АНГЕЛИ

Ни јас немам што да го дотерувам постот за кој немав време, овие објаснувања се прекрасни.

 

zidarski, Azrael ме претрка во овој момент и јас не би имал што да додадам на неговиот исцрпен одговор и само би потенцирал дека ангелите не треба да се обожаваат, ниту пак треба да им се поклонуваме.

Серафими

"Во годината кога умре цар Озија, јас го видов Господа, седнат на престолот, висок издигнат, а полите на одеждата Негова го исполнија целиот храм. Околу Него стоеја серафими; секој од нив имаше по шест крилја: со две секој го криеше лицето свое, со две други ги криеше нозете свои, а со две леташе. И викаа еден кон друг и велеа: ,Свет, свет, свет е Господ Саваот!  Целата земја е полна со Неговата слава!- И се разниша горништето на вратите од гласот на оние што викаа, а домот се исполни со дим..... Тогаш  долета до мене еден од серафимите со разгорен јаглен во раката што го беше зел со клешти од жртвеникот..." (Исаија 6: 1-6)

Херувими 
(Езекиел 10)
И шумот од крилјата на херувимите се слушаше дури до надворешниот двор, како да е тоа глас од Бога Сесилниот, кога Он зборува. И кога Он му даде заповед на човекот облечен во ленена облека, му рече: ,Земи оган од местото меѓу тркалата, меѓу херувимите-, и кога тој влезе и застана меѓу тркалата - тогаш среде херувимите застана еден херувим, ја протегна раката своја кон огнот, што беше меѓу херувимите, и зеде, па му даде една рака на облечениот во бела ленена облека
И видов: ете четири тркала до херувимите, по едно тркало до секој херувим, а тркалата имаа изглед како да се од каменот топаз. И сите четири по својот вид беа еднакви, како едно тркало да се наоѓаше во друго тркало. Кога одеа, одеа на сите четири страни; кога одеа не се свртуваа, но одеа кон она место, каде што им беше свртена главата; кога одеа не се свртуваа. И телото нивно и грбот нивни и рацете нивни, и крилјата нивни, и тркалата нивни наоколу беа исполнети со очи - сите имаа по четири тркала. Тркалата се викаа, како што чув, галгал. И секоа животно имаше по четири лица: првото лице - лице херувимско, второто лице - лице човечко, третото лице - лице лавовско и четвртото лице - лице орловско. Херувимите се подигнаа. Тогаш видов дека тие беа истите животни што ги  видов при реката Ховар. Кога одеа херувимите, се вртеа до нив и тркалата; кога се подигаа крилјата нивни, за да се подигнат од земјата, тркалата не се одделуваа, туку беа при нив.
Тоа беа истите животни, што ги видов во подножјето на Израеловиот Бог при реката Ховар. И јас разбрав дека тоа се херувими. Секој имаше по четири лица, и секој - по четири крилја, а под нозете слично на човечки раце. Лицата им личеа како на оние лица, што ги видов при реката Ховар - од ист вид, тие истите.



Изменето од Azrael - 09.Август.2008 во 11:47

Хебрејскиот збор  е "малак",  а  грчкот - "ангелос". Обата збора значат: "гласник".

Ангелите се слуги
Ангелите се само слуги. Тие се духовни суштества кои Бог ги испраќа да им помагаат на оние што ќе го примат спасението." (Евреите 1:14)
"На Своите ангели Тој за тебе ќе им заповеда, на секој твој чекор да те чуваат." (Псалм 91 (90):11)
"Кога почина сиромавиот, ангелите го одведоа на небото, каде што е Авраам." (Лука 16: 22)

Ангели за децата

"Внимавајте да не потцените ниедно од овие најмалечкиве, зашто нивните ангели на небото се постојано со Мојот небесен Татко." (Матеј 18:10)

Ангелите не знаат се

 "А денот и часот на Христовото враќање никому не му се откриени, дури ни на ангелите на небото..." (Матеј 24:36)
"Дури и ангелите копнеат да проникнат во овие работи, да ги разберат." (1. Петар 1:12)

Ангелите се радуваат

"Ве уверувам, дека, на сличен  начин, Божјите ангели се веселат за еден грешник кој преку покајание се враќа кај Бог." (Лука 15:10)

Ангелите не треба да се обожаваат

"Тогаш јас клекнав пред ангелот за да му се поклонам, но тој ми рече: 'Немој! И јас сум Божји служител, како што си и ти, и сите други следбеници на Исус. Само на Бог поклонувај Му се!'" (Откровение 19:10)
"... паднав ничкум пред нозете на ангелот... со намера да му се поклонам. Но тој ми рече: 'Немој, не прави го тоа! И јас сум само Божји служител, како што си и ти... На Бог поклони Му се!'" (Откровение 22:8-9)

Споредба со ангелите

 "Зашто, кога луѓето ќе воскреснат, тие нема да бидат ни женети ни мажени, туку ќе бидат како ангелите на небото." (Матеј 22:30)

Изменето од Azrael - 09.Август.2008 во 11:34

Според објаснувањата добиени преку пророчицата Габриеле во прахристијанската заедница Универзален живот, кажано е дека сите луѓе се некогашни ангели т.е. некогашни бестелесни чисти небесни битија кои со тек на време се замрачиле отргнувајќи се од Бога преку желбата самите да станат богови. Преку Исус Христовото водство и практицирање на божјите закони, сите луѓе и души порано или подоцна ќе станат повторно ангели.

Иако во божјото Небесно царство се сите еднакви, битијата се разликуваат според својот светлосен интензитет, менталитет и задачи кои ги исполнуваат.
Па така постојат меѓу другото и тнр. чувари на законот - 7 небесни парови составени од херувими(машки принципи) и серафими(женски принципи). Ова не треба да се меша со сфаќањето кое го има на пр. во православието каде тие се сосема различни бесполни битија со одреден број крилја.

Ангелите немаат крилја. Од нив зрачи светлина која на некои видовити луѓе може да им остави впечаток како да мафтаат бели или златни крилја. Во Универзален живот е објаснето дека крилјата кои луѓето ги сликале или ги додавале на скулптурите кои прикажувале ангелски битија всушност симболизираат заштитеност и огромна брзина. За ангелите, односно, небесните битија - брзината на светлината(физичката) и брзината на мислата се бескрајно спори.

Херувимите и серафимите во различни временски периоди од историјата се појавувале меѓу другото и како некои пророци во стариот Завет за да му служат на Вечниот кој ги опоменувал преку нив луѓето.

За ангелите и друштвата ангелски во рајот мошне убави описи изложи и Емануел Сведенборг, шведски мистичар од 18 век, во својата книга: „РАЈОТ И ПЕКОЛОТ - според она што го слушнав и видов„.

Изменето од Majkl - 08.Август.2008 во 23:00

Убава тема!

Некои за жал веруваат повеќе на Ангелите БОЖЈИ одколку на Неговата вечна ВОЛЈА преку која се е создадено.