Пандорина кутија, следи домино ефектот

Рускиот Парламент ја поддржа независноста на двата Грузиски региони Јужна Осетија и Абхазија и го повика претседателот Медведев да ги признае.

На оваа поддршка од страна на Рускиот Парламент се огласи и грузискиот претседател Михаил Сакашвили кој предупредува дека признавањето од страна на Русија на независноста на Абхазија и Јужна Осетија ке биде обид за промена на границите на Европа со сила, и ќе има катастрофални последици.

Долниот дом на рускиот парламент, Думата вчера гласаше за поддршка на независноста на грузиските региони Јужна Осетија и Абхазија. Гласањето се одржа на вонредна седница.

Повикот до претседателот Дмитриј Медведев формално да ја признае независноста Јужна Осетија и Абхазија беше прифатен во 450-члената Дума откако претходно вчера, и Горниот дом или Советот на федерацијата прифати иста таква резолуција, едногласно со 130 гласа, пренесува МИА. "Ние сме должни да го поддржиме стремежот на народите на Јужна Осетија и Абхазија кон стабилност, мир и независност", изјави претседателот на Советот на федерацијата Сергеј Миронов за време на седницата. Според него, по распадот на поранешниот Советски сојуз, грузискиот Парламент со незаконска одлука ја лишил Јужна Осетија и Абхазија од автономија, што предизвикало граѓански отпор.

Миронов ја оквалификува како "префинет цинизам" политиката на Грузија кон народите кои, според него, со векови живееле рамо до рамо со Грузијците. Шефот на Советот на федерацијата повика да се прави разлика меѓу односите на Русија со грузискиот режим и нејзините односи со грузискиот народ. Признавањето од Русија на независноста на Абхазија и Јужна Осетија би било обид за промена на границите на Европа со сила, и ќе има катастрофални последици, предупредува во интервју за "Либерасион" грузискиот претседател Михаил Сакашвили. Тој потенцира дека таков чекор од страна на Русија би бил сериозна грешка и би предизвикал катастрофални последици и за таа држава. "Не мислам дека дека некој во меѓународната заедница ќе биде толку неодговорен и дека ќе поддржи признавање на независноста на двете сепаратистички грузиски области", наведува тој.

Германската Влада веќе апелираше Медведев да не го преземе тој чекор.

Ова претставува можниот домино ефект предизвикан од признавањето на Косово за независна држава.

Можни се и други вакви барања во земјите на европскиот континент како Белгија, Шпанија...кои евентуално би ја измениле картата на Европа и кои би придонеле за продлабочување на несогласувањата во навидум хомогената ЕУ.

Пандорината кутија ја отворија американците, сега русите чепкаат во неа, кој е следниот...








Изменето од Biba_G - 01.Март.2009 во 13:03