Баба Ванѓа

  Откако Северна Кореја истрела неколку десетици гранати врз јужнокорејскиот остров Јонпјеонг многумина кои веруваат во пророштва се потсетија на баба Ванѓа, кој предвиде дека третата светска војна ќе почне во ноември 2010 година, објави денеска порталот „сарајево-х“.

Слепата пророчка има кажано дека третата голема катаклизма ќе почне како обична војна, но потоа ќе биде употребено нуклеарно и хемиско оружје. Според нејзиното пророштво третата светска војна ќе трае до октомври 2014 година.

Таа изјавила дека во 2014 година луѓето ќе страдаат од кожни болести поради хемиската војна, дека до 2016 година во Европа речиси дека ќе нема луѓе, а до 2018 година Кина ќе стане нова светска сила.

Во нејзините пророрштва се наведува дека во 2043 година ќе зајакне светската економија и оти со Европа ќе владеат муслиманите, а во 2076 година ќе има бескласно општество односно комунизам.

Според нејзините пророштва во 2125 година ќе биде остварен првиот контакт со вонземјани, а во 2167 година ќе настане нова религија. Таа исто така најавила дека во 2183 година колонијата на Марс ќе стане нуклеарна сила и оти во 2256 година вселенски брод на Земјата ќе донесе страшна болест.

Според пророштвата на баба Ванѓа до 2304 година ќе бидат откриени тајните на Месечината, во 2371 година ќе има голем глад, ќе има судар меѓу двете вештачки сонца, а во 5079 година се ќе исчезне односно ќе биде крај на светот.

Баба Ванѓа (Вабгелија Пандева Димитрова) родена е на 3 октомври 1911 година во Струмица, Македонија. Ослепила на 12 години откако по една бура ја нашле затрупана под песок. Таа потоа се преселила во Бугарија каде на 11 август 1996 година починала.

Таа тврдела дека нејзините паранормални способности се поврзани со невидливи суштества кои и испраќаат информации за просторот и времето. Бидејќи беше неписмена нејзините пророштва ги запишувале роднините и пријателите.

Баба Ванѓа ги предвидела нападите на 11 септември 2001 година, како и Втората светска војна и смртта на принцезата Дијана.