни бои, а црвената како мали реки се протегаше по крилата и телата на фрескоживописаните ангели. Свештенството од црквата Свети Димитрија ова го толкува како влог од Бога во пресрет на велигденските празнувања.

Велат црквата долго време, цели три години не е посетувана од верниците поради градежните работи и задолжителното плаќање паркинг простор.

Деновиве ќе се контактира со надлежните институции по што ќе се излезе со поконкретна информација за оваа појава и со што би требало да се потврди верувањето на свештенството од храмот дека станува за едно верско чудо.

Мирјана Трпческа