Што мислите за Кака?


    Најдобриот фудбалер на светот според ФИФА, Рикардо Кака, за првпат стана татко, откако неговата сопруга Каролине му роди машко дете, Лука Селико Леите. Новороденчето е високо 51 сантиметар и тешко 3,59 килограми и е во одлична здравствена состојба, соопштија од болницата во Сао Пауло.
- Постигнав многу во мојата кариера, но ништо не може да се спореди со чувството да се стане татко. Фудбалот е мојата страст, но со првиот допир на Лука, всушност, ја почувствував вистинската смисла на животот - изјави пресреќниот Кака.
Каролине Селико и Кака се заедно уште тинејџерските денови, а во брак стапија на 23 декември 2005 година во Сао Пауло, каде што беа и фудбалските почетоци на бразилскиот суперстар. 
Кака, кој заздравува од операцијата на коленото, важи за екстремно религиозен човек. За тоа говорат и прославите на неговите голови во кои со десната рака покажува кон небото во знак на благодарност кон Бога. Притоа во повеќе наврати има изјавено дека бил горд на својата невиност се додека не стапил во брак, што уште повеќе говори за неговата посветеност на религијата. Негова омилена музика е госпелот, а омилена книга му е библијата.
Во 2003 година потпиша за Милан, а ланската сезона го предводеше до титулата во Лигата на шампионите. За "росонерите" има постигнато 54 голови во 164 натпревари.**********izvor: vest.com.mk