Сон

   Зошто имаме кошмари?

Освен страшното име, ноќните мори имаат и многу лошо влијание на нашето здравје па така, не само што ни го нарушуваат сонот, туку може и да ни го загрозат животот.

Лошите соништа се случуваат во текот на "REM" фазата од сонот, а со оглед на тоа дека заради нив најчесто се будиме облеани во ладна пот, многу добро ги паметиме нивните содржини.

Еден медицински портал ги одреди шесте главни причини кои ги предизвикуваат лошите соништа, а вие самите препознајте ги најчестите кои го пореметуваат вашиот квалитетен сон.

1. Нервоза и стрес

Нервозата и стресот често се последица на некоја траума, а во нив, според истражувањето на Меѓународната заедница за истражување на соништата, спаѓаат болестите, операциите, тагата за починатите личности и слични случувања.

Во комбинација со стресот, се разбира влегуваат и секојдневите нервозни ситуации на работа, финансиските проблеми, преселбите, дисхармоничните брачни односи...

2. Зачинета храна

Во едно од истражувањата, група на здрави луѓе јаделе многу зачинети оброци пред спиење што во споредба со вечерите кога јаделе нормална храна имало прилично трауматичен ефект врз нивниот сон.

Имено, ноќите кога јаделе зачинето, испитаниците останувале будни подолго време и потоа имале кошмари.

Најверојатното објаснување за овој ефект врз сонот е подигнувањето на телесната температура заради зачинетата храна, а и обилната вечера токму пред спиење била лош избор бидејќи со тоа се забрзувал метаболизмот и мозочната активност, што резултирало со лоши соништа.

3. Маснотии во храната

Некои истражувања ја покажале врската меѓу масната и нездрава храна и лошиот сон, споредувајќи ја таквата исхрана со органската, која во ниеден случај не била причина за кошмарите.

4. Алкохол

Секако дека и алкохолот се најде на листата на предизвикувачи на кошмари и покрај фактот дека тој во принцип има приспивачки ефект.

Причината зошто тој ги предзивикува лошите соништа е тоа што во моментот кога ќе исчезне од телото, организмот се буди и со тоа се прекинува квалитетниот сон.

Но, дури и ако успеете повторно да заспиете без проблем, вашите соништа нема да бидат пријатни бидејќи алкохолот врши стрес врз организмот, не оставајќи го да се релаксира.

5. Лекови

Некои лекови како антидепресивите и барбитуратите може да предизвикаат ноќни мори.

Така на пример кетаминот, комбинацијата која се употребува во анестезијата, а има и своја илегална примена, многу почсто предизвикувал кошмари во споредба со пласебо пилулите.

Еднакво дејство има и лекот против маларија, но во обата случаи, кошмарите прекинуваат кога лекот повеќе не е присутен во организмот.

6. Болест

Болестите кои се проследени со покачена температура како грипот често предизвикуваат ноќни мори.

Секако, и болестите на спиењето, како апнеата и нарколепсијата исто така го зголемуваат интензитетот на кошмарите.

Доколку често навечер имате кошмари, се препорачува посета на терапевт, но можете уште еднаш да ги анализирате овие шест причини во случај една од нив да е кривецот за вашите лоши сништа.

Сон

Зошто сонуваме............