Трифун Костовски

аџија напиша: хахаха... абе ти си бил патетечен ... Немало дупку у скопје... Абе слепец еден, симни се плави анџеле и погледај свој двор... пееја некогаш, ако памтиш...

СИНДИКАТИТЕ НА ПРЕТПРИЈАТИЈАТА ВО ОДБРАНА НА КОСТОВСКИ

Скопјани да не паѓаат на хистеријата на Рамковски

Претставници на осум синдикати рекоа дека Костовски ги одржува претпријатијата во невозможни економски и финансиски услови

Апелираме до граѓаните на Скопје да не подлегнуваат на провокациите и манипулациите на Велија Рамковски, зашто тоа не е во интерес на граѓаните, туку негов личен интерес, повикаа вчера претставниците на синдикатите на шесте градски претпријатија, заедно со оние на Зоолошката градина и на Противпожарната бригада на град Скопје.

Неколку илјади вработени во претпријатијата свикаа прес-конференција, револтирани од кампањата на сопственикот на телевизијата „А1“, Велија Рамковски, за смена на градоначалникот Трифун Костовски. Во негова одбрана застанаа синдикатите на „Улици и патишта“, „Комунална хигиена“, ЈСП „Скопје“, „Водовод и канализација“, „Паркови и зеленило“, „Градски паркинг“, „Зоолошка градина“, како и на Противпожарната бригада.

- Велија Рамковски да го исчисти сметот во сопствениот двор. Да покрие еден куп долгови и да ги закрпи дупките од финансиските малверзации, што се негов влог во македонската јавност - порачаа вработените во претпријатијата.

Тие кампањата против Костовски ја нарекоа хистерична.

- Ние ги следиме снимките што Рамковски ги пушта на телевизијата и се прашуваме на кои места им се снимени тие дупки на улиците што ги прикажуваат. Се' што е во ингеренција на Градот ние санираме, но такви дупки не најдовме. Веројатно се емитуваат дупки што се на улиците што се во надлежност на општините, со што се манипулира со јавноста - рекоа вработени во „Улици и патишта“.

Работниците потенцираа дека градоначалникот Костовски ги одржува претпријатијата во невозможни економски и финансиски услови. Тие го поканија Рамковски да ги посети.

- Рамковски да дојде да види во какви услови дејствуваат јавните претпријатија и како ги извршуваме обврските со минимален буџет - рекоа синдикалните претставници.

Лазар Георгиевски, раководител на оперативата во „Комунална хигиена“ и претставник на синдикатот, рече дека ова претпријатие го чисти Скопје на начин на кој ниту една служба не чисти ниеден европски град.

- „Комунална хигиена“ постои 101 година и е единственото претпријатие во светот кое чисти седум дена во неделата. Во Европа и во светот никаде сметот не се собира седум пати неделно, а од центарот дури три пати дневно. Но, тоа е така бидејќи Градот донесе таква програма, која потоа беше усвоена од Советот. Градот би бил почист доколку сите би го фрлале сметот непосредно пред да биде собран. Велам, нека не' остават да работиме - рече Георгиевски.