Пунч кафе

Потребни состојки:

4 лажици мелено кафе

2 стапчиња цимет

Кора од портокал

4 мали чаши рум

Сварете го кафето како што вообичаено го варите. Потоа во него ставете ги циметот и кората од портокал. Прелејте со рум кој претходно сте го загреале.

Ледено кафе со цимет

Потребни состојки за базата:

2/3 шолја мелено кафе

3 шолји вода

1 лажичка цимет

3 лажици кафеав шеќер

Овие состојки ставете ги во тегла, промешајте и оставете ја течноста да отстои во ладилникот една вечер.

Потребни состојки за вториот дел:

-млеко

-крем или шлаг

-мраз

Исцедете го ладното кафе, сервирајте во стаклени чаши така што ќе наполните ¾ од чашата со кафе, а другиот дел ќе го дополните со млеко, крем и коцка мраз.

Што открива за вас кафето кое го пиете?

Кафето има врска со карактерот на личноста која го пие, односно дека слични луѓе нарачуваат слично кафе. Имено, авторите на книгата „Што велат вашите навики за вас“, Џејмс Мур и Џуди Џејмс, врз основа на нивните истражувања меѓу луѓето кои сакаат кафе заклучил дека свареното кафе има врска со карактерот на личноста која го пие, односно дека слични луге нарачуваат слично кафе. Еве до какви заклучоци дошле:

Espresso

Ова е највозрасно од сите кафиња. Брзо и едноставно, а обично го нарачуваат критички настроени лица, критичари, циници, саркастични луѓе па дури и агресивци. Го менуваат расположението како чорапи, ги привлекува здравиот начин на живот а често и го применуваат истиот, сакаат да бидат лидери, и тоа и се, па немаат многу време за трачеви со некое друго кафе.

Обично турско кафе

Се работи за минималистичка и кул особа, која не ги покажува своите чувства така лесно и не е драматична. Исто така е склона на променливо расположение, највеќе сака дружење еден на еден, несака големи друштва. Мирна е и сака да се натпреварува.

Кафе со млеко

на некој начин опасноста во обликот на кафе се разводнува со помош на млекото. Оваа особа сака да биде прифатена, таа сака другите да ја сакаат. Битна и е сигурноста, знае да биде мошне тврдоглава. Избегнува дирекни кавги, несогласувања, и валкани работи, лојална е во семејните кругови. Најубаво се чувствува кога е во удобна атмосфера и со најблиските пријатели.

Со шлаг

Овие лица се често позери и глумци. Сакаат да бидат славни, трчаат по модата, трендсетери кои немаат баш свои ставови за нештата и често не ја разбираат иронијата.

Капучино

Се работи за многу оптимистичка особа која сака луѓе и дружење. Има цел но само гледа кон крајот. Ги заборава оние ситни детали и напорната работа кои ќе ја донесат до целта. Често нешто започнува но не и завршува.

Инстант кафе

Се работи за мирна личност на која никаде не се брза, не драматизира и најчесо го кажува тоа што го мисли. Понекогаш другите ја сметаат за површна бидејќи нема некои големи амбиции и авантури, како на работа така и во сексот. Има наизменично лошо или добро расположение на кратки интервали.

Бескофеинско кафе или кафе со соино млеко

Обично се работи за лица загрижени за животната средина, но често само загрижени, а по тоа прашање не превземаат ништо. Ако се работи за личност која е алергична на кравјо млеко па затоа мора да пие соино, често станува збор за лице со актерски способности.

Лица кои не пијат кафе

Авторите велат дека луѓето кои упорно одбиваат кафе првенствено се преплашени од животот.

33% од луѓето се друштвени пијачи на кафе кои го пијат само заради пријателите со кои така се дружат.
14% од лугето сакаат да пијат кафе за да ги згреат дланките од топлата шолја.
14% се вистински зависници од кафе.
11 проценти за полесно да се сконцентрираат.

Има ли подобар пријател рано наутро од една полна шолја кафе? Пред да ги отвориме одморените очи, како маѓепсани одиме кон кафе-апаратот со само една единствена желба – што побрзо да го вкусиме својот омилен вкус.

Секој од нас има омилен вкус и специфичен ритуал, па затоа во следните неколку редови откријте што тоа кажува за вашата личност.

Црно кафе
Вие сте директни и едноставни, не сакате игри и нерасчистени сметки. Сакате да го живеете животот со полни гради, тешко ги менувате веќе усвоените навики, но кога еднаш ќе ги промените заборавате дека некогаш сте биле поразлични.

Бело кафе
Љубителите на бело кафе се вечни сонувачи, по малку дури и детинести. Верувате во добрината на луѓето и сте вечни оптимисти. Нежни сте и загрижени кога станува збор за некој кој ви значи живот.

Еспресо
Се работи за интелектуални личности со цврсто зацртани животни цели. Оние кои ве познаваат често мислат дека сте нестрпливи и претерувате, додека вие само верувате во она што го посакувате.

Лате
Кафето кое го избираат вечните деца. Понекогаш се чувствувате премногу безгрижно, сакате игри, дружења и забави. По малку сте наивни, но сепак сте големи авантуристи кои уживаат во сеќавањата на минатото и детството.

Капучино
Го обожаваат исклучиво уметничките души. Вие сте автентична личност, понекогаш малку расеана. Обожавате да ги анализирате сопствените животни избори и уживате во секој пад и успех кој сте го доживеале.

Мока
Вие вечно го избегнувате секој конфликт и сте прилично отворена личност. Кога земате мала голтка од ова кафе, се буди позитивно чувство во вас. Опуштени сте, живеете со голема леснотија, лојални сте на нештата кои ви значат и многу чувствителни.

Макијато
Го пијат префинети личности со истенчен вкус. Големи хедонисти се и за нив животот е уживање во малите нешта.

Кафе без кофеин
Личностите кои го консумираат сакаат да ги држат работите цврсто под контрола, понекогаш дури знаат да бидат и опсесивни или посесивни. Одговорни се, посветени и се грижат за своето здравје.