Аквариум во домот

Аквариумот – тропска нота на ентериерот


Егзотичниот тропски аквариум во просторијата внесува живост и чувство на раскош. Поради ова се почесто се среќава во домовите. Може да претставува преграда во вид на “жив ѕид”, а прекрасно изгледа и како парче мебел или украс на ѕидот.

Аквариумот е еден вид уметничко дело кое се менува во секој момент. Живиот свет позади стаклото никого не остава рамнодушен, па така практично е невозможно да се влезе во просторијата, а да не биде забележен. Делува смирувачки на луѓето, а просторијата ја прави пријатна за престој.

За да се постигне подобар визуелен ефект, треба да се постави на место каде добро ќе може да се гледа, но и да не биде во самиот центар на вниманието. Не треба да биде изложен на директна сончева светлина бидејќи на тоја начин неговиот ефект во просторот се намалува, а исто така оваа положба делува негативно на рибите.





Големината, обликот и дизајнот треба да бидат прилагодени на стилот на уредување на просторијата во која е сместен. Посебно се интересни ѕидните аквариуми кои можат да бидат вградени или прицврстени на ѕидот како големи слики. Тие изгледаат убаво и во мали и во големи простории.





Со аквариумот може да се направи преграда во поголема просторија, односно со него да се подели просторијата на две целини, а притоа да се добие жив и транспарентен ѕид. На овој начин, може од остатокот од просторот да се оддели трпезаријата, ходникот или работниот дел од просторијата. Може да биде во комбинација со ѕидот, со дрво или со стакло.





Делува исклучително луксузно и ако е дел од шанк, кој всушност примарно е аквариум. Чувството да се пиете коктел потпрени на стаклото под кое пливаат егзотични рипчиња е незаменливо. Звучи елегантно и изгледа привлечно, но оваа креација нема да прилега баш во секој ентериер. Најдобро оди со помодерни и поголеми простории без многу детали.





Во последно време аквариумите се поставуваат и како самостојни парчиња мебел, на пример, како клуб-маса во дневната соба.





Често застапени изведби се аквариумите на сталак, во вид ормарче или полица. Нив може да ги набљудуваме од сите страни бидејќи може да се постават и во средината на просторијата. Ако аквариумот стои покрај ѕид, позадината треба да се направи непровидна. За оваа намена може да се употребат посебно изработени налепници кои се прицврстуваат од надворешната страна на стаклото позади, а тие прикажуваат морско дно.





Без разлика на обликот, аквариумите претежно едноставно се одржуваат. Доколку се целосно опремени и во нив, покрај украсните риби има и чистачи, како и растенија, тие ќе функционираат како вистински мал еко-систем во кој дури и не е потребно многу да се интервенира.





Кога станува збор за изборот на димензии на аквариумот треба да се знае дека аквариумот со помали димензии не е полесен за одржување од поголемиот. Напротив, во помалите аквариуми потешко се создава потребниот еко-систем отколку во поголемите аквариуми.





Акваристиката може да претставува поприличен финансиски издаток на почетокот, односно при вградувањето и набавката на аквариумската опрема и рибите. Сепак, совет е да не се штеди по секоја цена, поради фактот што поквалитетниот систем, покрај правилното фунционирање, овозможува и полесно и поефтино одржување.

(izvor..se za domot)

heheh i ostana samo kafeaviot cistac so golema crna usta ,,,sam.
ps imav i ja eden od 300 llitri
go poplaviv stanot i sega nema
vo sekoj slicaj prakrasen  ukrasen detal....
mikro okean vo stan,,,,< id="gwProxy" ="">< ="jsCall();" id="jsProxy" ="">

Ubavi se akvariumite ali baraat mnogu rabota i posvetenost, treba postojano da gi odrzuvas cisti, da menuvas voda, da mislis dali si im dal hrana na ribite