„Направи сам“ маса од дрвени палети

Дрвените палети полека стануваат омилениот материјал за самостојна изработка на мебел и елементи за домот. Евтини и едноставни за работа, палетите нудат многубројни можности, од нивна трансформација во масички, софи, кревети, лежалки за на плажа, лулашки за деца, па дури и паркинг за велосипеди.

Младиот Филип Ѓорѓиев ни испрати предлог за „Направи сам“ масичка во винтиџ-стил од дрвени палети. Со желба да има парче мебел кое сам го изработил и кое го одразува неговиот стил, Филип изработил масичка од палети со британското знаме.

За изработка, потребни се две палети и боја според вашиот вкус. Масата е изработена едноставно, од две парчиња палети прицврстени едно на друго. Прво биле бојадисани со црна боја, а потоа е доцртано британското знаме. Можете сами да одберете и друга шема што одговара на вашиот стил и ентериер.

 

Масата за соба од палетие креативна идеја, која истовремено и го растоварува домот од старите палети и истовремено им дава втор живот на овие предмети. Елементот внесува модерен, индустриски стил во домот и е особено погоден за ентериерите на помладите. „Старите палети што зафаќаат место во дворот или во гаражата со малку работа може да се претворат во убава клуб-масичка во винтиџ-индустриски стил за оние со млад дух што сакаат некое делче во куќата да си го претворат во место за уживање и за црпење инспирација“, вели Филип.

Хит намештај од палети

Палетите најчесто ги гледаме на градилиштата и во магацините, но тие можат да станат и дел од ентериерите и да го заменат секое парче мебел. Списокот на предмети што можат да се изработат од палети е непрегледна, од кревети до светилки.

Палетите можа да бидат дел од современиот дизајн на било кое парче мебел во ентериерот. Ќе добиете ефтина и цврста дрвена конструкција, а од нов можете да изработите се, од кревети до светилки и притоа да заштедите. 

Предноста на намештајот од палети освен економичноста е и практичноста затоа што секое парче се изработува според саканите димензии и му дава на просторот доза на индустриски стил. Најдобри и најквалитетни се т.н. европалети со стандардни димензии од 80×120 цм. 

Пред изработката на овие парчиња мебел, површината на палетите треба да се обработи и да се излакира. Намештајот од дрвени палети можете ако сакате да го оставите и во природна боја на дрво што е особено убаво ако употребувате користени палети или пак можете да ги излакирате во било која боја.

Имате еден куп палети кои не знаете како и дали да ги употребите? Мислевте дека никогаш нема да им најдете примена во домот и ќе треба да ги оставите во некој отпад?

Овој пат ви даваме неколку идеи како со едноставни палети да направите уникатно парче мебел.

Сè што е потребно е да ги прелакирате и да ги заштитите од надворешните влијанија, а останатото е ваше. Дали ќе ги боите во бела или црна боја, дали ќе ги поставите хоризонтално или вертикално, дали ќе ги користите како маса или подлога за кревет - тоа е личен избор.

Во секоја варијанта изгледаат подеднакво модерно и уникатно.  Вие само вклучете ја креативноста и започнете!

Овие неколку фотографии нека ви послужат како инспирација.