Најдобрите скијачки центри во светот

Да ѕирнеме во одморалиштата на славните и богатите!

Zermatt, Швајцарија – Zermatt за разлика од познатиот St. Moritz е релативно непознат, но сепак спаѓа во најлуксузните скијалишта каде не е едноставно, ниту евтино да се купи имот. Tука се наоѓаат повеќе од стотина ресторани, барови и ноќни клубови, идеално место за сите оние кои сакаат одлична забава. Скијањето е поделено на четири области: Sunnegga, Gornergrat, Klein Matterhorn и Schwarzsee. Тука може да скијате во текот на целата година.

Просечната цена на земјиштето изнесува 13.536 €/m².

Се наоѓа на висина од 1620 m.

Има вкупно 74 патеки, помеѓу кои и една од најдолгите, 22 km.

Цената на неделен билет за ски-лифт изнесува 273 €.

Доколку посетите некој од баровите можеби ќе го сретнете познатиот Robbie Williams, а пивото ќе го платите 3 €.

Courchevel 1850, Франција – Се наоѓа на висина од 1747 m, а името на ски-центарот е одбрано од маркетиншки причини за да може лесно да се “справи” со својот најголем ривал Val d’Isèreom кој е висок 1850 m. Луѓето тука доаѓаат за да видат или да бидат видени. Постојат и Courchevel 1650, 1550 и 1300, а колку е местото пониско така и цената паѓа, па затоа и во 1850 е најскапо.

Има многу ексклузивни шопинг центри со продавници како Dior, Chanel, Armani и Gucci. Но ова скијалиште не е само за прошетка на славните, бидејќи тука се наоѓаат едни од најтешките патеки на светот.

Просечната цена на земјиштето изнесува 36.913 €/m².

Има вкупно 275 скијачки патеки.

Неделната карта за ски-лифт изнесува 216 €.

Во баровите можете да ги сретнете Roman Abramovich, Flavio Briatore, Naomi Campbell, Victoria Beckham и George Clooney, а цената на пивото изнесува 4.50 €.

Meribel, France – Познат скијачки центар кој се наоѓа на висина од 1450 m и има свој аеродром и хелиодром. Постојат прекрасни 250 патеки за скијање кои за кратко време ги освоија срцата на елитните скијачи. Во овој скијачки центар не може да ви биде досадно, секоја година во март се одржува Little World Festival, кој привлекува голем број музички ѕвезди, а забавите траат до раните утрински часови.

Најскапите недвижнини се наоѓаат на повисоките делови, па доколку сакате да бидете сопственик на мала куќичка ќе треба да платите 7 милиони €.

Просечната цена на земјиште изнесува 17.860 €/m².

Цената на неделен билет за ски-лифт изнесува 267 €.

Во клубовите на овие скијачки центри можете да ги најдете младите членови на британското семејство, Harry и William, а цената на пивото изнесува 6 € .

Val d’Isere, Франција – Омилено скијалиште за сите “сериозни” скијачи, за време на Зимските Олимписки игри во 1992 година тука се возеше спустот за мажи, а во 2009 година тука се одржа Светско првенство во скијање. Овој ски центар се наоѓа на висина од 1850 m и е вистинско доживување за сите кои сакаат "оff" скијање (надвор од патеките), тука се наоѓа еден од најдобрите снежни паркови во Европа. На високите делови се наоѓаат прекрасни комплекси наменети за елитата, па цената на дрвените куќички изнесува и повеќе од 5 милиони €.

Просечната цена на земјиштето изнесува 15.665 €/m².

Неделната карта за ски-лифт изнесува 248 €.

Во клубовите можете да ги сретнете Bono Vox, Gerard Depardieu, Helenа Christеnsеn, а цената на пивото изнесува 3 €.

St Moritz, Switzerland – Можеби веќе не е најлуксузно скијалиште во Европа, но сигурно е најпознато. Тука може да се сретнат многу познати ѕвезди, од Marlene Dietrich до Madonna, снимани се многу филмови за James Bond. Познат е по огромната количина шампањ кој се пие во текот на годината, што ја потврдува концентрацијата на џет-сетот. Но токму поради големата популарност дел од кремот се пресели од St Moritz во помалку популарните и извикани елитни ски-центри.

Просечната цена на земјиштето изнесува 17.161 €/m².

Се наоѓа на висина од 1850 m.

Постојат 88 ски патеки, а цената на неделниот билет за ски-лифт изнесува 240 €.

Доколу буџетот не ви дозволува да си овозможите одмор од соништата, посетете некој од скијачките центри во Македонија, не се толку луксузни, но барем во вистинска смисла ќе ја почувствувате зимата.

Whistler во Канада е едно од најпосетените скијалишта во светот.

Погледнете како изгледа еден ден во ова познато зимовалиште.