Дали религијата ограничува

Но сепак, верата е нешто сосема друго. Јас, како верник во Христос, можам да кажам дека Божјите заповеди дадени во Библијата немаат за цел да ја ограничат нашата слобода, туку да не заштитат од опасните зони во кои што може да не однесе нашата "слободна воља". Христос рекол дека секој што прави грев роб му е на гревот, така што луѓето кои што се немаат покајано за своите гревови и живет во гревот само се залажуваат дека имаат којзнае каква слободна воља, а всушност живеат водени од грешните страсти, водени од вољата на кнезот на овој свет - ѓаволот.

 

Но, како што кажав, Божјите заповеди не не огранчуваат, туку не заштитуваат. Еден мој пријател најдобро тоа го илустрира со оградата на нашиот балкон. Дали таа ограда ја ограничува нашата слобода за да не можеме да чекориме по воздухот, или пак не заштитува да не паднеме од балканот.

Дали семофорот ја ограничува нашата слобода, или пак не заштитува од сообраќајки?

Дали таткото му ја ограничува слободата кога му вели на детето да не става прсти во штекер? Или пак да не става рака во оган? Зошто таткото му вели на детето "НЕ!" Затоа што има некаква си суетна желба да забранува само или пак затоа што го сака и сака да го заштити од опаности, повреди, смрт итн.

 

Значи, моето субјективно видување е дека општо земено повеќето религии ограничуваат, но Христијанската вера заштитува, а Христос ослободува... како што и самиот рекол во една прилика:

 

Исус им одговори: „Вистина, вистина ви велам, дека секој кој прави грев, роб му е на гревот. А робот не останува дома довека; Синот останува довека. И така, ако Синот ве ослободи, навистина ќе бидете слободни.