Темперамент

Темперамент е психичко својство на личноста што се пројавува во динамиката на нејзината дејност. Динамиката на човековата дејност се гледа во брзината, силината, траењето и начинот на манифестирање на неговите реакции.
Според Хипократ постојат 4 типа на темпераменти кај луѓето: КОЛЕРИК ( лат. hole -жолчка ), САНГВИНИК ( лат. sanguis – крв ), МЕЛАНХОЛИК ( лат. melaire hole – црна жолчка ) и ФЛЕГМАТИК ( лат. flegma – слуз )

КОЛЕРИК – човек со брзи реакции и силни емоции кои долго траат. Често е нерасположен, лут и гневен. Брзо пламнува и тоа силно чувство го држи долго време. Чувствата ги манифестира видливо и екстравертно ( ориентирано кон надвор, кон другите луѓе )
САНГВИНИК – човек кој брзо реагира но неговите емоции не се силни и не траат долго. Може брзо да пламне и брзо да се смири. Според своето расположение е ведар и весел. Своите чувства ги манифестира видливо и екстравертно. Поради своите особини тој е често омилен во друштвото.
МЕЛАНХОЛИК – човек кај кого емоциите многу бавно се развиваат, но кога ќе настанат тие се особено силни и долго траат. Главно е нерасположен и тажен и своите чувства не ги манифестира зошто е интровертен ( затворен во себе )
ФЛЕГМАТИК – човек кај кого емоциите многу бавно се развиваат а и кога ќе настанат тие се слаби и со кратко траење. Флегматикот е главно рамнофушен и незаинтересиран човек. Емоциите не ги манифестира видливо и главно е интровертен.

Каде се препознавате вие?