По Витни трагичен крај и за Боби Кристина

Боби Кристина, ќерка на познатата пејачка, Витни Хјустон и нејзиниот партнер Боби Браун, почина на само 22-години.

-Боби Кристина Браун почина на 26-ти јули 2015-та година опкружена со најблиското семејство. Нејзината душа конечно е во Божји раце. Им благодариме на сите за љубовта и поддршката во текот на последните неколку месеци, стои во соопштението од семејството. 

Кристина ги помина последните 6 месеци во кома откако мистериозно беше пронајдена онесвестена во својата када, свртена со лицето кон водата. Поради повредите на мозокот, лекарите исклучија секаква можност за закрепнување, па Кристина беше исклучена од апаратите и оставена да почине природно.

Околностите под кои Боби Кристина заврши во несвесна состојба се уште се под истрага, а според порталот TMZ, случајот понатаму ќе се води како убиство во кое главен осомничен е партнерот на Боби, Ник Гордон. Гордон претходно доби кривична пријава за насилство врз Боби Кристина, како и за крадење од неа додека била во кома.

Непосредно пред несреќата Кристина му се доверила на пријател дека Гордон не е човекот кој што таа мисли дека е и се договорила да се сретне со истата личност на 31 јануари. Но, Боби никогаш не стигнала на договорената средба бидејќи имала расправија со своето момче, по што е пронајдена онесвестена, со потечени усни и скршен заб.

Истрагата допрва треба да ги расветли околностите под кои се случи несреќата на Кристина и дали навистина станува збор за убиство или пак за несреќен случај. Боби Кристина беше единствената ќерка на легендарната Витни Хјустон, која во 2012-та беше пронајдена мртва во бањата на својата хотелска соба. 

Родена во свет на интриги и дрога, за многумина Боби Кристина, едноставно беше предодредена да умре и да заврши трагично како и нејзината мајка.

Во сообраќајката кај ТЦ „Зебра“ загина новинарката Сузана Тодоровска Павловска

Таа го загуби животот пред ТЦ „Зебра“, откако во неа удри патничко моторно возило „опел корса“ со скопски регистарски таблички, управувано од возач од Скопје (1978). Во несреќата возилото излегло надвор од коловозот, удрило во метална ограда, скали и во излог од еден од локалите на улицата „Народен фронт“. Како последица на несреќата, Тодоровска Павловска им подлегнала на повредите, а возачот и сопатникот на патничкото моторно возило се здобиле со полесни повреди.

Од страна на увидна екипа на СВР Скопје раководена од јавен обвинител извршен е увид на кој присуствуваа и овластено лице од судска медицина и вешто лице по сообраќајни незгоди. Од самото место, покрај увидот, земени се траги, материјали и возилото за вештачење заради утврдување на причините поради кои е дојдено до сообраќајната незгода.

Тодоровска Павловска е родена на 30 март 1965 година во Скопје. Дипломирала на Филозофскиот факултет, Институт за психологија, а од 1991 година редовно е вработена во вториот програмски сервис на Македонското Радио.

Со нејзиниот професионален новинарски ангажман, посветеност и одговорност, во 1998 година доаѓа на местото уредник во редакција. Десет години подоцна е назначена за главен и одговорен уредник за вториот програмски сервис – Радио 2, функција која успешно ја извршуваше во следните три години.

Во центарот на нејзиниот богат новинарски опус беа културните настани, а главен интерес и беа филмската уметност и подвижните слики на кои им го посвети најголемиот дел од својата кариера.

Погребот ќе биде извршен утре, на гробиштата во Ѓорче Петров.

Почивај во мир,Сузе!

Благоја Спиркоски-Џумерко, славниот македонски актер, почина на возраст од 69 години.

По долго боледување, великанот на македонската театарска сцена замина во историјата и зад себе остави богато наследство.

Најпознат по улогата на Итар Пејо во „Солунски патрдии“, тој беше член на Народниот театар во Прилеп од 1966 година се до неговото пензионирање.

Имаше огромен придонес во македонската култура со бројните остварени улоги во македонските играни филмови: „Тетовирање“, „Викенд на мртовци“, „Како убив светец“, тв-сериите: „Бумбари“, „Погрешно време“ и „Наше маало“.

Носител е на наградата за животно дело „Војдан Чернодрински“ од 2011-година.

Почина актерот Васил Шишков

Васил беше член на ансамблот на Македонскиот народен театар од Скопје.

Се шпекулира дека смртта настанала како последица на срцев удар.