Само 2,5 посто разлика во рејтингот меѓу Груевски и Жерновски 

Да ,да според она кога мојот родител лежеше за Македонија,Иследници му беа Српски ,јали србомански судии,наместени сценарија и меѓу другото ги терале Некои од покрвавите за Македонија,повраќаниците да си ги јадат,а Сега

Некои во Кофи со вода се дават, други...ај да не зборувам,Па за Македонија се работеше,овој за кој зборувам е за Македонија,така труби на Големо,ама на Поданиците им наредува Нас да не требат исто како во минатите времиња,а за тоа Кој знае знае,Голем Манипулатор.

А бе за волја на Вистината и него и менторот Протоѓер сакав да ги видам,ама освен во влада нема друго место да закажеш,а таму се знае Кој може,партијата им ги укина тие поволности,Велат се РЕФОРМИРАЛЕ,само КАЖУВАЛЕ што треба да се прави и како се ИСПРАВНИ,а ОДГОВОР НЕ НИ САКАЛЕ ДА СЛУШНАТ;МНогу Јак Лидер.

Копук Егејски, NIKOS GRUJOS и он че зборува за Македонија и нам че ни трие сол на РАНА.

Кој ли само те научи,дали дедо ти од Грчка,пошто таму ги учеле така на воспитание децата да бидат лоши уште од мали ,а да се преправаат дека глумат добрина,еее водачу,

ЛИЦЕМЕРИЕТО е една од најлошите твои ДОБЛЕСТИ,некни кога го покани во Влада,лидерот на СДСМ,Заев,што Глумеше,Чоештилак,ОДИ кажува јму на децана,блгарско-неписмени од Овчарската ти Партија,ти за Доблест не ни знаеш.Демек Негативната слика од претходникот,ќе ја наметнуваш на друг и така ќе си тераш.

Неписмен еден ,да научиш од Твоите Претходници, Векот е тркало,не создавај,тло за Освети, Ова

Што го правиш со своите поданици е само освета ,за која сите страдаме кои се боревме за Македонија, а исто и нашите родители кои гниеа по затворите.

Истите Монтирани процеси и постапки ги ПРАВИШ,како оние од претходните времиња, само ти велам ,оди лажи некој друг што не ја знае сопствената историја,НИЕ знаеме КОЈ си,Мислиш,ако не оставиш без ЛЕБ,ќе не нема,Ќе те стигне и тебе КАЗНАТА, нема многу да тераш ВЛАСТ.

И не ЦРНИ ГО ИМЕТО НА В.М.Р.О., тоа е Идеологија која не ја разбираш,само за МАНИПУЛАЦИЈА ја користиш, да ги лажиш и оние онака неписмени деца,кои поим немаат што е сопствена историја,само да научиш од менторот ти Тупурко,кој пишуваше книги за Александар,како се пишуваат и што се учи од Историјата.

Ерол Ризаов

Никола Груевски ја знае формулата како се победува на сите избори

Во успешни средини победува знаењето. Во Македонија, како многу напредната средина, веќе седум години на сите избори по ред победува Никола Груевски и ВМРО ДПМНЕ. Зад победите стојат саде дела, успеси и знаење. Никола Груевски е првиот македонски премиер кој по осамостојувањето дозна дека каде што има сиромаштија нема демократија. Во беда и мизерија слободата нема поголема цена од полн стомак. Никола Груевски, исто така, е првиот македонски политички лидер кој дозна дека не се прави предизборна кампања 20 дена пред избори, туку од првиот ден по изборите со жестоко темпо до следните избори. Практично, предизборната кампања на Груевски никогаш ни за еден миг не престанала во изминатите седум години. Тоа е жесток маратон кој трае додека си во политиката. Потоа се пишуваат мемоари.

Што уште дозна Никола Груевски. Уште голобрадо момче, како брокер, а потоа и како министер за трговија и финансиии ја дозна моќта на парите. Тие прават вистински чуда. Како премиер го научи и тоа што не се купува со пари, се купува со многу пари. Така пред вонредните парламентарни избори 2011 година од заемот на ММФ во износ од 460 милиони евра, со право на негово користење само во непредвидливи ситуации кои можат да влијаат врз економските реформи, тој за сосема друга намена повлече околу 230 милиони евра пред изборите. Пред заспаната опозиција спокојно ги смести милионите во државната каса, со што ја озакони и легализира изборната корупција во која го вовлече и ММФ. Критиките, што беа упатени од бордот директори во ММФ зад затворени врати стасаа во Македонија одвај чујно дури по големата победа на Груевски на предвремените парламентарни избори. Критиките на Владата од првите луѓе на ММФ објавени само во еден весник имаа ефект како тапани после свадба. Владата не се обиде дури ни да го демантира големиот скандал.

Истото го направи Груевски и овојпат. Тоа што му забрани ММФ да ги користи преостанатите 230 милиони евра поволен заем не го онеспокои многу.Важно Груевски ја имаше во џеб формулата за победа на било кои избори. Ја задолжи државата за нови 230 милиони евра со многу понеповолна камата, но што е, тука е, изгледа толку чинат, големите блескави изборни победи на Груевски што ќе ги плаќаат и сегашните и идните генерации.

Навистина, овојпат опозицијата не спиеше и се обиде да го спречи овој озаконет коруптивен проект за изборна победа. Ама, секој што сака да го спречи патот на парите за изборна победа и да ги загрози финансиските предизборни, изборни и постизборни текови не само што ќе изеде ќотек среде парламентот и ќе му се одземе легитимитетот на пратеник од специјалната полиција, туку ќе биде прогласен за учесник во државен удар. Сите во државата треба да не' прави горди што не се покажаа многу трагични за јавноста ни ќотекот, ни кршењето на Уставот, ниту отстранувањето на новинарите од своите работни места. Изборната победа покажа дека бил сосема онеправдан стравот на Груевски и ВМРО ДПМНЕ што ги исфрлиле пратениците како партали, што ги замолчале новинарите да не бидат сведоци на вознемирувачки настани. Дури и автентичните снимки на една пратеничка колку и да беа потресни и драматични го немаат ни оддалеку ефектот на полната држвна каса. Волшебна моќ има мирисот на парите. Кога ќе им пуштите четириесет и кусур милиони евра во рана пролет на тутунарите во Прилеп, што никогаш не се случило досега, не е тешко да се види дека ќотекот излегол од рајот и е многу лесно да погодите кој ќе победи уште во првиот круг. Парите позајмени од светските банки прават чудеса кога ќе ги зголемите пензиите подеднакво на сите со комунистичка урамниловка. Парите имаат исцелителска моќ во најсиромашната земја на Европа.

Ако и тоа не стасува, тогаш се оди на тотална кампања на две нивоа: да се величаат сопствените успеси и да се сатанизира противникот. Тоа може да биде и многу евтино ако сите најгледани телевизии и комерцијални и јавниот сервис МРТВ се коалициски партнери на власта. Судејќи според рекламите во медиумите на овие избори имаше само една партија која прави дела и една друга која ги расипува. Ако и тоа не стасува и ако и натаму има уплав да не се изгубат изборите тогаш се тука нашите сонародници од Пустец, од Косово, од цела Европа и од белиот свет да гласаат превентивно.

Само една работа не чини. Сега Груевски и ВМРО ДПМНЕ со Ахмети и ДУИ ја имаат споделено целата власт. Од утре нема кој да биде виновен за се' што ни се случува. Или пак Бранко ќе биде крив, сега поради тоа што е крив оти опозицијата изгуби. Природно. Па нели Груевски му порача да си седи таму кај што седи бидејќи само така може да победува постојано. Тоа било добро за ВМРО- ДПМНЕ, ама лошо за државата. Не верувам дека има нешто што е добро за ВМРО ДПМНЕ, а лошо за држвата. Се' што е лошо за државата е лошо и за ВМРО ДПМНЕ. Ќе видиме дека е така многу бргу. Jас не би се радувал многу на ваква победа.