Торта со портокал и јагоди

Ролат со крем бананчиња

Домашен еурокрем

Сонце торта

Состојки: 400г пишкоти

За фил: 2 кесички пудинг од ванила, 1л млеко, 150г шеќер, 150г путер, 500г праски, 2 кесички шлаг, 100мл млеко

За декорација: 1 кесичка желатин, 200г праски, 2 лажици шеќер во прав, сецкани бадеми

Подготовка: Згответе го пудингот, а кога ќе се олади соединете го со путерот. Излупете ги праските, преполовете ги и извадете им ги семките. Едната половина исецкајте ја на коцки и додадете ги во пудингот и путерот.

Во округол сад наредете ги пишкотите, над нив наредете ги половините праски, а преку нив истурете го пудингот.

Праските за декорација излупете ги, исечете ги на кришки и гответе ги малку во вода засладена со шеќер. Желатинот растворете го во вода и лесно измешајте го во засладените праски. Од страните ставете ги исецканите бадеми.

Смесата распоредете ја по тортата, а пред служење оставете ја добро да се олади во фрижидер. Кога ќе ја служите одозгора ставете шеќер во прав.

Бадем торта

Состојки: 5 жолчки, 200г шеќер во прав, 600г мелени бисквити, 100г мелени бадеми, 125г путер, 2дл сок од праска, 250мл слатка павлака, 2 реда чоколада за готвење

Подготовка: Пенасто изматете ги жолчките, додајте го шеќерот во прав и матете додека не се соединат, па префрлете ја смесата во сад со дупло дно и ставете ја на оган. Гответе додека смесата не се згусне и додека не го видите дното на садот кога ќе помешате со лажица.

Мелените бискивити и мелените бадеми прелијте ги со сокот од портокал и добро соединете ги двете состојки додека ранмомерно не ја впијат течноста. Потоа додајте го подготвениот фил и путерот кој претходно сте го сматиле. Соединете убаво, ставете го во калап за торта со форма по желба.

Тортата украсете ја со сматена слатка павлака и изрендана чоколада или цели бадеми.

Добар апетит!

Дипломат торта

Лесен десерт, како измислен за топлите денови. Богата со овошје и витамини.

Состојки:

За пандишпан: 6 јајца, 150г шеќер, 50г какао, 100г ореви, 60г брашно, малку зејтин, ванилин шеќер

За фил: 1,5л слатка павлака, 100г шеќер, 300г свежо овошје (банана,киви, малини,јагоди), сок од портокал

Подготовка:

Одвојте ги белките од жолчките, па од белките сматете цврст снег со постепено додавање шеќер. Лесно измешајте ги во него една по една жолчка, брашното, зејтинот и ванилиниот шеќер. Дел од брашното може да се замени со мелени ореви во истата тежина. Кората печете ја во добро подмачкан калап на 200 степени, а кога ќе се олади исечете го на три дела.

Слатката павлака сматете ја со шеќер, па исфилувајте ја првата кора. Ставете сецкано овошје, па повторете ја постапката со останатите кори. Ако сакате помеки кори, натопете ги со сок од портокал. Пред сервирање добро оладете ја тортата.

Добар апетит!

Неверојатна чоколадна „да го изедеш мониторот“ торта

200g (1 чаша, цврсто спакуван) кафеав шеќер

185ml (3/4 шоља ) млеко

125g путер, сецкан

115g (3/4 шоља ) брашно + печиво + 1/4 сол

75g (1/2 чаша) чисто брашно

50g (1/2 чаша) какао во прав

3 јајца

185g или 13 лажици путер, екстра, на собна температура

345g (2 1/4 шолји ) смеса за благ шлаг

95g (3/4 чаша) слад млеко во прав

1 лажица млеко, дополнително

465g чоколадни топчиња

Состојки потребни за фил:

300g темно чоколадо за готвење, ситно сечкано

125ml (1/2 чаша) густ крем (хопла)

30g путер

Подготовка:

1. Загрејте ја рерната на 160 степени. Намачкајте ја со путер целата тава за печење, а потоа ставете пергамент хартија.

2. Ставете го кафеавиот шеќер, млеко и путер во сад, и над пареа мешајте додека не се стопат и соединат состојките.

3. Додадете го брашното и какаото во прав во смесата со путер и потоа ставете ги миксирајте ги јајцата. Ставете ја смесата во тавата за печење и печете околу 55 минути. Оставете да се излади, околу 5 минути, а потоа ставете го пандишпанот на чинија за торта.

4. За филот: Ставете го чоколадото, хоплата и путерот над пареа додека состојките не се стопат и соединат, мешајќи привремено.

5. Измиксирајте го останатиот путер (185g), додадете го шеќерот, млекото во прав и екстра млекото и миксирајте додека не се соединат.

6. Оставете го филот да се згусне околу час и половина.

7. Додека филот се згуснува, исечете го пандишпанот на четири хоризонтални слоеви.

8. Нанесете 1/3 од филот на секој слој, а потоа целосно премачкајте ја со останатиот фил. Оставете ја во фрижидер да се излади околу час и половина и потоа декорирајте со чоколадните топчиња.