Македонски кредитни картички на интернет

PayPal не е кредитна картичка но е многу посигурна алтернатива на местата каде што се прифаќа. Можеш да ставиш пари колку што сакаш, но обично се ставаат помали суми и помала е веројатноста ако некој ти ги украде податоците да те оштети многу. На пример внесуваш 100 долари за да си купиш што сакаш и толку можеш и да изгубиш. Со кредитна картичка би изгубил се што имаш на неа и кредитниот лимит.

Значи ако си потрошувач, посигурно е со PayPal, но не можеш да платиш со неа во продавница, да прашаш на шалтер како се користи, итн.  Исто така многу онлајн продавници не прифаќаат PayPal и мора да имаш кредитна/дебитна картичка.

За Македонија прв пат слушам дека нема PayPal, колку што знам може да се отвори било каде. Можеби мислиш дека нема затоа што нема претставништво - меѓутоа и не ти е потребно, се се прави онлајн.

За Е-Bay - да, ти треба PayPal. Дури и човекот со кој сакаш да вршиш трансакција да е согласен со обична кредитна, PayPal е многу посигурно. За купување од Амазон или било што друго, може со кредитна/дебитна.

Маестро/МастерКард... Маестро е дебитна картичка. Функционира на принципот на при-пејд картичка на мобилен - имаш толку пари колку што ќе ставиш, не можеш да одиш во минус. И се користо во земјата во која е издадена. За сметка на тоа пак годишната членарина е помала. На интернет не може да се користи - ти треба МастерКард.

Која била продавницата што не ти примила МастерКард? Ме интересира. Прашај во Тутунска зошто ти рекле така. Јас ја имам користено.

Малку ме збуни што во проверката на состојба ти пишувало дека имаш и Виза. Во Мк работата ми беше поврзана со кредитни картички и не знам дали е можно. Картичката е тој бренд што ти пишува на неа. Можеби мислеле дека од Тутунска може да земеш и Виза.

За интернет плаќања кога бев во Мк користев Мастеркард од Тутунска. Задоволна бев - сум немала проблеми никакви а доста трансакции сум извршила.

Единствен проблем беше кога аплицирав за Студентска виза. Парите што мораше да се префрлат за апликација требаше да бидат испратени со Виза, Американ Експрес или нешто трето, заборавив, но Мастер не беше меѓу нив па користев друга.

Имав и Виза од Стопанска ама со неа не може да се вршат интернет трансакции. Можеби има промени од мое време (пред 2-3 години) - знам дека сакаа да направат нешто како пре-пејд картичка за интернет плаќање (ако постои, мислам дека би било најсигурна опција).

ПроКредит и УниБанка исто така имаат картички со кои може да се плаќа на интернет. Маж ми имаше ПроКредит и немаше проблеми со неа ама ја нема користено којзнае колку.

Кога ќе отвараш, внимавај на каматните стапки, годишната членарина и кредитниот лимит што ќе ти го дозволат (Стопанска се највеликодушни). Другото е горе-долу исто, без разлика на брендот.