Мислење за досегашната работа на Премиерот

ВЛАДАТА ОДОБРИ ДОДАТОК ЗА КАРИЕРА

Шефовите ќе ги наградуваат добрите државни службеници

Додатокот се однесува на околу 10.000 работници во државната управа, но не и вработените во јавните претпријатија, болниците образованието, судството, полицијата

Додатокот за кариера ќе почне да се спроведува од 1 септември годинава 

Владата ќе ги наградува државните службеници, кои добро работат. Според Законот за државните службеници, од стажот и од оценката за работата што ќе ја даваат претпоставените ќе зависи зголемувањето на платата на работниците во државната управа. Службениците со три години стаж ќе може да добијат покачување од пет отсто, со шест години десет проценти, за девет години работа можно е да се добие покачување од 15 отсто, а тие што работат повеќе од 12 години како државни службеници ако се добро оценети од шефот, ќе добијат покачување на платата за 20 отсто.  За оваа цел со ребалансот на буџетот се одвоени дополнителни 20 милиони денари (80.000 евра). Според министерот за финансии Трајко Славески, целта на додатокот, е поголема мотивација на државните службеници. Додатокот за кариера ќе почне да се спроведува од 1 септември годинава. Тоа е една од мерките за исполнување на критериумите за приближување кон Европската Унија  вели тој.Во Министерството за финансии објаснуваат дека надоместок ќе може да добијат државните службеници кои имаат повеќе од три години стаж и чија работа е оценета за позитивна. Оценките ги даваат нивните претпоставени по хиерархиски редослед од горе надолу. Претпоставените може да ги оценат работниците во државната управа со четири оценки и тоа „се истакнува“, „задоволува“, „делумно задоволува“ и „незадоволува“. Ако оценката е „незадоволува“, вработениот оди еден степен подолу во хиерархијата и неговата плата се намалува за пет отсто, за што има право на жалба.

- Овие одредби се дел од Законот за државни службеници и сега се најдоа начин и пари да се имплементираат во пракса. Додатокот за кариера ќе се однесува на околу 10.000 работници во потесната државна управа. Во бројката не влегуваат вработените во јавните претпријатија, болниците, образованието, судството, полицијата - изјави портпаролот на Министерството, Мартин Мартиновски.Во Агенцијата за државни службеници вчера не беа достапни да информираат за деталите од исплатата на наградите.Сојузот на синдикатите на Македонија го поздравува потегот на Владата да ги награди добрите работници во државната администрација, но оттаму предупредуваат дека оценувањето мора да биде објективно.Ако оценувањето е објективно, ја поддржуваме примената на додатокот на кариера. Но, ја потсетуваме Владата дека со ребалансот на буџетот мора да се имаат предвид исплатата на додатоците за исхрана и за превоз за административците и зголемувањето на платите на судските службеници - порача Пеце Груевски, портпарол на ССМ.

Горан Ризаов

...koj li ke bide kriteriumot...

...1. mesto... shvalerka-shvaler...

2. mesto....pertiska knishka...

3...mesto...sin-kerka...bratudzedi...

4. mesto soselani...sogragani...soulicari..somalci (od isto malo)...sokafanci...

5 mesto... 1 raboti..za sto... po eden budala shto raboti..i molci..za da se opravda zakonot...

.. bi trebalo.. shtom se formira vladata..ova pod hitno da se ukine... Evrpoa.. pa nie ne sme vo Evropa... tuku na Balkanot...  a ako sakaat da gi podelat tie 20 milioni... neka donesat zakon za onie so najniski plati... nagrada za cistackite... koi samo za 6 000 im gi cistat g...ta... pa za cistacite na ulicite... koi so metla na 40 stepeni metat...

...utnaaa...i toa golema utka...belkim ke ja popravat...