Опседнати куќи

Многу луѓе доживеале некое паранормално искуство, ситуации кои не можат рационално да се објаснат. Повеќето од тие настани се поврзани со проколнати куќи во кое се случуваат чудни работи. Ви откриваме седум „тајни“ за да препознаете куќа опседната со непожелни гости.

И додека многу случаи со бука, електрични дефекти и ладни места можат да се опишат, постојат и такви кои не можат да се опишат и спаѓаат во паранормални појави. Кога ќе сфатите дека во куќата имате непожелни гости ви остануваат две решенија, да научите да живеете со нив или пак да преземете нешто. Сепак, не треба да се плашите и запомнете ја народната поговорка: Треба повеќе да се плашите од живите, отколку од мртвите.

1. Дали сте слушнале необични звуци? Најчесто можат да се слушнат звуци на отчукување, чекори, гласови, ѕвонење, или пак деца кои што плачат. Понекогаш тоа се нарекува ментален обид на духот кој што живее таму да привлече внимание. Сепак, тоа можат да бидат и сеќавања кои што се случиле во минатото.

2. Исчезнување на некои предмети? Можете да се заколнете дека нешто сте оставиле на одредено место и за момент тоа исчезнало. Некои духови се тивки, а други пак уживаат да прават шала на ваша сметка. Но, не мора секогаш да значи дека вие сте избрани некој да си поигрува со вас. Можеби само некој гостин од другиот свет сака само малку да си поигра со вас.

3. Чувствувате необичен и необјаснив мирис? Понекогаш мирисот може да биде многунепријатен, додека некогаш може да биде како да покрај вас поминала некоја елегантна жена намирисана со убав цветен мирис. Необјаснивиот мирис може да биде некој потсетник на некој кој порано живеел во таа куќа.

4. Чудно однесување на животните на одредени делови од домот? Познато е дека мачките и кучињата имаат зајакната перцепција на духовниот свет. Тие некогаш можат да го видат она што луѓето не можат.

5. Дали постои просторија во вашиот дом, во која секогаш е ладно, без оглед на тоа колку надвор е топло? Истражете го убаво домот и забележете дали температурата насекаде е рамномерна. Прашајте ги старите соседи доколку имате некои нејасни работи. Можеби во вашиот дом се случило нешто непријатно во минатото.

6. Чувствувате како да не сте сами во куќата иако сте сигурни дека нема никој дома. Многу веројатно да не сте сами.

7. Светлата во собата сами се палат и се гаснат. Ако одговорот е позитивен и доколку немате проблеми со инсталацијата, тогаш одговорот е многу едноставен.

Англија

• 50 Беркли сквер - е најопседнатата куќа со духови во Лондон.

• Блу Бел Хил во Кент, поточно патот A229. Ова е местото каде што фантомска женска личност стопира. Колите застануваат да ја качат, а нејзе потоа ја снемува.

• Чилингемски замок, лоциран во Нортамбрија, Англија. Страда од духови повеќе од 800 години. Бројни духови се видени овде и се смета за најопседнато место во цела Англија.

• Во Дорсет се појавува дух со секира, кој јава на коњ. Од очевидците е опишан како воин од камено време.
• Замокот Виндзор — домот на британското кралско семејство. Бројни духови се видени овде, вклучувајќи го и духот на кралицата Елизабета I, и нејзината мајка, Ана Болејн, која е видена како трча низ ходниците врескајќи. Меѓу очевидците е и кралот Џорџ VI, потоа Вилијам Гладстон и Ендрју, Војводата од Јорк.