Тарт

Состојки
Ровко тесто
350 гр. брашно
170 гр. шеќер
170 гр. путер
1 јајце
1/2 пакетче пециво
1 рендана кора од лимон
прстофат сол
Полнење
500 гр капини
100 гр мелени бисквити или пишкоти
Прелив
100 гр кисела павлака
4-5 лажици ликер од капини (или др. шумско овошје)
100 гр шеќер
1 пакетче ванилин шеќер
1 јајце
100 гр мелени бадеми

Ова е еден прекрасен овошен богат тарт со капини, во вкусно ровко тесто.

Како што се доближува пролета, гледам да ги потошам залихите од замрзнато овошје, бидејќи доаѓа сезона на ново свежо вкусно овошје. Па така настана овој тарт.

1. Се замесува тесто од наведените состојки и се става во фолија и во фрижидер, да се одлади половина час.
2. За тоа време се подготвуваат останатите состојки. Се мелат бисквитите и бадемите.
- Капините е најдобро неколку часа предходно да се извадени од замрзнувач, за да не ви се растураат при редење на питата.
- Подгответе тавче, на кое обрачот се отстранува и долниот дел обложете го со хартија за печење, а страниците премачкајте ги со путер/маргарин.
- Вклучете ја рерната на 180 степени.
3. За преливот потребно е сите состојки да ги измешате во еден длабок сад.
4. Тестото расукајте го на набрашнета површина кората да биде барем 5мм дебела. Немојте многу тенко да го расукате. Ставете го тестото во калапот и страниците убаво притиснете ги.
5. Посипете го тестото со мелени бисквити.
6. Капините распределете ги низ целата пита, ставете 400 гр., а 100 гр оставете на страна.
7. Врз капините ставете го преливот, убаво да се распредели насекаде.
8. Врз преливот ставете ги преостанатите 100 гр капини.
9. Страниците притиснете ги надоле, да се изедначат со филот.
10. Се пече во загреана рерна на 180 степени, околу 20-30 мин, додека тестото да фати убава румена коричка.
11. Оставете ја питата убаво да се излади и стегне, за полесно да ви се сече.

Брашно(500 Грама)

Вода(мешана со млеко 250 мл )

Квасец(20 грама свеж )

Шеќер(2 Супени лажици)

Масло(50 Милилитри)

Јајце(1-2 )

Маргарин(100 грама растопен )

Праз(1 страк )

За овој рецепт се потребни помалку од 70 минути

1. Од состојките се замесува тесто и се остава на топло 15 минути.
2. Тавата се премачкува со растопен маргарин.
3. Тестото се дели на топчиња колку што сакате да има кори.
4. Расукајте го секое топче во кора и редете го во тавата.
5. Попрскувајте го со маргаринот, па наросувајте го со претходно исечканиот и посолен праз.
6. Редете до последниот ред, па на крај филувајте со преостанатиот праз.
7. Последната кора расукајте ја и исечете ја со машинче (онакво како за пица сечење) во ленти, па наредете ги врз питата.
8. Страните на тестото свиткајте ги и оставете уште 15 минути на топло да отстои.
9. Потоа печење ја питата во загреана рерна додека убаво да зарумени.

Брашно(210 грама (за кора) )

Шеќер(135 грама (за кора) )

Путер(150 грама (за кора) )

Сечкани ореви(40 грама (за кора) )

Круша(3 (за фил) )

Шеќер(100 грама (за фил) )

Нишесте (пченкарен скроб)(2 лажици (за фил) )

Цимет(1 лажичка (за фил) )

Рендана кора од лимон(1 лажичка (за фил) )

Замрзнати малини(125 грама (за фил) )

Брашно(65 грама (за втората кора) )

Кафеав шеќер(65 грама (за втората кора) )

Рендана кора од лимон(1 лажичка (за втората кора) )

Путер(60 грама (за втората кора) )

Сечкани ореви(40 грама (за втората кора) )

За овој рецепт се потребни помалку од 60 минути

Кора:

1. Во сад измешајте ги брашното и шеќерот, додајте го путерот (ладен од фрижидер и исечкан на ситни парчиња) и сечканите ореви.
2. Мешајте додека добиете трошкаста смеса, па ставете ја во неподмачкан калап за торти (со пречник 28 см).  Натапкајте ги трошките на дното и на страните на садот.

Фил:

1. Измешајте ги ситно исечканите, излупени и исчистени круши со нишестето, циметот и ренданата кора од лимон, а на крајот додајте ги и малинките.
2. Сето тоа додајте го врз кората и израмнете.

Втор слој:

1. Во чинија измешајте го брашното, кафеавиот шеќер, лимоновата кора, путерот и сечканите ореви.
2. Формирајте трошкаста смеса и посипете ја врз овошниот фил.
3. Печете го колачот во претходно загреана рерна на 200 степени, 35-40 минути.

Состојки
За кората
2 чаши брашно од бадеми (мелени бадеми)
1/4 лажичка морска сол
1/4 лажичка сода бикарбона
1 рамна лажичка цимет
1/4 чаша стопен кокосово масло (или путер)
5 лажици мед
1 ванилин шеќер
За филот
1 чаша пире од печена тиква
1/2 чаша оризово млеко
1 лажичка ванилин шеќер
1/8 лажичка мелено каранфилче
1/8 лажичка цимет
1/4 лажичка мелено морско оревче
1/8 лажичка мелен ѓумбир
1,5 лажици јаворов сируп
1 јајце + 1 жолчка

Мерката за чаша е од 200мл.

Прво се подготвува кората.

Во еден сад посебно се мешаат сувите состојки (бадемовото брашно, солта, содата, циметот и ванилиниот шеќер), а во друг сад посебно влажните состојки (маслото и медот).
Потоа, влажните состојки се додаваат на сувите и заедно се меша да се добие фино тесто.
Калапот за тарт се премачкува со путер.
Тестото се натапкува во калапот за тарт. Со вилушка се боцнува долниот дел на тестото и се печат во загреана рерна на 180⁰Ц околу 5 мин.
Потоа, калапот се вади од рерна, дното на кората се боцка со чепкалка да излезе вишокот на топол воздух и се остава да се лади околу 10 мин.

Додека тартот се лади, се подготвува филот.
Сите состојки за филот добро се мешаат и со добиениот фил се полева кората. Се враќа во рерна да се потпече уште 10 мин.

Состојки
за тесто
90 гр шеќер во прав
235 гр брашно
115 гр ладен путер на коцки
1 цело јајце
1 жолчка
за фил
250 мл млеко
120 гр темно чоколадо
2 големи лажици шеќер
1 јајце
1 голема лажица нишесте
1 голема лажица таан
1 голема лажица путер од кикирики

1. Промешајте го брашното и шеќерот во подлабок сад за матење. Додајте го ладниот путер исечен на помали коцки и месете додека не добиете мешавина што изгледа како презла, а притоа убаво да се соедини путерот и брашното и да не останат поголеми грутчиња.

2. Во друг сад изматете го јајцето и една жолчка и додајте ги во садот со брашното. Промешајте, прво со виљушка, а потоа со рака и замесете глатко тесто. Јас зошто сакам тартот да има потенка коричка ова тесто си го делам на 2, едниот дел веднаш го користам, а другиот го замрзнувам за наредна употреба. А вие кој како си милува одредете сами која дебелина сакате да ви е кората, па така и правете. Така измесеното тесто оставете го најмалку 2 часа во фрижидер.

3. Во меѓувреме подгответе го филот. Во сад на тивок оган загрејте го млекото (не треба да врие) и искршените парченца чоколадо. Постојано мешајте додека да се растопи чоколадото. Во друг сад изматете го преостанатото јајце со шеќер и нишесте и додајте го таанот и путерот од кикирики. Убаво соединете ја смесата. Дел од топлото чоколадно млеко турете во садот со јајцата и потоа целата смеса вратете ја во садот на оган. Варете го кремот на тивко до згуснување околу 5 мин.

4. Тестото кое стоело во ладилник развлечете го со сукалка во големина на садот во кој ќе го печете тартот. Со виљушка избоцкајте го тестото на неколку места. Истурете го кремот врз тестото и печете на 180 степени 25-30 мин. Оставете да се излади и послужете го.

На здравје нека е

Состојки
* За тесто
150 гр брашно
50 гр шеќер во прав
70 гр путер (маргарин)
1 жолчка
прстофат сол
* За фил
50 гр црно чоколадо за готвење
50 гр млечно чоколадо
50 мл млеко
50 гр потпечени мелени лешници
200 мл слатка павлака
1 јајце
2 жолчки
1 рендана кора од портокал

Брашното измешајте го со шеќерот и солта. Втријте го низ дланките во него маргаринот и на крај додадете ја жолчката. Обликувајте глатко тесто.

На набрашнета површина развлечете кора и со мини модлиците за тарт вадете парчиња од тестото.

Секое парче тесто убаво слепете го во внатрешната страна на модлата, која предходно сте ја намастиле и набрашниле.

*Место во мини модли, целото тесто можите да го ставите во една голема модла за тарт.

Печете 10на мин на 170 степени.

За тоа време спремете го филот.
Стопете ги на умерен оган чоколадата, млекото и слатката павлака.
Додадете ги јајцето и жолчките, предходно разматени и уште кратко проварете на шпорет, околу половина минута.
На крај, додадете ги мелените лешници и промешајте.

Со лажиче, полнете ги модлите со потпечено тесто и вратете ги во рерна уште 20-30 мин на 150 степени.

Изладените тортици посипете ги со шеќер во прав или украсете ги по желба.

Состојки
500-600 гр. спанаќ
2 помали страка праз
2 чешниња лук
200 гр. крем сирење,урда или ситно ронето сирење
на вкус зачини сол, бибер, кора од рендан лимон ( малку сув рузмарин)
10 листа кори за пита
100 гр. маргарин, путер или може и масло
6 помали јајца
Заливка
100 мл. млеко
3 поголеми јајца

- Исчистениот и измиен спанак бланширајте го но кратко време, не дозволувајте да се свари - ставете да се цеди.
- На половина од количината путер,маргарин или масло, ставете да се пржи ситно сецканиот праз заедно со лукот. Кога омекнал и останал на маслото додадете го исцедениот спанаќ, нека се заедно пржат уште 2-3 мин. Тргнете од огнот и додадете сега сирењето (урда или ситно здробено сирење) овкусете со сол, додадете бибер и кора од рендан лимон. Кој го сака рузмаринот слободно нека додаде 1 лажичка сув или малку свеж ситно исецкан.
- Во помала тавка редете ги корите, подмачкајте го дното на тавката со остатокот од маслацот кој сте го стопиле, ставете една кора, премачкајте со стопениот путер (бидејки корите се поголеми од самата тавка предиплете ја слободно, врз не ставете друга, премачкајте со путер и се така додека ги наредите сите кори. Врз корите истурете ја претходно спремата смеса од спанаќот. Направете во со лажица 6 гнезда.
Заливка
- Си жица изматете 3 јајца, додадете го млекото, сосема малку сол.. залијте одозгора врз веке спреманиот тарт, скршете и ставете по 1 јајце во секое гнездо.Ставете да се пече во претходно загреана рерна на 180 степени. Се пече окоу 40 мин.
Напомена
- Слободно можете да спремате со масло за кое не би знаела да ви го кажам одмерот... доволно да се испржи празот, лукот и спанаќот, како и да се премачкаат корите, но не премногу за да не бидат многу мрсни истите.
- Спанаќот само за кратко го ставам во врела вода и веднаш го истурам во цедалка, заливам со ладна вода и оставам да се цеди, а при самото додавање со раце убаво го исцедувам (ова за да не ми остане течност бидејки кратко се пропржува и постојат големи шански да остане од течноста што повторно ке ја пушти - а тоа не е воопшто потребно за да успее тартот. Доколку приметите дека сепак има течност... пред да ставите сирењето - ставете ја целата испржена содржина во цедалка да се исцеди, а потоа вратете во сад и додајте го сирењето и зачините.
- Количината на состојките менувајте ја... ако ви е потребно за повеке персони - ке морате да ја зголемувате.
Ви го препорачувам на сите овој вкусен тарт кој совршено се вклопува послужен со кисела павлака... ,