Состојки
15 лажици(околу 300гр.) шлаг пена
500 мл минерална вода
5 лажици шеќер во прав
500 гр свежи јагодки
100 грама мелени бисквити
2 лажици чоколадо во прав
5 крем-бананки
30 бисквити
15 цели јагодки за декорација

Во сад ги матиме шлаг пената со минералната вода и шеќерот во прав. Кога ќе се измати смесата се дели на три дела. Во првиот дел се ставаат 100 гр. мелени бисквити, во вториот дел се става чоколадото во прав и крем-бананките исечкани ситно, а во третиот дел се ставаат јагодите претходно измиени и испасирани.
Во плехче ги редиме плазма бисквитите макнати во млеко. Потоа мачкаме од смесата со мелени бисквити, па смесата со крем-бананки и на крај смесата со јагодки. Одозгора декорираме со цели јагодки.

Состојки
1 литар млеко
300 грама шеќер
2 пакетчиња желатин
5 пакетчиња шлаг крем ванила
300 грама желе бомбони
200 грама чоколадо
10 крембанани

Најпрво млекото заедно со шеќерот се става да зоврие.
Во меѓувреме желатинот се раствора во млака вода (од прилика 1 чаша) и се додава откако млекото ќе зоврие. Се става во фрижидер да олади 7 часа.
Откако ќе олади се додаваат во млекото со желатин петте пакетчиња шлаг крем и се матат со миксер, потоа се додаваат сецканите желе бомбони и сецканото чоколадо. Во калап за торта ставаме половина од смесата и ги редиме крембананите, па го додаваме преостанатиот фил.
Се остава во замзнувач да се стврдне како сладолед.