Ма­ка­ро­ни во сос од сар­ди­ни

Пот­реб­но:

300 г ма­ка­ро­ни
сол
За со­сот:
 800 г (1 кон­зер­ва) лу­пе­ни до­ма­ти
 1 ла­жич­ка ше­ќер
 2 ла­жич­ки за­чи­нал
 3 ла­жи­ци мас­ли­но­во мас­ло
 3 чеш­ни­ња лук
 1 ла­жич­ка сит­но сеч­кан маг­до­нос
 400 г сар­ди­ни

При­гот­ву­ва­ње: ма­ка­ро­ни­те сва­ре­те ги во со­ле­на, ври­е­на во­да и ис­це­де­те ги. Сар­ди­ни­те ис­чис­те­те ги, отс­тра­не­те им ги гла­ви­те и сред­на­та ко­ска. Во заг­ре­а­но­то мас­ло про­пр­же­те ги фи­ле­ти­ра­ни­те сар­ди­ни, до­да­де­те ги во нив до­ма­ти­те од кон­зер­ва­та, ис­тол­че­ни­от лук, ше­ќе­рот, за­чи­на­лот, па се­то тоа дин­стај­те го око­лу 15 ми­ну­ти. На крај сар­ди­ни­те со со­сот по­си­пе­те ги со сит­но сеч­ка­ни­от маг­до­нос. Топ­ли­те ма­ка­ро­ни из­ме­шај­те ги со сар­ди­ни­те и со­сот и пос­лу­же­те ги.

На ова можеби и не му е тука место..кој знае...ама еднаш гонзо ме праша што е тарана ...па си викам...во солени спаѓа...ај нека го има и ова во темава


    Тарана


Потребни состојки:

5 кг. ирмик
2 кг. брашно
15 јајца
3 л. млеко
Сол

Брашното и ирмикот се ставаат на синија за месење (или во подлабок сад). Се прави смесата од јајца, млеко и 1 лажица сол и постепено се додава во брашното и ирмикот. Се замесува поцврсто тесто и за време на месењето неколку пати се кини на поситни парчиња за полесно да се измесе. На крај ситно искинатите парчиња тесто се ставаат на сонце да се сушат, а потоа се рендаат на метален дрмоњ (превртен наопаку). Изренданата тарана се досушува на сонце, на чисти чаршави, а потоа се собира во платнена вреќа. Се чува на суво и темно место и вака собрана тараната може да стои неколку месеци.

(тараната со малку масло за јадење се пржи на оган за малку да зарумени, а потоа се додаваат вода и сол по вкус. Тараната е готова откако ќе ја впие водата односно откако ќе омекне)


е сега..ова дрмоњ...некој го вика е дермон...кој знае...
ама тоа е ова...

Брзи пирошки

400гр. брашно
1 пециво
1 јајце
200 мл. млеко пресно ( не сум ги пробала со јогурт или кисело млеко)
200 гр. рендана салама
200 гр. дробено сирење

Се’ заедно се замесува.

Се зема по малку од смесата, се прават прво топчиња па после во форма на стапчиња со пречник околу еден сантиметар и се пржат во врело масло. Пред секоја следна пирошка се брашнат дланките( да не се лепи за раце тестото).
По желба може да се валкаат и во брашно,јајца и презла иако јас ги правам само со набрашнување на дланките.
Брзи се ептен, а вкусни мхм,мхм,мхм...
Идеални за доручек или вечера...со кисело млекце или јогурт

Паштета од павлака и сирење

Потребно:

* 400 г младо кравјо сирење
* 200 г кисела павлака
* 1 лажичка сол
* 1/4 лажичка бибер
* 30 г рен од тегла
* магдонос
* 1 варено јајце

Приготвување: младото кравјо сирење пенесто изматете го, додадете ги во него павлаката, ренот, солта и биберот, па сето тоа добро измешајте го. Магдоносот ситно исечкајте го и додадете го во смесата. Тврдо вареното јајце исечете го на коцкички и посипете го врз смесата од сирење. Смесата од сирење послужете ја со интегрален леб.

Сукијаки - говедски стек на јапонски начин

Суки значи плуг, јак и печен. Според стара приказна ова јадење настанало во Јапонија пред повеќе векови, во времето кога будистичката вера им забранувала на своите верници да јадат говедско месо. Тоа го натерало еден селанец да отиде во шумата и кришум да убие и испече вол, а наместо скара употребил дел од својот плуг. Оттаму доаѓа и името сукијаки - печен на плуг.

8-10 многу тенко сечени говедски стекови
1 поголем црвен кромид сечен на кругови
2 целера исечени на листови
200 г сварен и исцеден спанаќ
1/4 филџан шампињони сечени на листови
2 лажици тенки јуфки
1 1/2 лажица шеќер
1/4 филџан соја сос

Загрејте ја претходно намастената тава. Ставете ги стековите и нагло пропржете ги од двете страни додека не заруменат. Додадете ги останатите состојки и пржете на силен оган 3 минути. Намалете ја температурата и допржете ги уште 7 минути повремено мешајќи. Готовиот зеленчук треба да биде крцкав.

Ориз со вино

Потребно:

* 4 лажици масло
* 300 г ориз
* 1 лажица зачинал
* 500 мл врела вода
* 50 мл бело вино
* рендан пармезан

Приготвување: во загреаното масло кратко пропржете го оризот. Посипете го со зачиналот и прелијте го со врелата вода. Оризот варете го 10-15 минути на тивок оган во полупокриено тенџере. Пред крај на варењето сипајте го виното. Пред да го послужете оризот како самостоен оброк, посипете го со ренданиот пармезан.

Динстан целер

Потребно:

* 600 г корен од целер
* 100 г кромид
* 50 мл маслиново масло
* 1 лажица зачинал
* 1 лажичка сува мајчина душица
* 2 чешниња лук
* бибер
* 3 лажици бело вино

Приготвување: излупениот корен од целер исечете го на тенки парчиња, а кромидот ситно исечкајте го. Во загреаното маслиново масло пропржете го кромидот, па додадете ги целерот, зачиналот и мајчината душица. Сето тоа динстајте го на тивок оган повремено сипајќи вода, додека не омекне целерот. На крај додадете ги истолчениот лук, биберот, виното и уште малку динстајте го сето тоа.