Dave’s Kitchen: Чоколадна мус торта

За оваа недела од кујната на Давор ви нудиме рецепт за лесна и превкусна торта со чоколаден мус.

Потребни состојки:
За основата

• 250 гр. чоколадни бисквити
• 7-10 лажици растопен путер

За филот

• 5 белки
• 5 жолчки
• 250 гр. чоколадо за готвење
• 2-3 лажици шеќер
• 250 мл слатка павлака
• 200-250 гр. јагоди пресечени на половина

Начин на подготовка: 

Убаво измешајте ги бисквитите и путерот и добиената смеса распределете ја на дното и страните од тавчето формирајќи неправилна форма бидејќи тоа дава поубав изглед. Печете на 190 степени точно 8 минути. Потоа извадете го тавчето за да се излади комплетно. 

Белките изматете ги со 2 лажици шеќер во цврст шлаг. 
Во растопената чоколада (на пареа) додадете 5 жолчки и убаво промешајте. На два-три пати вмешувајте ги белките во чоколадната смеса така што ќе дозволите повеќе воздух да влезе во смесата. Изматете ја павлаката и неа вмешајте ја со шпатула целата чоколадна смеса. 

Во изладениот калап ставете ги исечканите јагоди и истурете го чоколадниот мус. Оставете во ладилник да се стегне минимум 4 часа. Најдобро е да остане во фрижидер преку ноќ за да се сечат чисти и рамни парчиња.

Прекрасната чоколадна торта ќе ја направите на следниот начин:

Потребни состојки за 1 тесто:

• 3 јајца
• 120 гр шеќер во прав
• 50 гр. растопено чоколадо
• 50 гр. ореви
• 2 лажици какао
• 100 гр. путер
• 3 лажици брашно
• 1 лажичка прашок за печиво

Начин на подготовка: 

Жолчките се матат со шеќерот во прав. Во оваа смеса се додаваат пенесто изматените белки, па потоа полека се додаваат и другите состојки. Пандишпанот се става во подмачкано округло тавче на механизам (број 28) и се пече околу 20-тина минути на 150 степени. 

Постапката се повторува 3 пати за да се се добијат за 3 теста.

Потребни состојки за филот:

• 6 јајца
• 250 гр шеќер во прав
• 100 гр. растопено чоколадо
• 100 гр. ореви
• 3 лажици какао
• 200 гр. путер
• 300 гр. исчистени, измиени и исцедени вишни

Начин на подготовка: 

Прво матите 6 жолчи со шеќерот во прав и во нив ги додавате пенесто изматените белки. Потоа во филот ги додавате и другите состојки и го оставете во фрижидер од 2 до 3 часа.

Потребни состојки за декорација:

Dave’s Kitchen: Чоколаден тарт

Оваа недела заедно со Давор приготвуваме вкусен чоколаден тарт.

Потребни состојки:

• 300 гр. брашно
• 200 гр. путер ладен исечкан на коцки
• Прстофат сол
• 1 лажичка екстракт од ванила
• 1 жолчка
• 10мл вода (по потреба)

За филот:

• 300 гр. чоколада со минимум 60% какао делови
• 1 лажичка екстракт од ванила
• 100 гр. путер
• 150 мл. млеко или слатка павлака
• прстофат сол
• 1 лажичка инстант кафе

Начин на подготовка: 

Од путерот и брашното формирајте тесто со структура на песок. Додадете ги солта, ванилата и жолчката. Доколку вака формираната смеса не се формира во тесто додадете 10 мл. вода. Убаво замесеното тесто, ставете го во хартија за свежа храна и оставете го во ладилник да одстои минимум 45 минути. 

Во тавче за тарт обложете го тестото, кое претходно ќе го расукате во округла кора дебела речиси 1цм.

Доколку немате тарт тавче можете да го направите истиот рецепт во округло тавче, формирајќи крави на страните за да може филот да се задржи.

Пред да го испечете додека рерната се загрева на 190 степени, тавчето вратете го во ладилник убаво да се олади и да се стегне. 

Пред да го ставите во рерна избодете го на неколку места со виљушка. 

Печете околу 10-12 минути. Изладете го комплетно пред да го ставите филот. 

Филот ќе го приготвите така што сите потребни состојки ќе ги ставите во длабок сад и растопете ги на пареа. Промешувајте константно додека кафето и другите состојки комплетно не се стопат. 

Вака подготвениот фил од чоколадо ставете го во изладениот испечен тарт и декорирајте со исечкани ореви на краевите. 

Оставете комплетно да се излади и стегне околу 3-4 часа. 

Добар апетит и забавно готвење!

Куглов колач со чоколадо и портокал

Направете зимски десерт, кој може да ви послужи и како замена за појадок, но најчесто ќе го консумирате заедно со чај или кафе.

Потребни состојки за тестото:

• 1кгр портокали
• 200гр брашно
• 125гр путер
• 200гр шеќер
• 3 јајца
• 1 прашок за печиво

Потребни состојки за преливот:

• 1½ дл исцеден свеж сок од портокали
• 150гр шеќер
• 3 лажици чоколаден прелив

Начин на подготовка:

Измијте ги добро портокалите и ставете ги во тенџере со ладна вода, а потоа ставете ги на оган за да се варат околу 2 минути. Потоа измијте ги и повторно ставете им нова вода и повторно варете ги околу 2 минути. Кога ќе се сварат сомелете ги во блендер заедно со кората. Изматете ги јајцата со шеќерот, додајте ја кашата од портокалите, а потоа додајте ги и растопениот путер и брашното измешано со прашокот за печиво. Сè добро измешајте за да се соединат сите состојки. Во сад, искршете го чоколадото и растопете го на пареа.

Земете го кугловиот калап, премачкајте го со путер и посипете го со брашно. Ставајте го растопеното чоколадо и тестото наизменично, па ставете го колачот да се пече во рерна околу 35 минути. Кога ќе го извадите колачот од рерна, оставете да се излади и извадете го од калапот. Потоа полијте го со сокот од портокал и шеќер и оставете повторно да се излади. Пред послужување прелијте го колачот со прелив од чоколадо.

Вкусна кекс торта со кафе

Состојки:

• 250 гр маргарин
• 6 јајца
• 250 гр шеќер
• 200 гр црно чоколадо за готвење
• големо пакување кекс – 500 гр
• 250 гр шеќер во прав
• 1/2 л јако црно кафе

Начин на подготовка:

Белките одвојте ги од жолчките. Жолчките разматете ги заедно со половина од количината шеќер, да бидат пенасти, и гответе ги на пареа, додека не згуснат. Кога тоа ќе се излади, додајте разматен маргарин заедно со останатата половина шеќер. Соединете ги маргаринот и жолчките и во таа смеса додајте растопено чоколадо.

Белките разматете ги во снег и постепено додавајте ги во кремот со жолчки, мешајќи со дрвена лажица.

Згответе црно или филтер кафе, околу половина литар, и во него натопете го кексот. Редете еден ред кекс, еден ред фил. Тортата потоа декорирајте ја по желба.