Како Црквата Христова ја воспева Мајката

Понеделник
Од валканите усни прими ја оваа молитва, Неосквернета, чиста и најчиста Дево, Богородице, и не презирај ги зборовите мои, О Радост моја, погледај на мене и сожали се, Мајко на мојот Создател. За време на мојот живот не ме напуштај, бидејќи Господарке, знаеш дека ја положив сета своја надеж на Тебе и сето мое тежнеење е кон Тебе. Заради ова, во време на мојата смрт, застани крај мене, Помошничке моја, не се засрамувај од мене. Затоа што знам, Дево, дека сум виновен за мноштво гревови, и бедникот, треперам. сеќавајќи се на тој час. Но, Ти Радост моја, покажи ми го Твоето присуство, и биди ми необично миостива, Посредничке на моето спасение. Спаси ме Господарке, од свирепоста на демоните, од грозното и страшно испитување на духовите на поднебесието, избави ме од нивата пакост, преобрази ја сета жал и тага во радост со Твоето просветлување и подари ми неповреден да ги поминам властите и началаствата на темнината и да стигнам да го прославам Христос Господ Кој седи на престолот на славата до Неговиот беспочетен Отец и пресветиот Дух. Амин.

О, Пресвета Богородице, Дево Владичице, повозвишена од ангелите и архангелите, и најчествувана од сета твар, восхит велик на ангелите, возвишена проповед на пророците, преславна похвало на апостолите, прекрасен украсу на светителите, крепка тврдино на мачениците, спасително водство на иноците, неотклоно воздржение на испосниците, славо и чистото на девствениците, тивка радост на мајките, мудрост и поука на младенците, заштитничке на вдовиците и сираците, на голите риза, на болните оздравување, на пленените избавување, тишино на оние кои по море пловат, мирно пристаниште на оние кои бура ги носи, водителке сигурна на заблудените, лесен премину вање на патниците, блажен спокоју на трудбениците, на измачените брза застапничке, надеж на безнадежните, и помош на оние кои помош бараат: на сиромасите богатство непропадливо, на нажалените утехо непрестана, на намразените љубовно смирение, на грешниците спасение и кон Бога обраќање, на сите проверена цврста заштито, непобедлива помош и застапништво. Низ Тебе, Владичице, Невидливиот нам видлив ни постана, затоа молитва Ти пренесуваме, Госпоѓо, ние грешните слуги Твои.

О, Премилостива и Пречудесна Царице на духовната светлина, Која Го роди нашиот Цар Христа, Животодавецот на се`, Прославуваниот од небесните, и фалениот од земните: ангелски уму, светлозарна звездо, Пресвета меѓу светиите, Царице на цариците, Владичице на сета твар, Боголепна девице, нескверна невесто, на Светиот Дух палато, огнен престолу на невидливиот Цар, небесен кивоту, Носителке на Словото Божје, огнообразна кочијо, одмориште на живиот Бог, неизглаголива Составителка на плотта Христова, гнездо на Орелот небесен, грлице благогласна, гулабице кротка, тивка и незлоблива, Мајко чедољубива, бездно на милоста Која го разгони дождот на гневот Божји, безмерна длабочино, неизглаголива тајно, несфатливо чудо, благомирисно кадило, чесна багрјанице, боготкаена порфиро, душевен рају кој ја изнедри животоносната градина, цвету прекрасен кој ни` Го расцвета небесното веселие, грозду на нашето спасение, путиру на Царот Небесен во Кого од Светиот Дух се раствори виното на неисцрпна благодат, Застапничке на законот, почеток на вистинска вера Христова, непоколеблив столбу, пропаст на еретиците, мечу на јароста Божја против богоборците, страв за демоните, во војните победо, на сите христијани вистинско зачувување, и на целиот свет сигурно спасение.

О, семилостива Госпоѓо, Дево Владичице Богородице, услиши не` нас кои Те молиме, и покажи ја милоста Твоја на луѓето Твои: моли Го Синот Твој да не` избави од секое зло, и да ја сочува нашата обител, и секоја обител, градот и зидините на верните, и луѓето кои благочестиво прибегнуваат и го призиваат светото име Твое, од секоја напаст, помор, глад, земјотрес, потоп, оган, меч, налет на оноплеменици, и меѓусебни војни, од секоја болест и секоја неволја, - за да од никаква рана, ни закана и ни помор, ни секаков праведен гнев Божји не бидат поразени слугите Твои: туку сочувај не` и спаси не` по милоста Своја, Госпоѓо, нас кои Ти се молиме, и полезно благорастворение на воздухот кон време на плоден принос дарувај ни`: олесни, прости и помилуј не` , Премилоства Владичице, Богородице Свеоспеана, нас кои сме во секоја беда и мака. Спомни Си за слугите Твои, и не презирај ги солзите и воздишките наши, и обнови не` по добрината на Твојата милост, за со благодарност да се утешуваме, наоѓајќи Те за помошничка. Смилувај се Госпоѓо Пречиста, на немоќта на луѓето Твои, Надеж наша: рассеаните собери ги, заблудените – на прав пат води ги, одпаднатите од верата отечка – пак врати ги, староста поткрепи ја, младоста научи ја, младенците воспитај ги, и прослави ги оние кои Те слават, и Црквата на Синот Твој сочувај ја и сохрани ја во долгоденствие.

О, милостива и премилостива Царице на небесата и земјата, Богородице Приснодево, со застапништвото Твое помилувај го чесното воинство, и сите православни христијани, запазувајќи ги под покровот на милоста Твоја: заштити ги со Твојата чесна риза и моли Го, Христа нашиот Бог, Кој бессемено од Тебе се воплоти, да не` препојаса одозгора со силата против нашите видливи и невидливи непријатели, против иноплемениците и едно племениците, кои војуваат против нашата Православна вера. Спаси и помилувај ги, Госпоѓо, причестниците на Светиот Синод на нашата Православна Црква, свештениците и ѓаконите, и сиот православен народ, кои Ти се поклонуваат и се молат пред Твојата чесна икона: погледни кон сите нас со погледот на милосрдивото Твое застапништво, подигни не` од греовниот понор, и просвети ни` ги очите срдечни , за да го видиме спасението: моли Го Синот Твој милостив да биде кон нас, тука и на Страшниот Суд: слугите Твои кои се претставија во благочестие од овој живот, во вечниот живот, со ангелите и архангелите, и со сите светии приброи ги, за да застанат оддесно на Синот Твој и Бог: и по молитвата Твоја сотвори да живеат со Христа, и да се насладуваат со ангелската радост во небесните живеалишта. Зашто Ти си Госпоѓо, слава на небесните и надеж на земните. Ти Си надеж наша, и застапница на сите кои при Тебе притекнуваат, и кои ја просат светата помош Твоја: Ти Си наша топла молителка кон Синот Твој и Бог наш:Твојата мајчинска молитва има голема моќ во молењето на Владиката: со Твоето предстателство пред престолот на благодатта да се осмелиме да пристапиме кон пресветите и живототворни Негови Тајни, иако сме недостојни. Затоа гледајќи го на иконата сечесниот образ Твој и раката Твоја, која Го држи Седржителот, се радуваме ние грешните и со умиление припаѓајќи, со љубов ја целиваме, очекувајќи, Госпоѓо, со светите Твои богопријатни молитви да го достигнеме безконачниот небесен живот, и непосредно да застанеме на Судниот Ден оддесно на Синот Твој и нашиот Бог, славејќи Го него заедно со беспочетниот Отец, и Пресветиот, Благиот, Живототворниот и Единосуштниот Дух, во вековите на вековите. Амин!

Чиста Дево

Чиста Дево Владичице,
Нескверна Богородице,
Радуј се, Невесто Неневесна!

Дево, Мајко, Господарке,
Ти Руно сеоросено,
Радуј се, Невесто Неневесна!

Возвелича на небесата,
Од зраците поблескава,
Радуј се, Невесто Неневесна!

Посветла од небесата,
Од светлината почиста,
Радуј се, Невесто Неневесна!

Од сите небесни воинства,
Владичице си посвета,
Радуј се, Невесто Неневесна!

Радуј се, Песно херувимска,
Радуј се, Химно ангелска,
Радуј се, Невесто Неневесна!

Радуј се, Одо серафимска,
И Радост на архангелите,
Радуј се, Невесто Неневесна!

Радуј се, Миру, Веселие,
И Пристан на спасение,
Радуј се, Невесто Неневесна!

Свет Чегору на славата,
Цуту на нетлението,
Радуј се, Невесто Неневесна!

Радуј се, Градино на изобилие,
На вечноста и на животот,
Радуј се, Невесто Неневесна!

Радуј се, Дрво на животот,
На бесмртност Источнику,
Радуј се, Невесто Неневесна!

Тебе Те молам Царице,
Тебе Те сега призивам,
Радуј се, Невесто Неневесна!

Тебе Те смилостивувам,
И радост барам Владичице,
Радуј се, Невесто Неневесна!

Девојко кротка безгрешна,
Сесветаја Владичице,
Радуј се, Невесто Неневесна!

Тебе Храму духовен,
Гораздо те преколнувам,
Радуј се, Невесто Неневесна!

Прифати ме, прифати ме,
од душманот избави ме,
Радуј се, Невесто Неневесна!

Покажи ме, покажи ме,
На живот вечен наследник,
Радуј се, Невесто Неневесна!

Чиста Дево Владичице,
Нескверна Богородице,
Радуј се, Невесто Неневесна!

Денес е почетокот на Божјата милост и проповеди за спасение на светот, во храмот Божји јасно Дева се јавува и на сите Христа им го предвестува, затоа и ние да и воспееме: Радувај се исполнение на Божјата промисла!

В рождество девство сохранила јеси, в успение мира не оставила јеси, к Животу пришла јеси Мати сушчи Живота и молитвами Твоеми избављаеши од смерти души нашја!

Изменето од Orthophill - 20.Април.2009 во 16:58

Orthophill напиша: За црковното почитување на Пресвета Богородица има друга тема, така да Евангелосе те молам држи се до темата и ако имаш некоја похвална песна за Мајката Божја, химна или молитва кон нејзе праќај ја на оваа тема, а ако немаш, те молам воздржи се! И дискутирај си на старата тема, или отвори си нова, но не ја уништувај оваа!

aladin, блажена и благословена меѓу жените - тоа се единствените библиски титули на Марија. Тука само би додал дека Марија не е единсвената што ги има овие две титули.

Изменето од EvAngelos - 20.Април.2009 во 16:26