,,Македонска Борба,,

Ево и мое мислење иако многу нема да се слагаат со него...
Од моја перспектива гледано- литер бензин не чини коколу 30 денари. На име акциза одат во државната каса над 40 денари- сите тие пари служат за градење на вакви монументални тотеми на глупоста со која се исполнува ала american dream- вмро-вскиот сон за крајно сатанизирањ на „комуњарите“- бележник кој долго ке предизвикува омраза но и ке им обезбеди национал-романтичарски бекграунд за придобивање на гласови во иднина. Евтини фори на полуписмени бараби. Дали некој може да ми каже за бенефитот што јас како „полнач на буџетот“ го имам од овој „холокауст“ тотем???
толку имав на темава --- и само една порака- народ кој нема иднина се врти во минатото...

Музејскиот комплекс „Македонска борба“ е составен од музеите на ВМРО и на жртвите од комунизмот.
Денеска премиерот Никола Груевски го постави камен темелникот на новиот музеј, а го осветија архиепископот г.г. Стефан и епископот Климент.
На свеченоста присуствуваа и членовите на здружението на политичките затвореници. Во Македонија има 22.850 политички досиеја.
„Тоа е историски чин, не само за нас, тоа е за целиот свет да види што во Македонија е направено бидејќи тоа се паталците кои се бореа за Македонија. Тоа не е мал проект, тоа 22.850 политички досиеја“, изјави Андон Андонов, претседател на Здружение на политички затвореници.
За овој проект Владата во буџетот за оваа година намени девет милиона денари. Објектот ќе го гради „Бетон“ од Штип според проектот на архитектот Зоран Јордановски. Се очекува да биде готов за 14 месеца.
„Наша обврска и должност е на сите кои се жртвуваа за овие идеали да им искажеме благодарност и да им посакаме вечна слава. Тоа е пораката која со изградбата на овој музејски комплекс ќе ја пренесеме на идните генерации“, рече Никола Груевски, премиер на РМ.

Поставката посветена на жртвите на комунизмот ќе содржи оригинални политички досиеја, записници од сослушувања, тужби, пресуди, фотографии, пароли, песни, писма.

Во Музејот на ВМРО ќе бидат поставени 40 восочни фигури на истакнати македонски дејци, кои ги изработува музејот од Украина, а ќе се прават две месечно.

Директорот Сожињ вели дека најверојатно фигурите ќе бидат готови пред да се изгради музејот.

Ваше мислење во врска со ова?