што се случува со фото идивиди?

Се додека важат овие правила на бодување и постирање ништо нема да се промени, евентуално креативците ќе престанат да творат тука.
Мој единствен предлог е да се ограничи бројот на бодови кои можат да се дадат во текот на еден ден па да се подзамислиме на која фотографија како и дали ќе бодуваме...

Имало и порано вакви дискусии.

Не знам дали сум најкомпетентниот да го дадам одговорот на ова твое прашање, ама сепак сакам да изреагирам.
Мислам дека имаш апсолутно право за се што напиша во горниот пост. Не се работи само за оценките туку и за коментарите.
Добивам впечаток дека на странава постојат 2 оценки 5 и 0. Се што заслужува малку внимание се оценува со 5, а се што нечини се прескокнува.
За коментарите да не правам муабет. Не зборувам за останатите... Зборувам за самиот себе, ама приметувам дека истите методи се праксирани од поголемиот дел од членовите. Се оди повеќе на квантитет. Повеќе слики да се прегледаат, повеќе слики да се оценат, повеќе, повеќе, повеќе... Конструктивен коментар, со чесни исклучоци „за жал“ нити сум добил, нити сум прочитал кај друг, нити пак сум дал можеби добри 2 месеци.
Тоа од кого ќе добијам бодови „мање-више“ знам однапред, а исто така знам дека бодовите што ќе ги дадам ќе бидат со многу краток коментар.
Што се случува? Да... Тоа е одлично прашање. Можеби се наметнува високо темпо, како во секојдневниот живот така и во животот на сајтов. А можеби и не му се посветува толку внимание. Не знам како да го опишам тоа, ама во секој случај не ми се допаѓа. Знам дека порано имаше случаи кога многу лошо беа прифатени конструктивни и критички коментари (не можам да наведам примери, одамна беше), а сметам дека токму тие не прават да бидеме подобри. ПОнекогаш самите кон себе не сме самокритични и потребно е некој да ни го воочи тоа, да не спушти пониско да ни даде тема во која би можеле да се подобруваме.
Точно е тоа дека има „на ти - дај ми“ со бодови, ама сепак мислам дека повеќето добри фотографии секогаш се забележани.
Како и да е во врска со ова имам и предлози, кои не мора да бидат најдобри, но сепак можат да отворат област за понатамошни размислувања.
- Би можело да се ограничи на 1 фотка за 3 дена
- Би можеле да се трудиме да дадеме коментар и на оние условно речено “најлоши“ фотки. Затоа што имено тие треба да се подобруваат.
- Би можеле да се трудиме да дадеме коментар на сите фотки.
- Не би требало да се задоволуваме со просек.
- Јас сметам дека вистински пријател не би ми дал 5 на секоја слика туку би ми дал пониска оценка со конструктивен коментар, што би можел да подобрам. И јас нема да се налутам и да му дадам уште пониска оценка туку ќе бидам објективен.
- Објективност, искренност, самокритика, желба, посветување и т.н.

Јас ветувам дека ќе се трудам да ги следам работиве што ги наведов.

@Сашо: Браво што ја отвори темава!

Веќе некое време размислувам да баталам постирање фотографии на фотоидивиди. Ми збоктиса. Долго време знаев за сајтов ама не постирав. примарен ми беше фото.нет, ама ај викам да пробам. Пробав. Имав што да видам и имав што да научам. Научив значајни работи и терапијата во средите во Мала Станица се резултат на тоа. Супер. Од пред некои 5-6 месеци веќе не наоѓам задоволство. Напротив. Се обидов да провоцирам. И со фотографии и тука на форумов.
Кога беа хајките против „чудните useri“ (Анета М, фотографка и сл,) се обидов на форумов да покренам дискусии дека треба да бидеме повнимателни и помалку суетни во читањето на пораките кои ни ги праќаат. Не наидов на разбирање. ОК. Све 5. Ама сеуште мислам дека тоа беа добри опоменувања. Сега ни се случува тоа. И сите сме засегнати. Долго размислував да баталам, и сајтот и форумов. Мислев дека го надраснав, дека нема веќе што да научам. На ниедно мое реагирање не видов/прочитав асолен одговор со некаква аргументација. Дури и ми избришаа пост кој  воопшто не беше вулгарен или навредлив. Само се обидов да ги „проширам границите на слободата“ на форумов и да се изборам против закоравените и за мене спамерски ставови/дискусии. Мислам дека се обудував да го подигнам квалитетот на дискусијата. Не видов никаква реакција. Бев и зајадлив затоа што одлучив дека вреди да се обидам затоа што мислам дека и на форумов и на сајтов има поединци за кои вреди да се остане и да се подрасчисти прашината. Да се оди на повисоко ниво на квалитет. Или барем да направам уште еден обид. Навистина гледам дека ни се случуваат нештата на кои  „опоменував“  ...
што?  ....
Мислам дека на сајтот е затворен сам во себе, регресивен, самозадоволен. Среќен во самозаоволството, во „не таласај“ философијата, во Status Quo. Тоа за мене значи само дека нема напредок. Дека комуната станува ригидна и неотворена за нови идеи и вибрации. Се што е различно се шиканира и се згаснува. Поминува само медиокритетот. Тоа е израз на страв од растење, разивање, напредок. Топ фотографиите го казжуваат тоа ( не сите !!! но во најголем број случаи). Сите сме одговорни за тоа. Затоа што се даваат 5ки поради пријателство или страв или од чиста прагма да ми се врати со 5ка. ( аман немојте да ја претворите дискусијава во тоа дали се бодовите поважни и слични кои ги има милион). Бодовите СЕ важни и лицемерно е да се кажува спротивното, на некого помалку на некого повеќе. Коментарите СЕ важни ! Што ни се случува? Медиокритет на пиедестал. Нема асални коментари. Нема асални аргументи.
Немаше да постирам воопшто доколку вчера, во Мала Станица неколку други членови ( на мое големо и пријатно изненадување!) не ми рекоа дека е веќе време да се напушти фотоидивиди !!!???! упс! ио тоа „Познати и Признати“ членови. За мене едни од најдобрите фотографи на сајтов!
не сум бил сам ?!?!?   значи можеби и вреди да се обидеме повторно. Поради нас самите
што мислите ?

пс-извинете ако сум нејасен ама моментално мерам 39.5 температура...