Дали се согласувате да се „успиваат“ здравите кучи

Нормално дека  треба било што, што е здраво да се остави во живот па не само кучињата туку и дрвата, кои некој ги тамани низ Скопје. Инаку кучињата се премногу врзани за човекот и грев е да се чуваат а потоа да се фрлат на улица.Тие кои тоа го прават се помодари а не љубители на животни...Тие...се...тие....

Ни тоа не е решение. Кој сега ќе купува и носи со себе апарат кој одбива кучиња?
Проблемот бара поинакво решение.
А какво, незнам. Еутаназијата се чини како трајно решение, но не сум за тоа, никако.

Нит стационар, нит еутаназија, што тогаш?
Можеби масовно кастрирање и со тоа да се спречи натамошно размножување.Но тоа нема да даде резултати за брзо време.

Никогаш нема да ја заборавам следнава случка а ни моите најблиски.
Четири час наутро, локација пред “Бристол“ во исчекување да се качиме на автобус.

Минува еден човек на велосипед. Се ствара едно куче-ниодкаде. Почнува да лае и да го каса човекот по нозе. Човеков се брани, клоца, а кучево уште посилно лае. Никој не се осмелува да пријде. Одеднаш, како во 101 далматинер, на “повик“ на лаежов се стрчуваат кучиња ама можеби некој 30, од каде не, од кај кино Вардар, БС, Собрание...Го опколија човекот, а некои луѓе со деца кои чекаа да се качат на автобус почнаа да паничат и да се затскриваат кој каде најде. Циркузов тареше едно пола саат, некој сепак интервенираше со камења вака онака, човеков успеа да избега некаде.

Кај мене навечер не се излегува, кучиња огромни лаат и трчаат по минувачи, по автомобили, неподносливо е.

Во стационаров се уште поистрауматизирани во тие кафези и заболуваат, нагмечени, жални.
Заспивањето ми е исто така болно и жално...
Посвојување-кој ќе посвојува? Има додуша и такви ама и тоа кажаа, набрзо по посвојувањето кучињата умираат од некоја болест која ја закачиле во стационарот.

Немам став по ова, често размислувам што е најдобро бидејќи секој ден се соочувам со проблемов.

Апсолутно се согласувам со тоа да се да се успијат,колку и да е сурово.
А тоа што сакаат некои да изигруваат Брижид Бардо нека ми простат ама во државава наша луѓето немаат да јадат сега да сме се грижеле за кучињата.
Повеќето улични кучиња се најодвратни џукели и не верувам дека некој би вдомил најобичен пес кој може и да го изеде некој ден.
Сакам животни многу,но да се прават стационари и да се трошат пари на нив покрај сиот тој гладен свет е навистина претеризам барем за кај нас,другите нека кршат глава и што сакаат нека прават.

Иако сакам животни, сум чувала дома и куче и маче, сепак за некои работи сметам дека се претерани. Ме иритира следењето на светските трендови ама на македонски начин. Читам ке протестирале против убивањето на уличните кучиња. Види богати, место да протестираат нека се вклучат во акциите за спас на луѓето од уличните кучиња. Знаат ли воопшто колку луѓе имаат настрадано токму од овие животни. Знаат ли воопшто дека сите луѓе не се возат во кола, дека некои одат пешки и во раните утрински часови и токму тие се најчесто и нападнати од овие незауздани животни. Бев сведок минатата недела кога уличните кучиња нападнаа жена која одеше на работа во 5 часот сабајле. Петмина мажи излегоа да ги растераат и не можеа да ги тргнат. Зарем треба да ги жртвуваме луѓето за да ги спасиме кучињата.
Не, за крваво Скопје

Според мене-иако многу ме боли и сум против успивање...подобро е да се успијат. Со оглед на тоа дека во Македонија абер се нема од стационарни домови, подобро е така. Барем нема ни тие да се мачат ниту пак лугето да имаат штета од нив.